زواج باطل

كان بيجرني وراه وانا بحاول افلت ايدي منه بس مفيش فايده كان أقوى مني بمراحل

وصلنا قدام باب البيت وهو خبط وثواني وبابا فتح الباب وبصلي بصه عمري ما هنساها ابدا

كانت كلها غضب وحزن وعتاب كانت مليانه بمشاعر كتيره اوي بس الظاهر أن " بدر" مقيد حركته أنه يقرب مني ويعاقبني علي عملتي

دخل وهو مازال بيجرني

لقيت مأذون وشهود وبعض الناس اللي اعرفها اللي كانوا بيبصولي بنظرات مختلفه حزن شماته حيره عتاب

بعدني علي الكنبه وهو بيقول المأذون بجمود : - يالا يا شيخنا

بصلي الشيخ بشفقه من عيوني الحمراء وشكلي اللي كان يصعب علي الكافر وهو بيقول : - لا يجوز الجواز بالاكراه يابني ده...

بدر بحده وهو بيقاطعه: - اتفضل ابدأ ياشيخنا شويه مشاكل وهتنتهي متقلقش جوازنا مش هيكون باطل

هز المأذون رأسه بيأس وبدأ إجراءات الجواز وبعد شويه قال جملته

" بارك الله لكما وبارك عليكما وجمع بينكما في خير"

قال جملته من هنا وقام بدر وهو بيقول بجمود : - شكرا لوجودكم ياجماعه عن اذنكم 

قال جملته وهو بيسحب ايدي وبنخرج من البيت من غير اي اعتراض من بابا أو ماما اللي كانوا بيبصولي بنظرات تقت.ل بالمعني الحرفي

نزلنا من البيت وانا بعيط وفتحلي باب العربيه وزقني للمره التانيه بقوه وقسوه وهو بيلف الناحيه التانيه وبيركب العربيه وبيسوقها

كنت بعيط وبترعش بقوه لدرجه حسيت قلبي هيقف من كتر الحزن

ضرب الدريكسيون مره واحده بع.نف وهو بيزعقلي : - بطلي عياط بقي كفااايه هو انا خاطفك انا هروح اقت.لك !!

زعقت زيه: - العن العننن من كده انت اتجوزتني هعيش معاك في بيت واحد هشوفك كل يوم هشم ريحتك اللي بكرهها هسمع صوتك اللي بسد ودني عشان مسمعهوش

بصلي بعتاب : - يااااه للدرجادي بتكرهيني

عيطت اكتر وانا برد بقرف: - واكتر بكرهك اكتر من اي حد في الدنيا بكرهك وعمري ما هسامحك ابدا علي اللي عملته فيا زمان

اتنهد وهو بيمسح علي وشه بغيظ: - خلاص اللي فات م١ت خلاص اختك م١ت.ت ورجعتلك