زواج باطل

ضحكت بسخرية: - رجعتلي؟! رجعلتي بعد ايه بالظبط بعد ما كسرتني بعد ست سنين

انت ناسي انت عملت ايه ؟! انت كنت مرتبط بيا ،ارتبطت بيا سنه علقتني بيك سنه كامله ،ولما اختلفنا في حوار بسيط

جيت واتقدمت لاختي واتجوزتها عشان تعاقبني ،تخيل انت لو عكسنا الموضوع تخيل لو انا روحت ارتبطت باخوك واتجوزته بسبب عشان اغيظك كان هيبقي احساسك ايه ؟!!!

رد عليا كان هيبقي احساسك ايه تخيل تشوفني معاه تشوفني بفستاني الابيض جنبه في الكوشه ،تخيل تشوفه بيحب فيا قدام كل الناس ويتغزل في جمالي ،تخيل يفضل يمدح فيا قدام كل الناس ويقول قد ايه هو مبسوط معايا

مش انت كنت بتعمل كده وبتتعمد تعمل كده قدامي عشان تغيظني بأختي ،انت ازاي جالك قلب

انا بقيت بكره اختي بسببك تخيل اكره اختي احن واطيب شخص عليا في الكون بسبب واحد زيك !!  

تخيل اكره بنت اختي عشان منك انت متخيل انت عملت فيا ايه وبعد كل ده تقولي رجعتلك!!

لا كتر خيرك بجد كتر خيرك اوي اوي طلقني وسيبني في حالي ياأخي طلقني عمري ما هحبك عمري ما هفكر فيك زي زمان مش هخون اختي

- ريمان انتي مش بتخوني اختك اختك عايشه وعارفه الموضوع وهي اللي طلبت مني اعمل كده

رديت بصدم#مه : - ا انت بتقول ايه

يُتبع ...

الجزء الخامس 🖤 بقلمي ايمان شلبي 🖤

رديت بصدم#مه وانا ببصله بقلب بيتنفض وعقل مذهول مش قادر يستوعب ولا كلمه من اللي اتقالت !!

اختي مين اللي عايشه ،اختي ماتت ،انا شوفت اختي بنفسي وهي مي.ته ،شوفت جثتها ،شوفت وشها اللي كان الحرق مغطيه

انا بقالي شهرين بفتكر شكلها ،مش بيروح من بالي بقالي شهرين كل ما اغمض عيني اشوفها في احلامي بتصرخ وتستنجد بيا وانا ككل مره مبقدرش اعمل حاجه مبقدرش أنقذها كل مره بسيبها تم.وت

ازاي بعد كل ده يقولي اختك عايشه وعارفه وراضيه بعلاقتنا !

رديت بصوت بيترعش: - ا ا انت بتكذب عليا صح ا انت كذاب ا اختي ما.تت