زواج باطل

 علي ايد مؤيد اللي صرخ بوجع وهو بيرمي السكينه اللي في أيده وبيسيبني

أما عني صرخت بفزع وانا بغمض عيني بسرعه متوقعه الرصاصه تدخل قلبي

فات ثانيه وأتنين وتلاته وانا لسه مغمضه عيني مش حاسه باي حاجه ولا سامعه اي صوت غير صوت مؤيد اللي بيصرخ من ألم. أيده

فتحت عيني لما حسيت ببدر بيقرب مني وبدون اي مقدمات سحبني من ايدي وجرني وراه وهو بيخرج من البيت

كان بيجرني وراه وهو بيجري علي السلم بسرعه لدرجه كنت هقع علي وشي اكتر من مره لحد ما وصلنا تحت قدام عربيته

فتح العربيه وهو بيزقني بعنف لدرجه راسي اتخبطت ولف ركب العربيه وساقها بأقصي سرعه

بصيتله وانا بصرخ بعصبيه: - وقف العربيه انا مش هتجوز سامع انا مش عايزاك مش عايزه اتجوزك

مردش عليا كان باصص قدامه بجمود وسايق من غير ما يديني اي اهتمام

صرخت بأعلى صوتي وانا بضرب علي ايده بع.نف عشان يوقف العربيه

- وقففف وقف العربيه انا مش عايزه اتجوزك مش طيقاااك مش عايزه اتجوزك حرام عليييك حرام عليك سيبني في حالي

وقف العربيه مره واحده لدرجه صوت احتكاكها في الأرض كان عالي جدا وصرخ في وشي باعلي صوت

- اخرررررسي مش عايز اسمع صوتك

سكت برعب وانا مبرقه وقلبي بيدق بخوف وصوت نفسي العالي مغطي علي صوت نفسه اللي كان بيدل علي غضبه الشديد لاول مره في حياتي اخاف منه بالشكل ده

حطيت وشي بين ايدي وانا بعيط بحرقه وبقول كلام مش مفهوم وهو ساند رأسه علي الدريكسيون بيحاول يهدي

فات دقائق واحنا علي الوضع ده هو بيحاول يهدي نفسه قبل ما يتهور ويعمل تصرف يزعلني

وانا بعيط بصوت عالي

رفع رأسه وكمل سواقه مره تانيه بصمت تام وانا جسمي بيترعش مع كل ثانيه وكل خطوه بنقرب من البيت

مش هقدر اعمل كده ،مش هقدر اتجوز ده بالذات مش هقدر احب ده بالذات مينفعش حقيقي مينفعش

وصلنا قدام العماره لقيته نزل ورزع الباب بقوه علي آثارها اتنفضت ولف يفتح الباب بتاعي وهو بيشدني بكل قسوه