معاملة حماتي لي انتي يا وليه اي معندكيش دم

مدحت _ بصراحه كده يا وفاء انا عارف ان انتي مش هتقدري تعيشي معانا في امبابه واحده واخده على العيشه اللي هي عايشاها معقوله تنزل للمستوى ده  
وفاء _ انا راضيه اعيش في اوضه بس عايش معاكي يا حبيبي انت عارف انا بحبك قد ايه يا مدحت ولا يمكن اتجوز حد غيرك 
مدحت _ انا اسف يا وفاء ارجوكي انسني 

وبعدها قفل السكه وفضل زعلان علي 
الكلام اللي حصل منه وعدا كام يوم 
وراحت فوزيه عند لقاء فتحت ليها وقالت 
لقاء _ست فوزيه معقوله عندنا تعالي اتفضلي يا حبيبتي والله العظيم انتي وحشانا قوي، وانا دخلت واقعد وقولت 
فوزيه _ حبيبتي وانتو كمان والله امال ماما فين 
مش شايفها وخرجت الام وقالت 
الام _ اهلا يا ست فوزيه منوره يا حبيبتي ادخلي 
يا لقاء يلا اعملي حاجه للست فوزيه تشربها 
وبعدها دخلت 
فوزيه _لقاء كبرت وبقت عروسه هي قد الدنيا وانا جايه بقى علشان اطلبها لابني 
الام _ يا خبر ابيض واحنا نطل نناسبكم برده وانتم طول عمركم والناس ذوق وادب واخلاق 

والف مين يتمني يبقي وسطكم 
فوزيه _ حبيبتي ربنا يخليكي برضه اسالي 
عروستنا وردي علينا وهستني تلفونك 
وبعدها قامت 
الام _ طيب رايحه فين يا حبيبتي اقعدي طيب ده بتعملك حاجه تشربيها
فوزيه _ المره الجايه نشرب شربات باذن الله هستنى تليفونك.وبعدها نزلت وخرجت لقاء 
لقاء _ هو انت اكيد مش هتوافقي على الكلام ده بقى انا اصوم اصوم وافطر على واحد زي مدحت ده 

الام _ بقولك يا بنت انت انت مش عاجباني بقالك فتره ولو فاكره ان انا هجوزك للي اسمه سمير ده تبقي بتحلمي
لقاء _ ليه بس يا ماما حرام عليكي هو بيحبني وانا بحبه ارجوكي توافقي عليه بقى
الام _ حرمه عليكي عيشتك ادخلي يلا اوطك مش عايزه اسمعلك صوت وهكلم مدام فوزيه وهقولها ان احنا موافقين وبعدها دخلت 
لقاء الاوضه وكلمت سمير