_بس انا دكتور وحبيبه مجرد طالبه في كليه حقوق !
_بس انا دكتور وحبيبه مجرد طالبه في كليه حقوق !
لبست بسرعه لاني شايفه حالت تعب ماما رغم اني مش عايزه اشوفوا أو بتهرب من ده بس للاسف لازم اروح معاها.
"روحنا العياده ودخلنا قعدنا كانت زحمه اوي انتظرنا شويه بس ماما شكلها كان تعبان خدت الموبيل واتصلت عليه وخليت ماما كلمته بعد شويه الممرضه دخلتنا كشف عليها بسرعه وبعدها خد نفسه واتكلم بهدوء
_اطمني انتي كويسه خالص مفيش حاجه
_ازاي بس يا دكتور انا حاسه بتعب
_لا انتي كويسه انا هكتبلك علاج تاخديه بانتظام وإن شاء الله تكوني كويسه
_ان شاءالله يا دكتور
بصلها وابتسم _دكتور اي انا أسر ابنك مش انتي دايما بتقوليلي كده اسمي أسر ولا نسيتي اسمي
_لا يبني بس
_من غير بس انا أسر
"بصلي ولهجته اتغيرت بحده شويه
_انتي ازاي متصلتيش عليا من ساعه ما جيتوا لي استنيتي
اتكلمت بحده من طريقه كلامه _كان فيه ناس كتير وهما جايين قبلي
_مليش دعوه امي تعبانه يبقي تدخل اول واحده ولا انتي مفكره انها مامتك لوحدك !
رفعت حاجبي _لا هي ماما انا بس
_والله ماشي يا حبيبه هنتكلم في الموضوع ده بعدين !
اتكلمت بثقه _اسمي استاذه حبيبه انا قربت اتخرج من حقوق يعني تقولي يا استاذه
رفع حاجبه _وده من أمتي ده ده انتي كنتي بتيجي عندنا وانتي منكوشه كده
"بصتله بصدم#مه فضحك واتكلمت بكبرياء
_ده كان زمان انا دلوقتي فضلي تكه وابقي اكبر محاميه في البلد
_محسساني انك هتكوني دكتوره ولا مهندسه دي حقوق
_ما هي عشان حقوق بتكلم بثقه حقوق دي كليه كبيره مينفعش نقارن الكليات اللي بتقول عليها دي بحقوق،
حقوق دي بتحل مشاكل كتير،اقولك انا بفهم في مين هيجي في يوم تعرف قيمه المحامين يلا يا ماما
"بصلي بغيظ وماما ضحكت مفكره اننا بنهزر كالعاده بس هي متعرفش نظره التحدي اللبينا!
_بعد اذنك ممكن الديوان الجديد بتاعك وتوقعيلي عليه
ابتسمت _اهه طبعا اتفضل
"وقعت عليه وانا فرحانه ب اول إنجاز ليا انا بحب الشعر والكتابه والنهارده نزل اول ديوان ليا بعد ما حقق نجاح كبير.
_لو سمحتي عايز ا..اي ده حبيبه بتعملي اي هنا
بصتله بتحذير_استاذه حبيبه يا دكتور
تجاهل كلامي _بقولك بتعملي اي هنا
_مع انه شئ ميخصكش بس تمام بوقع علي ديواني الجديد
_اي ده هو انتي صاحبه الديوان ده
_اهه ليك في القراءه
_لا طبعا مليش في التفاهات دي
بصتله بغيظ _طالما دي تفاهات جايه تاخده ليه
