من أجلك حافظي علي نفسك جيداا

_بقولك واحد بيهددني بـِ صوري تقولي فين المشكلة

_أيوة فين المشكلة مانا كمان معايا صور ليكِ يعني عادي

_أيوة بس أنت حبيبي وعادي لو بعتلك صوري، لكن هو واحد معرفوش

_يعني هي دي مشكلتك!

_أيوة يا محمد مشكلة هو في اي!

_مش عارف أصل عادي يعني زي ما معايا صورك أكيد مع غيري وزي ما بعتهالي أكيد هتبعتيها لـِ غيري بردو؛ فعادي خدي الموضوع ايزي

_محمد سيبك مِن الكلام دا وكلمه قوله إنه يبطل يهددني أنا مرعوبة مِن أهلي

_يابنتي أنتِ هبلة أنتِ عايزاني أروح أقوله معلش أمسح صور حبيبتي مِن عندك هي أه مش خطيبتي بس الإكس بتاعتي وأنا بغير عليها؛ فمعلش امسحها هيتف في وشي عالطول يا أميرة وبعيدين مانتي أصلًا بتنشري صورك فيس وواتس وانستا

_أيوة أنا بنشرهم بس لـَ أصدقائي بس

_ومتعرفيش إن ممكن رقم مِن أصدقائك دول يكون ولد وفيك، وإن الفيس أي حد يشوفه عادي ويكون ايميل فيك بإسم بنت عادي جدًا يا حبيبتي وبتحصل كتير

_يعني مفيش حل!

_حلك الوحيد تسكتي وتتجاهليه أصل مش هيعملك حاجة متخافيش كان إللِ قبله عمل

وقعت عليا صد@مة كبيرة وخابت آمالي في أخر حاجة اتعلق بيها لا وكمان وضحتلي حاجات كتير أنا مكنتش شيفاها، هو إزاي بيحبني وبيقولي إن عادي غيره يشوف صوري! هو إزاي بيحبني وبيقولي إن دي مش مشكلة وإن عادي أخد الموضوع إيزي! افتكرت يوم ما كنت ببعتله الصورة وكان أول مرة يشوفني

_يلا بقا أنتِ خايفة من اي ابعتي

_مش عارفة يا محمد بس خايفة

_خايفة مِن اي يا حبيبتي أنا بحبك وطبيعي إن أشوف صورتك أومال اكلمك وأحب فيكِ وأنا على عمايا كدا ميصحش وبعدين أنا بعتلك صورتي أهي

_بس أنت عادي، لكن أنا..

_ملكنش ولا حاجة ابعتي ومتخافيش

_لا بص بلاش أحسن

_أنتِ بتخافي مِني يا أميرة أنتِ كدا مش بتحبيني ولا اي

_لالا والله بحبك