ابتعد عني يا بيه زايي دا انا مصدقت اهلي بايتين النهارده برا
_صباح الخير
رفعت حاجبي=صباح الخير
_ايوه كده، ابقى انزلي افطري بقى
قفل الباب وانا لسه مستغربه مهو يا اما مجنون يا اما مجنون مهو مفيش حل تاني والله
فتحت الدولاب لقيت فيها هدوم بناتي، لبست دريل منهم مهو مينفعش امشي بهدومي دي، نزلت ولقيت الست الكبيره واحمد والبنت وباباه بيفطروا
_مريم، راحه فين!!
=ماشيه، مينفعش عدت اقعد هنا
_راحه فين بردو؟
=هدور على شغل، ان شاء الله تتعدل
_تشتغلي هنا
=افندم؟
_زي مسمعتي، واول حاجه في الشغل انك تعتبري نفسك مننا، يلا عشان واقفتنا قدام الباب دي هتصير الشكوك وانا عاوزهم يفهموا غلط اصلا
_ايوه كده اضحكي بكره تبقى كل حاجه تمم
كان ماشي قدامي وانا وراه، لو طولت ابوس دماغ الي ربتك والله هعملها، قعدت والبنت مكنتش طيقاني وربنا مش كلام، جاوبوني بصراحه هتب.لعني امتى!!
قمت بعد الأكل ولميت الأطباق وهو ساعدني في لمها
_اقعد وانا هلمهم
=قولتلك تعتبري نفسك واحده مننا
هي كلمه اه بس بتفرق كتير، ان حد شايفك مجرد خدامه وحد شايفك بني ادمه زيه زيك
غسلت الأطباق والبنت مشيت وفضلت واقفه في المطبخ
_افشتك
=حد يخض حد كده!!
_بتعملي اي؟
=بسبوسه، عشان اول يوم ليا معاكم
_وعلى كده بتعملي بسبوسه حلوه؟
=ابقى دوق واحكم، مين البنت دي صحيح الي كانت هنا؟
عملتلها وخدت الصنيه واطباق وطلعت الصاله ومامته وباباه وهو كلوا منها وكانوا فرحانين وبيقولوا تسلم ايدك
طلعت قعدت في الجنينه وهو جه قعد معايا
_عندي فضول اسمع حكايتك
=بس يجدع
_اه وربنا
=هتقلب دراما
_لو عيطي اعيط معاكي
=بص يسيدي، بابا وماما اتوفوا وانا عندي 17 سنه يعني اول مفهمت يعني اي حب عيله، عمي بقى طبعا خدني عشان اعيش مع عيالوا بس كان فيه تفريق جامد اوي، تعرف انا خرجت من التعليم، ومن كتر الي حصلي نسيت حتى الحروف، هربت واشتغلت خدامه انا شوفت كتير اوي يا احمد، كتير اوي على قلب بنت عندها 21 سنه!!
_تعرفي اول مشوفتك في الفستان الي انتي لبساه دا فرحت اويي انه جه في بالك تلبسيه، بتاع اختي اول مشوفتك افتكرتها، سافرت ومحدش عارف عنها حاجه، مش عارفين حتى نتواصل معاها!! هي أكبر مني ب5 سنين وجع الفراق انا مقدره وحاسس بيكي، ربنا يرحمهم ومن هنا ورايح انا اخوكي ولو احتاجتي اي حاجه قوليلي، مجرد انك تقوليلي بس وهعملك الي انتي عوزاه
ابتسمت ومسحت دموعي=تيجي نكمل البسبوسه؟
ضحك_يلا قومييي
يمكن هو جه يطيب الوجع دا كله، كان فعلا ونعم الأخ، ومامته كانت بتعاملني حلو اوي عشان مفتقده بنتها، ابوه راجل طيب اويي، مش عارفه هقول كده ازاي بس هما رجعوا دفا العيله الي كنت محتجاه وكنت بشوفه من بعيد، طول الشهرين وهما محسسني اني فعلا منهم، نسيت اصلا اني مجرد خدامه!!، طول الشهرين واحمد بيعلمني الحروف واني اكتب وأقرأ تاني، إلى هو حد بالبرأه دي مفيش والله
_مريم؟
