رواية ملاكي كاملة الفصول جميله جدا
رواية ملاكي كاملة الفصول جميله جدا
حازم: اوعى تقولى حاجه زى كده تانى، انتى زيك زى مها هنا،انتى صاحبه بيت وده بيت عمتك مش حد غريب
ملاك: معلش بس،،،،،،،،،،،،،،
أميره بمقاطعه: مبسش يا ملاك أنا قولت كلمه وخلاص انتى هتفضلى هنا يعنى هتفضلى
ملاك باندفاع: وأنا مش هفضل فى مكان ومش مرحب بوجودى فيه
سيف: مين هنا مش مرحب بوجودك يا ملاك
ملاك: انتوا أدرى أنا مش هفضل هنا
مها: يا ملاك اسمعى بس والله إحنا كلنا بنحبك أوى وعاوزينك تفضلى هنا على طول
ملاك: وهو ينفع واحده جايه من العزبه والفلاحين تفضل هنا
اميره: انتى بتقولى كده ليه يعنى محدش قال كده
ملاك: بعد كده يا عمتى اتأكدى انك قفلتى موبايلك عشان لو حد تانى هيزعل أوى
فهد: على فكره مش ده القصد من الكلام اللى أنا قولته و،،،،،،،،،،
ملاك بمقاطعه: ولو ده القصد عادى انا رأيك ميهمنيش في حاجة
حازم: طيب يا بنتى أنا آسف على. كلام فهد اللى قاله متزعليش
فهد: بابا هو انت بتعتذرلها على ايه انا مش غلطان هي فعلًا جايه من................
بقلمى/ رنا شريف
حازم بحده: مش عايز اسمعلك صوت يا فهد
أميره: ملاك أنا قررت انك هتفضلى اطلعى استريحى فى اوضتك على م الغدا يجهز وانتى يا مها اطلعى معاها
ملاك: يا عمتى اسمعينى
اميره: سمعتى يا ملاك
ملاك باستسلام: حاضر سمعت هروح اجيب حاجتى من السكن
حازم: بعد الغدا سيف هياخدك وتجيبى حاجتك ارتاحى دلوقتى
ملاك: حاضر
طلعت ملاك اوضتها
مها: فهد مينفعش طريقتك دى معاها
فهد: ملكيش دعوه انتى
سيف: يعنى ايه ملهاش دعوة احترم إن إحنا واقفين مش كفايه بيصلحوا غلطك.
اميره: فهد والله العظيم لو عملتلها حاجه مش هيعجبك تصرفى
حازم: اطلع حالا اعتذرلها يا فهد
فهد بعصبيه: اعتذر لمين ؟! انا مش هعتذر لحد
حازم: سمعت أنا قولتلك ايه يا فهد
فهد: مش هعتذر لحد أنا
حازم: طيب اسمع، لو مطلعتش يا فهد اعتبر نفسك بره الشركه والمجموعه كلها
فهد: _____________
أميره: اطلع اعتذرلها
فهد بغضب مكتوم: ماشى تستحمل
طلع فهد فوق ومفيش ثوانى والكل سمع صراخ ملاك و.......
الكل طلع فوق بسرعه ودخلوا الاوضه
حازم: مالك يا بنتى بتصوتى كده ليه، وفين فهد ؟!.
ملاك: مين اللى جاب كلب في الاوضه انتوا عارفين انى بخاف منهم
دخل فهد
فهد: ايه ده انتوا بتعملوا ايه هنا فى اوضتى ؟
مها: اصل ملاك خافت من الكلب اللى ف البلكونه بتاعتك.
فهد: وانتى تدخلى هنا ليه أساسًا
ملاك: دى الاوضه بتاعتى
اميره: اصل فهد لما رجع من السفر اخد الاوضه دى، تعالى هوديكى الاوضه اللى جنب مها
ملاك: تمام ماشى
بقلمى / رنا شريف
مها بهمس لسيف: أنا فكرته قتلها
سيف: وأنا بس هو كان فين
مها: هو انت كنت فين يا فهد ؟!
فهد: كنت فى المكتب بشوف حاجه
سيف: مش قولنالك اطلع اعتذرلها
فهد: ماشى بعدين، أنا خارج
مها: على فين ؟.
فهد: رايح ل آدم، سلام
مها: سلام
سيف: أرجع بدرى عشان نخلص شوية شغل لانى رايح الغردقه بكره
فهد ؛ تمام ماشى
عند ملاك
بقلمى / رنا شريف
أميره: ارتاحى يا حبيبتي وأول ما الأكل يجهز هنادى عليكى
ملاك: ماشى يا عمتى
حازم: هو فهد مطلعش الاوضه خالص يا ملاك
ملاك: لأ
حازم: طيب ماشى، متقلقيش أنا هخليه يعتذرلك عن الكلام اللى اتقال
ملاك: عادى أنا مش فارق معايا كلامه
حازم: معلش يا بنتى هو كان مع عمه فى باريس طول حياته وفكرته عن مصر والأماكن هنا غريبه شويه
ملاك: بكره تتغير
حازم: بإذن الله، ارتاحى انتى دلوقتي
ملاك: ماشى
بعد ما نزل موبايل ملاك رن
ملاك: ايوه يا منه
منه: طمنينى انتى كويسه
