روايه رائعه

معذورة برضو اكيد نفسها تشوف ولادك بس انا متفائله خير وان شاء الله ربنا هيكرمك وتبقى مامي قريب ياحبيبتي لانك طيبه وتستاهلي كل خير يا اماني
أماني
تسلميلي يامروة والله لوما انتي معايا في البيت ده مكنت استحملت اقعد فيه يوم واحد بسبب حماتي وكلامها هي والست داليا سلفتنا
مروة
ليه هي داليا زعلتك في حاجه
اماني
بتفضل هي وحماتي يلقحو عليا بالكلام وانا اقعده معاهم عشان برضو الخلفة مش عارفه الاقيها من مين ولا مين
مروة
ولا تحطي في دماغك الكلام ده هما طبعهم كده الرغي وبس وبعدين انتي عارفة الست داليا من ساعت مادخلت البيت وفضلت تلف حوالين حماتي وتعملها شويتين الحنية بتوعها عشان تاخدها في صفها وحماتي بقا متعملش معاها زي مابتعمل معانا دي بت سوسه

اماني 
ربنا يهديها عني يامروة بجد لحسن انا مبقتش مستحمله كلمة من اي حد خالص
وكنت في يوم تحت عند حماتي وجات بنت اختها تزورها وانا بفتحلها الباب بقولها
اهلا وسهلا ازيك يامي نورتي ردت عليا ببرود وقالت 
اهلا يا اماني ياترى خالتو موجوده
اماني 
اه موجوده اتفضلي ادخليلها
ودخلت مي وسلمت على حماتي واعدت معاها حماتي قالت عاش مين شافك يامي امك عامله ايه مجاتش معاكي ليه
مي 
ماما بخير ياخالتو وبتسلم عليكي بس مقدرتش تيجي معايا صاحيه النهاردة عندها صداع
نوال 
لا الف سلامه عليها ماتروحي تعملي حاجة لمى تشربها يا اماني
اماني 
حاضر ياماما
مي بتبصلي وقالت لحماتي 
لا ياخالتو مش عايزة اشرب حاجة وبعدين هو انا غريبة يعنى ده بيتي دنا اقوم اعمل لنفسي اللي انا عايزاه ولا ايه ياخالتو
نوال 
طبعا ياحبيبتي بيتك اومال ايه ده حتى كان زمانك عايشة معايا هنا دلوقتي بس النصيب بقا هو اللي بيحكم قالت كلمها ده وبصتلي
مي 
اه صح ياخالتو يلا بقا كل واحدة بتاخد نصيبها
طبعا انا واقفة وعارفة هما يقصدوا ايه بكلامهم ده وكل ده عشان حماتي كانت عايزة تجوز بنت اختها لشريف جوزى لكن هو رفض واختارني انا وسبتهم ودخلت المطبخ
مي 
انا مش عارفة ابنك عجبة فيها ايه عشان يسبني ويختارها بذمتك ياخالتو مش انا احلا منها
نوال 
ااه طبعا يابت احلا واحلا كمان بس هتقولي ايه بقا لابني كان شايف فيها ايه زيادة معرفش ده حتى ما هياش عارفة تجيبلة حتة عيل يملا عليه البيت
مي 
ايوه ياخالتو دي حتى ماما قالتلي انه العيب منها بس ابنك اللي مخبي عليكي
نوال 
لا ياحبيبتي انا عارفة بس انا اللي مش عايزة اتكلم عشان ما بتكلم مش بخلص منه
مي 
لا ياخالتو كلمية تاني عشان لو مفيش منها فايدة تجوزية عشان يخلف وتشيلي عياله
نوال 
تصدقي يامي عندك حق انا هتكلم معاه تاني وصحيح منا اجوزة واحده تانيه ايه المانع ابني الحمد لله مقتدر ويعرف يفتح بيت واتنين
مي 
وطبعا ياخالتو مش هتلاقي احسن مني لشريف صح ولا ايه انتي عارفه ان انا بحبه ازاي ولا يمكن 
افكر اتجوز حد غيرو 
نوال 
اه طبعا اومال وبعدين منا عارفة طول عمرك ھتموتي عليه
مي 
انا بحب شريف اوي ياخالتو ونفسي أعيش معاه ولو حتى يوم واحد مش قادرة اتخيل ان البومة دي مراته وانا لا
نوال 
خلاص سيبي الحكايه دي عليا واللي فيه الخير يقدمه ربنا 
وبعد ايام كنت نازله انا ومروة سلفتي من فوق عندي ودخلنا عند حماتي وقالت
نوال 
ايه يا مروة كل ده على ماتنزلي هو انا مش بعتلك من الصبح بنتك تناديلك الواد ھيموت من العياط عايز يرضع
مروة 
مروة 
وبعدين انا هرضعه واديه لأماني تخليها اعده بيه وانا ادخل اشطبلك المطبخ دوري النهارده
نوال 
لا ياختي خليكي انتي اعده بابنك وأماني تشطبة عشان مش هتعرف تسكتة لما يعيط أصلها ياعيني