قصة انا مش عارفه اعمل ايه اخو خطيبى كلمنى فون
قصة انا مش عارفه اعمل ايه اخو خطيبى كلمنى فون
انت في الصفحة 5 من 5 صفحات
بعد ما قولتيلي انك قررتى وانا كلمتك وموبايلك اتقفل انا كنت هجيلك عشان لما عملتى كده انا قلقت
وانا جايلك شركة الطيران اللى حجزت فيها باسمك
انتى اتصلي بنفس الشركة عشان تحجزى
ولما حصل كده كلمونى
وانا هنا قدامك اهو
قومت مشيت اول ما خلص كلامه وقف قدامى
وفضل يزعق
عايزه تهربي قد ايه
اسبوع ؟
شهر ؟
سنه ؟
ردى عليا
قولتله انا عايزه ابقي لوحدى
مردتش عليه
قالى يعنى شهر طب تمام
ولاقيته مسك موبايل وبيكلم
الو
ايوه ي احمد
قالى يعنى شهر طب تمام
ولاقيته مسك موبايله وبيكلم
الو
ايوه ي احمد
انا مع هاجر دلوقتى
لا ي احمد هاجر عايزه تبعد شهر
اجل الفرح واجل كل حاجه ي احمد
لا ي احمد هى مش عايزانى اقول ع مكانها وكمان بتطلب منك انك متدورش عليها
انا كنت واقفه بسمعه ومش بنطق
قفل وبصلي وقالى لو عايزه تهربى سنين مش شهر انا هعملك كل حاجه
مازن
نعم ؟
انتى ليه مش راضي تبعد عنى ؟
انا مش عايزاك ف حياتى ي مازن
ولما بقولك كده انا مش بكدب
بصلى وقالى يعنى انت عايزه احمد يبقي ف حياتك
طب يلا نرجع دلوقتى
هربتى ليه لو انتى مش بتحبينى
قولتله كل حاجه كانت ماشيه كويسه كل حاجه كانت مترتبه
انت جيت بوظت كل ده ف ثانيه
انا مش مرتاحه
انا زهقت وبدات اعيط قدامه
قالى اهدى خلاص تعالى ارجعى الفندق ارتاحى طيب
رجعنا الفندق روحت على الاوضه وانا مش عارفه ولا فاهمه اعمل ايهفكرت امشي واسيب الفندق
فكرت اسافر تانى
بس مازن هيعرف يوصلي
كنت منمتش كويس وتعبانه وروحت ف النوم
وصحيت ع رنت الفوكان مازن
قالى قومى غيرى واخرجى من الاوضه عشان عايزك ف حاجه
مكنتش عارفه هو عايزنى ف ايه
بس كنت متوقعه انه هيتكلم عننا
اول ما خلصت وخرجت من الاوضه لاقيت ورقه ع الارض قدام باب الاوضه
مسكتها فتحتها
كان مكتوب فيها انى اتبع الاسهم
روحت عن السلم
ووقفنى حد وادانى ورقه ومعاها ورده
وخرجنى برا الفندق
وبعدها قالى افتحى الورقه
فتحتها
كان مكتوبلي فيها اركبى العربيه اللى قدامك
ركبت العربيه
ومشينا طريق كان كله صور ليا !!
صور مكنتش اعرف اامتى حتى اتصورتها
لحد ما وصلنا
ومازن فتحلى باب العربيه
بعدها صحيت لاقيت نفسى ف المستشفى
فضلت اصرخ واصوت اول ما فوقت
ياريتنى ما كنت روحت
فضلت اقول كده وانا مش قادره قومت من ع السرير
واحمد كان قدامى
كان بيبصلي وعينيه مدمعه
وعمال يقولي اهدى
لحد ما اغم عليا وبعدها فوقت وانا لسه ف المستشفى
احمد كان لسه موجود
سالته مازن عامل ايه ؟
قالى مازن كويس ي هاجر
بس هو ايه اللى حصل ؟
سكت وقولتله هو فين
قالى انه ف الاوضه اللى جنبى
وانه فاق بس نايم دلوقتى
وقالى انه هيروح يشوفه ويرجعلى تانى
قعدت افكر ساعتها في اللى حصل
بعد ما مازن فتحلى باب العربية وخرجت منها
قالى اخيرا وصلتى
وبصلي وقالى انا بحبك
ومستعد اعمل اى حاجه ونتجوز وصدقينى انا مش خايف
ساعتها اتعصبت عليه اووى
وقولتله اني عايزه ارجع وانى هتجوز احمد
لاقيته بيقولي خدتى قرارك خلاص
قولتله اه
ركبنى العربيه
واحنا ف الطريق قالى هاجر انتي متاكده من قرارك ؟
قولتله اه
اتعصب اووى ساعتها
مكنش مركز ف الطريق
وحصلت الحادثه
وانا بفكر فيه سمعت صوت الممرضين والدكاتره وهما بيجرورا ف الاوضه اللى جنبى
اللى فيها مازن !!!!!!!!
.....
كان هذا الملف الشخصى لاحد المرضى الذى اتي بهم القدر الى مستشفي الامراض النفسيه والعقليه