رواية السر القديم كامله من الاول للاخير
انا عارفه انه مش وقته بس احنا مش هينفع نعيش مع بعض انا وانت مش اخوات
وماما ما كنتش بترضع يعني احنا حتى
مش اخوات في الرضاعه لازم تشوف مكان تعيش فيه او انا ممكن اروح عند خالو
لحد ما نشوف هنعمل ايه بس يا يوسف انا عاوزه اطلب منك طلب
صغير ما تحكيش لحد الموضوع ده سيب ماما ترتاح في تربتها ما تخليش اي حد يتكلم عليها
_ الله يسامحك يا ماما انتي وبابا ولا بلاش يا ماما وبابا ما انا طلعت ما ليش اهل ليه تعيشوني العمر ده كله في كذبه كبيره اروح فين انا دلوقتي ادور على اهلي فين
= هنلاقيهم يا يوسف اوعدك هلاقي اهلك ماما اديتني شويه معلومات لازم ادور عليهم والاقيهم عشان هم دول اللي هيوصلوني لاختي....
سبته دخلت اوضتي عشان افكر انا هاعمل ايه قعدت شويه ولقيته بيلم هدومه وبيقول لي
_ انا هبات في الشغل كم يوم يكون دبرت نفسي ولقيت شقه ايجار انا عارف يا ايه انك ما لكيش ذنب في كل اللي بيحصل ده بس هي ظروف وحكمت علينا انت محتاجه اجيب لك اي حاجه قبل ما امشي
_ خلي بالك من نفسك يا يوسف وكلمني طمني عليك اول ما توصل مهما حصل انت هتفضل اخويا حتى لو ما كناش اخوات بالدم انت اخويا اللي في قلبي اللي هافضل احبه على طول وافتخر انه اخويا
سابني ونزل وانا قعدت افكر هاعمل ايه من اول بكره اول حاجه عملتها جبت رقم دكتور محمد عباس واول ما النهار طلع اتصلت حجزت عنده عشان اخذ عنوان العياده بالتفصيل
