جر.ي..مة عشق بقلم مريم نصار
جري مة عشق بقلم مريم نصار
:-طيب يا عم الحمد لله انك مش زعلان بس تعرف الواد بيتر ده جدع
آدم:- بيتر جدع جدا وصاحب صاحبه انا هاكلمه تاني بكره اشكره على اللي عملوا معايا بجد انتو احلى صحاب واخوات في الدنيا
طارق:- ثواني اجيب منديل علشان دمعت تاني ههههه
آدم:- ابو فصلانك يا اخي غور بقى من هنا
طارق:- لو مش عاجبك طلقني
آدم:- طب يلا وانت من اهله بقى روح نام علشان تروح الشغل بكره وما تنساش تقدملي على اجازه اسبوع ماشي
آدم:- وانت بخير
آدم قفل مع طارق وقف شويه في البلكون على ما مريم تصلي وكان بيفكر كتير ف كلام طارق لازم الل بيحب حد يديله فرصه تانيه ياترى قصدك ايه يطارق بالكلام ده وبعدها دخل جوه شاف مريم واقفه في المطبخ ولسه بتجهز تعمل الكابتشينو
آدم ساند بكتفه ع الحيط:-بتعملي ايه
مريم:- لسه ما عملتش حاجه هاعمل كابتشينو
آدم:- كلمت عم لطفي وبعته يجيبلي الطلبات دي لما بنته كانت بتروق البيت
مريم:- اممم طيب اعمل كام ساندوتش كده ناكلهم انا وانت واحنا قاعدين لو كان لسه بدري كنت عملتك كيك
آدم:- بتعرفي تعملي كيك ؟؟
مريم:- طبعا ده انا استاذه
ادم:- لما نشوف وقرب منها
ادم:- سكرك كام
مريم.: ها
آدم قرب من وشها:-بقولك سكرك كام
مريم: وا.. واحده معلقه واحده
آدم:- طيب تعالي ووطى وشالها وقعدها على ترابيزه المطبخ وهي هتموت من الخجل
مريم:- انت شلتني ليه!!
آدم:- علشان اعمل الكابتشينو والساندوتشات
مريم:- لا لا انا هاعملهم
آدم:- اقعدي مكانك وانا الل هاعملهم
مريم بحرج:- احم ما ينفعش
آدم قرب منها وحوطها وهي قاعده من وسطها:- طول ما انتي تعبانه انا اللي هاعمل كل حاجه وقرب منها اوي
مريم خلاص هتتشل مكانها:- طيب اعمل اللي يريحك
آدم:-يعني اعمل اللي يريحني؟؟
مريم هزت راسها:- ايوه
آدم قرب منها وباسها بوسه طويله واخدها في حضنه
ادم:- احضنيني اووي
مريم غمضت عينيها وحضنته وبعدها شويه خرجها من حضنه وبص ليها
مريم:-على ايه؟
آدم:- لاني كنت محتاج حضن زي ده
مريم نزلت وشها في الارض من الكسوف:- هتعمل الكابتشينو امتى
آدم اتحرك:- ثواني وهكون مخلص الكابتشينو والساندوتشات
آدم بيعمل السندوتشات وبيعمل في الكابتشينو ومريم بتتفرج عليه وكانت مبسوطه ومبتسمه وهو شغال
آدم بصلها:- اضحكي مبسوطه طبعا وانا شغال
مريم:- مش اوي بكره تتعلم كل حاجه
مريم فرحت:-بجد اخدت اجازه؟؟
آدم:- ايوه قولت لطارق يقدملي عليها من بكره وهقعد معاكي ياستي وهاعملك كل حاجه
مريم سقفت بايديها بفرحه:- ده احلى خبر
آدم:- هو لازم نطلع البلكون دلوقتي؟؟
مريم حطت وشها في الارض واتكسفت قرب منها وباس جبينها:- ما تخافيش انا مش هاعمل حاجه غير لما الجرح اللي في وشك ده يخف خالص انا بس عايز نقعد في الليفنج شويه ونشغل التليفزيون ونقعد مع بعض واخدك في حضنى ايه رايك موافقه؟؟
مريم:- المكان اللي انت هتكون مستريح فيه انا كمان هابقى مستريحه فيه
آدم:- مريم انا بحبك. مريم:- آدم وانا بعشقك
الطريق السريع
————–
جمال بيطوح يمين وشمال وبيغني ومش شايف قدامه وكل شويه يجري ويقعد ويقوم وحاسس كأن في حاجات كتير حواليه وبيضرب الارض ويقوم يسقف بايديه وكان في حاله لا يرثى لها ومكانش حاسس باي حاجه بعدها كان في عربيه كبيره جدا جايه على الطريق والدنيا ضلمه وجمال ما كانش شايف العربيه ولكن فجاه جمال ظهر قدام العربيه كان شايفها عصفوره وبيضحك والراجل اللي جمب السواق حاسب … حاااااسب …. حاااااااااااسب—–
يتبع….
عدى كام يوم على ابطالنا الحلوين
آدم اخد اجازه اسبوع وكان جمب مريم ومن كتر دلاله ليها سماها أميرة قلبى وملهمته الوحيده وبيعاملها في كل لحظه وكأنها بنته مش مراته ومريم كانت مبسوطه جدا
ولكن هي كانت منتظره ان آدم يحكيلها عن ماضيه علشان عايزه تساعده وترجع اخته ملك وابوه لحضنه من تاني
آدم اخد مريم المستشفى وشالت الشاش والحمد لله ما كنش فيه اثر للجروح غير حاجات بسيطه جدا والدكتوره كتبتلها على كريمات وعلاج والاثار بعدها هاتختفي تماما فى غصون كام يوم
وآدم رجع لشغله تاني وكان بيرجع ملهوف على اميرته مريم
و مريم كانت بتستناه بشوق كبير ولهفه وكانوا عايشين في سعاده وكان ياخدها في حضنه ويبادله الحب مع بعض
—————-
طارق كل يوم والتاني ينط لرنا في الجامعه وهي اتعلقت بيه جدا اكتر من الاول وطارق هيموت ويتجوز رنا لانه خلاص مش قادر علي بعدها
———
ملك عرفت ان جاسر بيحبها وهي كمان اتعلقت بيه وكل يوم والتاني يتصل بيها علشان يقربها منه اكتر وهي بتروح احيانا تقضى معاه وقت في الشركه ولكن هي متغاظه من السكرتيره الموجوده في المكان
وملك خايفه يكون حبها ل جاسر احتياج مش حب حقيقي فقررت تدي لنفسها فرصه علشان تشوف هي بتحب جاسر بجد ولا لا
———–
هنا كل يوم تفكر في آشرف ان معقول هي فرحت كده اول ما عرفت انه بيحبها بقى هي ممكن تكون معجبه باشرف من زمان وهي ما كنتش عارفه
اما أشرف كل يوم والتاني يسال رنا وهي يا عيني مش مريحاه وكل شويه تقوله اصبر يومين وهكلمها
وأشرف خلاص هينفجر منها على برودها معاه
وعبير بتعامل أشرف في الشركه زي ابنها الكبير وخافت تقرب منه بسبب طارق
طبعا جمال اتوفي اثر الحادثه واهله دورو عليه وعرفوا انه في المستشفى وتوفي عن اثر حادثه ولكنه كان متعاطي كميه كبيره من المخدرات وهو اللي طلع قدام العربيه فجاه ومراته وابنه والست الكبيره نهاد اللي عايشه معاهم عايشين في حاله حزن شديده
وزياد رغم صغر سنه إلا أنه جرئ وعقله اكبر من سنه بكتير وحالف لاينتقم لابوه
——————-
عاصم بيفكر انه خلاص كده لازم ياخد خطوه من ناحيه جاسر بعد ما حرق الدليل
ومفيش فايده ان هنا ترجعله لانها ما اتخطبتش هو فكر ان رنا بتقول كده وخلاص لانها لو كانت اتخطبت كانوا هيعمله حفله وجاسر هيعرفه
وفكر انه يمضي جاسر بعد ما بقى جاسر بيثق فيه جدا وقرر بعد ما يمضي جاسر ويبعدهم عن طريقه
يلتفت لحياته وياخد حبيبته الوحيده في حضنه
—————-
ابتسام الحيزبونه بتفكر انها تجوز ابنها المدلل الشرير عاصم علشان كبر في السن
—————-
اما شيرين طبعا عايشه في حاله حب مع مصطفى
ومحمد بيذاكر بكل تركيزه ولكن احيانا يفكر في مريم وانه ازاي هينتقم من آدم او يطلق مريم منه
——————-
في الجامعه
رنا: صباح الخير يا هنا
هنا: صباح الخير يا رنا
رنا: فطرتي ولا لسه
هنا: لا لسه شكلنا كده هنروح
رنا: هنروح ليه
هنا:لان الدكتوره اعتذر عن المحاضره وما جاش
رنا: الله الله اهي دي الاخبار الحلوه ولا بلاش
بت يا هنا انا جاتلي فكره جهنميه قومي تعالي معايا
هنا: على فين سيادتك
رنا: هنجيب فطار وهنروح نفطر في مكان هتحبيه اوي هههههههه
رنا: جابت فطار واخدت هنا معاها وبعد ما سألوا على المكتب رنا خبطت على باب المكتب
أشرف: ادخل
رنا: ممكن أدخل يا ابيه ههههه
أشرف: رفع راسه يشوف مين بس شاف رنا واقفه على الباب
اهلا خشي يا ختي
رنا: دخلت احم احم
أشرف مش منتبه لانه مشغول في الاوراق وشاور ل رنا وقالها اترزعي مكانك انا ورايا شويه اوراق مهمه وهخلصها واشوفك جايه ليه وكمان من غير ما اعرف
رنا: احم احم وشاورت ل هنا تتكلم
هنا: صباح الخير يا اشرف
اشرف حاسس انه بيتخيل صوتها وهز راسه وكمل شغل
هنا ابتسمت ورنا كتمت ضحكتها وشاورت لهنا قولي تاني
هنا: احم صباح الخير يا اشرف
اشرف: رفع عينيه وشافها وقام مره واحده والملف وقع من ايدو والاوراق كلها اتلخبطت وقال هنا معقول
رنا انفجرت من الضحك على منظر اخوها
وهنا كانت عباره عن كتله طماطم
أشرف بص ل رنا بشرز واستحلفلها لما نروح ماشي
رنا: احم ايه يا هنا مش هتسلمي على اخويا
هنا: ازيك يا اشرف عامل ايه
اشرف: زق رنا من وشها وقعدت على الكرسي وقال انا كويس. كويس اووي انتي عامله ايه كويسه دلوقت
هنا: الحمد لله
أشرف: لسه في حاجه بتوجعك مكان الوقعه
رنا لحقت هنا ونطقت علشان عارفه هنا هتعك الدنيا
رنا: ايوه يا اشرف هنا الحمد لله كويسه وجينا نسلم عليك انا قلتلها انك قد ايه كنت قلقان عليها قد ايه وهتموت عليها وتطمن
اشرف: بص ل رنا وبرق عينيه وصك على اسنانه واستحلفلها. اتفضلي يا انسه هنا اقعدي تحبي تشربي ايه
هنا: حولت تكسر توترها وتتجرأ زي رنا لا انا جايه افطر معاك
اشرف: ببلاها ها
هنا: قصدي جايين نفطر معاك
أشرف: مش مصدق نفسه
ورنا قامت وقالت يلا نفطر
وقعدو فطروا وكلهم مع بعض مبسوطين واشرف كان اكتر واحد مبسوط
هنا كانت متوتره جدا ورنا قالت طيب انا هنزل اشتري حاجه نشربها
هنا:وقفت هاجي معاكي
رنا: لا خليكي أشرف عايزك في كلمتين
اشرف: اللقمه وقعت من بقه وكح
رنا: اسم الله عليك يا قلبي اجمد كده
وانتي يا هنا اكيد عايزه تتكلمي مع اشرف نفس الكلمتين هههههههههههه اصل انا فتانه يلا بقى اسيبكو مع بعض
ورنا خرجت وقعدت بره واتصلت على طارق وحكيتله كل اللي حصل في الجامعه لحد اشرف في مكتبه
طارق: يا بنت اللذينه اكيد اشرف لما يروح هيعمل منك كفته
رنا:بدلع واهون عليك هتسيبه يعملني كفته
طارق: بلع ريقه بصعوبه رنا
رنا: نعم يا عيون رنا
طارق: رنا انا هاجي اتجوزك دلوقتي
رنا: كتمت ضحكتها بالسرعه دي يا بيبي
طارق: خلاص هيتجنن من دلع رنا ايوه انا استنيتك كتير رنا انا هتجوزك وكملى تعليمك وانتي في حضني
رنا: احرجت من الكلمه احم لا لا مش وقته جواز ولا حتى خطوبه انا اتفقت معاك لما اخلص دراستي خالص
طارق: ليه ان شاء الله والله ما يحصل الكلام ده اتكلمي على قدك انا هاجي اطلبك من ابوكي ولو رفض هاحبسكو كلكو وقفل المكالمه في وشها
رنا: ههههه بحب مجنون
في القسم
————- بقلم Mariem Nasar
طارق:صباح الخير يا آدم
آدم: صباح الخير يا طاروق
طارق قاعد بينفخ ومتدايق والعفاريت بتتنطط في وشه
آدم: يا ساتر مالك علي الصبح قالب وشك ليه
طارق: هو باين عليا
آدم: ههههه لا خالص انت شبه الحمل الوديع
اخلص قول مالك جالى بلاغ وعايز الحق اشوف هعمل ايه
طارق: هاحكيلك وشوفلي حل في بنت عزيز دي
طارق حكي ل آدم كل حاجه: بس يا سيدي يعني هي عايزه اخوها يتجوز وسيباني انا كده هتجوز على نفسي
آدم: سرحان في اللي طارق حكاه وما بيردش عليه
طارق: انت يا بني ادم انت هو انا باحكيلك علشان تسرح وما تردش ما تقولي اعمل ايه
آدم: مش غريبه دي شويه
طارق: انا بقول كده بردو يعني ازاي تجوز اخوها وتسيبني انا متشحتف كدا
آدم: لا لا مش قصدي على كده
طارق: امال تقصد ايه
آدم: غريبه أن عاصم بعد مكان مقرب من هنا واخد المعلومات اللي هو كان عايزها بعد عنها وسابها
وانهردا كان عايزها تقابله في الشقه مره واحده زي ما رنا حكتلك
طارق: غريبه ازاي مش فاهم يمكن عايز يتكلم معها في حاجه
آدم: هز راسه بنفاذ صبر من غباء صاحبه وقاله انت يابني دماغك دي فيها ايه فكر بعقلك شويه
دلوقتى حسين كتب املاكه ل جاسر وهنا بالنص وبعدها عاصم قرب من هنا ولما هنا كدبت عليه وقالتله اتنازلت على نصيبي لاخويا
اخد منها معلومات عن ابوها وخلع وساب هنا من يوم وفاة ابوها وهي كلمته مرتين وعايزه تفهم اتحججلها بفرق السن وسابها
ودلوقتي بقى رجعلها وعايزها تروح شقته لييه
طارق: ليييه
آدم: اكيد عايز من هنا يا اما ياخدها الشقه ويعملها حاجه ويصورها مثلا علشان يقول ل جاسر وجاسر يتنازل قصاد انه يشتري فضيحه اخته
يا اما عايز يقرب من هنا ويقربها منه تاني ويخليها خاتم في صباعه ويخلي هنا تمضي اخوها على اي ملف ويكون فيه الاوراق وده طبعا انا استبعدوا.
طارق: يعني قصدك ان عاصم ممكن……….
آدم:بص ل طارق على فكره هنا في خطر من عاصم ولازم نلاقي دليل انا مش لاقي اي دليل احبسه بيه
طارق: يعني انت قصدك ان عاصم ممكن يغتصب هنا
آدم: لا مظنش لان عاصم لابس قناع الفضيله وكمان خبيث مش هيحاول يوقع نفسه بالسهوله دي هو ممكن يشربها حاجه وما تكونش في وعيها ويوهمها انه قرب منها ويصورها وبكده تكون اتفضحت
والموضوع لو وصل للمحكمه هيطلبوا كشف طبي واكيد عاصم مش اهبل علشان يلبس قضيه اغتصاب
لا عاصم في دماغه حاجه انا مش قادر اوصللها لانه ما بقاش يجي هنا يسال زي الاول يا طارق انا عايز سبب نقرب منه من عاصم لازم اتكلم معاه وافهم دماغه وساعتها هعرف بيفكر في ايه انا متاكد من ده
وعلى فكره يا طارق رنا احتمال انا ما بقولش اكيد احتمال تكون في خطر من عاصم لانها بوظت خطة عاصم ف انه ياخدها شقته
طارق: ده انا اقتله الله يخرب بيتك يا عاصم الكلب
وانتي يا رنا لو نتجوز بس ساعتها هاعرف احميكي
آدم: هز راسه بيأس من صاحبه وغبائه
مكتب اشرف
————-
أشرف: قاعد قدام هنا وكل الكلام اتبخر
وهنا قاعده بتفرك في ايديها من التوتر
أشرف: عامله ايه
هنا: انا كويسه الحمد لله
أشرف: تحبي نخرج شويه
هنا: نخرج فين
أشرف: اي مكان تختاريه
هنا: لا لا هنا احسن علشان لو حد شافنا
اشرف قام من مكانه وقعد على الكرسي اللي قدامها وقالها بصي يا هنا اكيد رنا حكتلك صح
هنا: نزلت وشها في الارض وكان كتله طماطم
اشرف: حس ان اللي جاي خير. طيب ممكن اعرف ايه رايك
هنا: بتلم شتات افكارها وبتحاول تقول كلمتين على بعض.اهم انا. انا
أشرف: انا مقدر طبعا لان الموقف صعب اذا كان انا اول ما شفتك في مكتبي كان هيغمى عليا وضحك
هنا: ابتسمت من حبه ليها
هنا: ليه كل ده انا انسانه عاديه يعني مش للدرجه دي
أشرف: لو سمحتي تقييمي ده حاجه تخصني انا
.انا يا هنا شايفك ملكه عمرك ما كنتي عاديه ابدا
هنا: بتوتر ميرسي ربنا يخليك ده من ذوقك
أشرف: رنا قالتلك اني معجب بيكي صح
هنا: بتسرع بغباء لا قالت انك بتحبني وبتموت فيا وبعدها انقص لسانها وقالت يا ارض انشقي وابلعيني
اشرف: كان هيضحك على تعابير وشها بعد ما حست انها عكت
أشرف: حب يطمنها ولكن حصل العكس ورنا ما كدبتش يا هنا انا بحبك وبموت فيكي واكتر من كده بمراحل
هنا: حست انها بتصغر وكل حاجه حواليها بتصغر وهتموت
أشرف: حاسس ان هنا متوتره جدا وشكلها باين عليها مالك يا بنتي
هنا: هو الجو حر
أشرف: حر في الشتا لا الجو ساقعه
هنا: طيب انا عايزه اروح
أشرف: تروحي فين لسه بدري لسه عايز اكلمك ف شوية أمور
هنا: قامت ووقفت وبتهوي على وشها بورقه موجوده على المكتب لا لا انا حرانه اوي عايزه اروح حاسه ان الجو حر اوي
أشرف: استغرب وقال الجو حر اوي اهدى يا هنا مفيش حاجه والجو والله حلو
هنا بتهوي بسرعه ووشها نار من الاحراج
أشرف: مسك ملف من على المكتب وفضل هو كمان يهوي عليها
وهنا رنا دخلت عليهم وشافت المنظر ومقدرتش تمسك نفسها
رنا هههههههههههه ايه ده وايه اللي بيحصل هنا ممكن افهم
هنا: راحت ل رنا وقالت.. رنا انا حرانه اوي عايزه اروح الجو حر يا رنا
رنا: حطت ايديها على خد هنا وكان فعلا سخن جدا
وبدات رنا هههههههههههه انتو عملتوا ايه ههههه انا سايباكو نص ساعه بس اجي الاقيكو بتولعوا
أشرف: واقف ومش فاهم حاجه انسه هنا ممكن تروحي مع رنا الحمام وتغسلى وشك لانه احمر اوي وانتي يا رنا والله ما عملت حاجه انا يا دوبك لسه بتكلم لقيتها احمرت كده لوحدها
رنا هموووت هههههههههههه انت قولتلها انك بتحبها
هنا: بنفس التسرع ايوه قال وقال انه بيحبني وبيموت في واكتر من كده بمراحل
أشرف: ضرب كف على كف هو ده السبب في انك تكوني حرانه بالشكل ده طيب اهدي كده وما فيش حاجه
ده انا لسه باتكلم وكنت عايز اقولك لو موافقه تاخدي ميعاد من جاسر اخوكى واجي اتقدملك
هنا: الورقه وقعت منها ومسكت ايد رنا وحطت ايديها التانيه على قلبها وبتمتم بكلام وهي مغمضه
أشرف: ورنا استغربوها وقالوا الاتنين في نفس واحد
انتي بتكلمي نفسك بتقولي ايه يا هنا
هنا لا لا انا بقرأ ايه الكرسي
رنا: ربنا يزيدك يا بنتي
هنا: هديت نوعا ما وقالت لااشرف طيب انت مش حاسس انك مستعجل يعني انت لسه ما تعرفش عني حاجه
وفي حاجات لازم تعرفها عني
رنا ضغطت على ايد هنا وشاورت براسها لهنا بلا
أشرف: بصي يا هنا انا قولتلك من شويه تعالي نخرج انتي رفضتي علشان لو حد شافنا وفعلا ده كان تسرع مني في اني اطلب ده
لكن انا عمري ما هاخرج معاكي ولا هعرف عنك حاجه غير لما تكوني خطيبتي ساعتها بقى يستي نعرف عن بعض كل حاجه ها قولتي ايه
هنا: بصت ل رنا وسكتت
رنا: يبقى علي خيره الله انتي تكلمي اخوكي علشان نجيب ابننا اشرف ونيجي نحدد ميعاد الخطوبه
هنا: وطت راسها بخجل وقالت ان شاء الله
