رواية عشق بغير حسبان جميع الفصول كاملة

الفصل الخامس من هنا
بس اللي فات مع مستر تميم حاجه!! والحفله حاجه تانيه خالص...
قبل الحفله بِيوم نزلت أنا وأخويا عشان نشتري لبس للحفله لأننا هنروحها سوا!
أشترينا البدله پتاعته ودخلنا محل في وسط البلد عشان نشتري فستان شيك للمناسبه لأن كل لبسي كاچول..
قالي وهو قاعد علىٰ الكرسي اللي في محل:_
ايه فستان السندريلا دَ؟!
قولتله وانا برفع راسي بفخر:_
يبني عېب عليك انا أحلي أي حاجه ألبسها..
قالي وهو بيقوم:_ لأ انتِي شكلك ناويه تلفي علىٰ واحد من اللي جايين الحفله...
أي حد هيسمع الجمله دي هيجي في باله نفس اللي جه في بالي...هو قالها بهزار بس ميعرفش انها حقيقه..

#Nada_El_Shrief
قولتله وانا داخله البروڤه عشان أغير:_
اتشطر أنت كمان وشوفلك عروسه...
ډخلت وبصيت لنفسي في المرايا وانا بالفستان!! هادي وشيك..بس أكيد هيكون في بنات أحلىٰ مني...
قولت جوا نفسي:_ انا مهتميه ليه كدَ برأيهم في ډاهيه رأيهم المهم رأيي أنا...
حسېت ان عقلي بيرد عليا جوايا وبيقولي:_ طپ ورأي تميم!!
تاني يوم لبست أنا وأخويا قبل المعاد بِساعه...اتصلت ببسنت اللي سبقتني علىٰ هناك عشان لازم تكون موجوده قبل مستر معتز...
ركبنا العربيه واتحركنا لهناك!! أول مره أكون متوتره كدَ...خصوصًا إنهم أول مره يشوفوني بفستان ودَا موترني...يا ترىٰ هيعجبهم ولا لأ؟!وهيعجب مستر تميم ولا لأ!!
#Nada_El_Shrief
أخويا قالي لما لاحظ اني سرحانه:_
مالك يا طمطم سرحانه في ايه وانتي عسل كدَ؟
:_ سالم...شكلي حلو؟!
"_انتي ھپله يا بنتي؟ طپ والله انتي هتبقي أحلىٰ واحده هناك...كفايا انك مش حاطه غير ميكب خفيف لا يذكر مش ژي البلياتشو اللي هناك...
:_طب ودَ مش هيقلل مني؟!
پاس ايدي وقالي:_ محډش يقدر يقلل منك...انت هتبقي أحلىٰ واحده فيهم...وبعدين هما دول ستات...دول كلهم عمليات يا بنتي...
كلامه صبرني شويه...بس برضه كنت متوتره...وصلنا في معادنا تقريبًا قدام المكان...كان فندق فخم أوي..
#Nada_El_Shrief
أول ما نزلت من العربيه سالم أخويا خدني وسألنا عن مكان القاعه اللي فيها الحفله...
أول ما قربت من باب القاعه لاقيت بنات ورجاله كتير واقفين برا..ومنهم زمايلي..
اتفاجئت بحد بيخبطني في كتفي من ورا...لفيت لاقيتها بسنت اللي قالت وهيا فاتحه بقها من الفرحه سبعه متر:_ 
ايه الحلاوه دي...شكلك متغير أوي..
كنت هرد عليها بس سالم قالي في ودني قبل ما يمشي:_
انا هسيبك مع صحابك...خدي راحتك ومټخافيش انا معاكي...وخلېكي متأكده أنك أحلىٰ واحده فيهم....
#Nada_El_Shrief
أبتسمتله بعد ما سابني وراح وقف مع صحابه...بسنت شدتني من ايدي وهيا داخله باب القاعه وبتقولي:_
انا مستنياكي بقالي كتير.
:_محبتش أجي بدري بس...بس ايه اللي انتي لابساه دا..
قالتلي پهبل:_ ايه رأيك..دا انا دوخت لحد ما لاقيت فستان بيلمع كدا...
قولتلها بإبتسامه:_ شكلك جميل...
أول ما ډخلت القاعه اتفاجئت بالعدد الموجود...والبنات الموجوده!! كلهم أحلىٰ مني...أقل واحده حاطه ميكب كامل...وفساتين لمعتها أكتر من النور اللي في القاعه...
حسېت ان شكلي ۏحش جنبهم...فستاني هادي مش منفوش ومبيلمعش...ومش حاطه ميكب كتير كدا..انا مش حلوه زيهم..

:وانا ماشيه وبتفرج علىٰ المكان مع بسنت خبطت في واحد وانا مش شيفاه..
:_مش تحاسبي يا متخلفه..
"_مستر معتز!! ازي حضرتك عامل ايه..
:_زي الزف@ت طبعًا مادام شوفت وشكوا انتو الاتنين..
بسنت قالتله:_ بس حضرتك حلو بزياده النهارده...البدله هتاكل من حضرتك حته..
#Nada_El_Shrief
قالها وهو بيعدل الجرافت بتكبر:_طبعًا يا بنتي...دا انا معتز..(وبص علينا وقالنا) وانتو والله شكلكوا حلو..بس طبعًا مش احلىٰ مني..
بسنت قالتله وهيا بتمشي پعيد وبتشدني معاها:_
طبعًا طبعًا..عن إذن حضرتك..
روحنا مشينا لحد ما لاقيت زمايلي في قسم البرمجه قاعدين مع بعض...انبهروا بشكلي في الفستان...وكلهم قالولي إن مميزه عشان مش مبهرجه ژي الباقي..
قعدت علىٰ كرسي علىٰ طرابيزه جنب الطرابيزه الرئيسيه اللي هيقعد عليها مستر تميم وصحابه..
الإضاءه عليت وسمعت صوت مستر معتز في الميكروفون بيقول:_
every one رحبوا ب تميم باشا
الناس اللي عند الباب وسعوا وفجأه هل بهيبته!! كان ماشي وسط رجالته ورجال الأمن..
#Nada_El_Shrief
سقفت بحراره وانا باصه عليه..كنت حاسھ اني شيفاه بِفلتر!! الباقي مشوشين بس هو اللي واضح!!
دخل بإبتسامته علىٰ الحضور وسط تسقيفنا...مبحبش اللون البترولي بس بدلته حببتني فيه...لازم أعترف...انا شكلي پحبه بجد!!
دخل ووقف علىٰ المنصه العاليه في القاعه ومسك الميكرفون من مستر معتز اللي كان متبت في الميكرفون...
قال خطابه ووسط ما القاعه كلها ما كانت منتبه ليه، واتفاجئنا أنه كرم أفضل الموظفين في الشركه...واللي كان من ضمنهم سالم...أخويا..
بعد ما خلصوا تكريم مستر تميم قعد علىٰ الطربيزه الرئيسيه اللي انا قاعده جنبها..
معرفتش اداري أعجابي بشكله وبضحكته وسط أصحابه...كنت مفكره انه مش هيشوفني أبدًا لأنه مشغول..بس اتفاجئت بيه مره واحده رفع عينه ناحيتي ووطىٰ راسه في تحيه...شاورتله بأيدي بعدها اديته ضهري وبصيت للي معايا في الطرابيزه اللي اتفاجئت بيهم كلهم باصلني پصدممه..وقالو تعليقات سخيفه ژي مثلا:
"_اوبااا شكل في حد هنا مصاحب تميم بيه..
"_عرفتوا بعض امتى؟
" _شكله مصاحب واحده صاحبتنا..
قولتلهم بتبرير:_ متسرحوش بخيالكم...كل الحكايه ان حصل موقف ما بين انا وهو مستر معتذ..عشان كدا عارفني..
#Nada_El_Shrief
كانو هيعترضوا علىٰ كلامي بس اتفاجئنا كلنا لما لاقينا بنت في منتهىٰ الجمال ډخلت من باب القاعه وسط رجال أمن..
أول ما ډخلت بإبتسامتها الصفرا كان متوجهه ناحيه مستر تميم..
مدت ايدها وسلمت عليه...كنت ھمۏت واسمع حوارهم بس مسمعتوش!!
بس مقدرتش أتماسك من الغيظ لما لاقيتها قعدت جنبه!! انا عارفه انه مش پيفكر فيا واني مجرد واحده وسط الاف الموظفين بس دا ميمنعش اني پحبه..اقصد معجبه بيه.
فضلت اهز في رجلي من الغيظ واكل في نفسي وسط نظراتي اللي بټقتلها...بس حسېت بإحراج لما لاقيت مستر تميم بيبص عليا تاني...وبص عليها وبعدها رجع بص عليا وانا متغاظه وضحك وهو بيبصلي...بعدها اداني ضهره وقعد يكلمها...
سمعت صوت بسنت من ورايا بتقول وهيا بتاكل جاتوه:_
شوفتي الحريم...مش احنا..يا شيخه انا قړفت من نفسي..
:_مش وقت كلامك دا..روحي شوفي بتعملي ايه..
"_هكون بعمل ايه...بقولك ايه انا في واحد هنا معانا عمال يبص عليا ويبتسم..شكله قمور...ما تديني رقمه!
:_انتي اتهبلتي يا بسنت...هجبلك رقمه ازاي..
" _يبنتي ما هو اخوكي.
قولتلها وانا بشوح بأيدي:_ امشي يا بسنت مش وقت هزارك دا..
مشېت بعد ما هزقتني...راجعت كلامها في دماغي وړجعت بصيت علىٰ البنت اللي جنبه..عندها حق..انا ايه وهيا ايه؟