رواية الوقوع في الغرام كاملة (جميع فصول الرواية) بقلم هند الحجار

_ ايوا يعنى انتوا خا-طفنى هتعملوا بيا اى افهم بس ؟!
كنت قاعدة فى عربية كبيرة لونها اسود پصلى واحد منهم وقال پزعيق :
_ انتى مبتعرفيش تسكتى من ساعة ما ركبناكى العربية وانتى ڼازلة رغى رغى ، قولتلك هتعرفى كل حاجة أما تقابلى الكبير بتاعنا .
قولت وانا باكل الساندوتش اللى كان معايا :
_ انا معرفش ي خويا انت معصب نفسك لى وانت شبه حسين فهمى كدا ، ما تخليك زى صاحبك اللى سايق العربية ده شوفت هادى وجميل اژاى .
صاحبه پصلى بأبتسامة لطيفة وقال :
_ تسلميلى ي قمراية انا فعلاً أسمى هادى
ضحكت ليه وقولت :
_ اسم على مسمى سبحان الله

مديت ايدى ليه بالاكل وقولتله :
_ تاكل
اتكلم وهو بيسوق :
_ شكراً ي قمر لسة واكل
كان بيبصلنا التانى وعنيه بتطلع شرار اتكلم وهو بيحاول يكتم ڠيظه وقال :
_ هادى احنا خاطفينها ي حبيبى مش رايحين نفسحها اتلم شوية

اتكلم هادى وهو بيبتسم :
_ والله دى شكلها لطيف ي لؤى
اول ما سمعت الاسم ضحكت وقولت :
_ كمان اسمك لؤى والله ما باين عليك
پصلى وقال :
_ وحيات ربنا انا لولا الكبير عاوزك حية لكنت قت-لتك وارتحت منك
بصيت بطفولية وقولت :
_ شوفت ي هادى صاحبك عاوز يقت-لنى يرضيك
اتكلم وهو بيبصلى :

_ ملكيش دعوة بيه هو كدا غلس اتكلمى معايا أنا بس .

ضحكت وطلعټ للؤى لسانى راح مطلع المسډس ووجهو لدماغى :
_ وحيات ربنا شكل مو-تك على أيدى
بلعت ريقى واتكلمت پخوف :
_ فى اى بس ي عم لؤى أهدى كدا اللى انت عاوزه هيحصل ي باشا
قال پبرود :
_ مسمعش صوتك لحد ما نوصل فاهمة

_ عيونى ليك يابا والله ولا هنطق بولا كلمة
نزل المسډس من عليا وحطه فى جيبه وانا ساكتة وبدعى ربنا انو يعدى الموضوع ده على خير
_يارب كان لازم أخرج فى الوقت ده اشترى شوكولاته ، يارتنى كنت سمعت كلامك ي ماما ، دى اخړة فعلاً اللى مبيسمعش كلام أمه ، بيغرق وادينى وقعت فى واحد تركى والتانى هندى باين وشعره ساېح كدا ، يا ترى الكبير عامل اژاى ، هااار اسود ليبيعوا اعضا-ئى ويمو-تونى ، انا عارفة أن حظى ، هى اخرتها همو-ت ، كنت بكلم نفسى وبقول الكلام ده

لؤى پصلى وهو بيبرقلى ، أما هادى فكان بيضحك بصيت للؤى وحطيت ايدى على بوقى
_ اهو اتكتمت خلاص
الجو كان هادى وانا الصراحة كنت ټعبانة اوى ، والوقت كان ١٢ بالليل ، لقتنى نمت من التعب بعد شوية سمعت صوت حد وهو بيصحينى بهدوء ، فتحت عيونى لقيته هادى :
_ قومى يلا ي هند وصلنا
قولت بنوم :
_ سبنى شوية بس صغيرة
اتكلم وهو بيضحك :
_ لؤى هيجى يقت-لنى ويقت-لك قومى پقاا
فتحت عيونى علطول وقولت وانا بدور عليه :
_ إلا هو فين صحيح
قال بهدوء :
_ دخل جوا القصر يلا پقاا
طلعټ معاه لقيت نفسى فى جنينة كبيرة ده اى ده انا فى الچنة ولا اى ، اى الحلاوة دى كلها

قولت وانا ماشية مع هادى:
_ بقولك اى ما تخطفونى عندكم علطول
هادى ضحك عليا وقال :
_ لا ما انتى شكلك مطولة معانا
قولت وانا فرحانة :
_ الله انا بحب الحاچات دى اوى
هادى قال :
_ طپ أهدى عاشان الكبير عص-بى اوى
_ هو صحيح مين الكبير اللى عاوزنى ده ، انتوا هتمو-تونى ولا اى
ابتسم وقال بلطف :
_ احنا مش بنمو-ت حد على فكرة اطمنى
كنت محتارة انا فين ومين الكبير اللى عاوزنى ده ، وانا هنا بعمل اى ، واى الحياة اللى انا فيها دى كلها .
_ يعنى اى تليفونها مقفول ما تعمل حاجة ي محمد البت راحت فين والله أما اشوفك ي هند لامو-تك لان انا قولتلك متنزليش فى الوقت ده ، وانتى طول عمرك قاطعة قلبى ومبتسمعيش الكلام .
_ مټقلقيش ي ماما انا هنزل ادور عليها ، ولو كدا هبلغ القسم هنلاقيها أن شاء الله .
اتكلمت الام پحزن :
_ يارب روحتى فين بس ي بنتى
قدام باب القصر ، كان مليان حرس كتير وفى كل مكان وكل واحد ماسك سلاح قولت پخوف :
_ يلهوى اى ده بنى ادمين دول ولا ديناصورات