بعد ما اتجوزت لاقيت رقم غريب بيرن علي تليفوني رديت.
بعد ما اتجوزت لاقيت رقم غريب بيرن علي تليفوني رديت.
انت في الصفحة 1 من 5 صفحات
بعد ما اتجوزت لاقيت رقم غريب بيرن علي تليفوني رديت.
قصة اخو جوز يجميع الفصول كامله
بعد ما اتجوزت
لاقيت رقم غريب بيرن علي تيليفوني رديت.
لاقيته بيقولي: أنا واحد معجب بيكي من زمان.
قفلت في وشه التيليفون فضل يرن طول اليوم
ومش عارفه ليه ما قلتش لجوزي. تاني يوم
لما فتحت التيليفون لاقيته رن كتير
شوية بعد ما فتحت التيليفون بدأ يتصل ويبعت رسايل وأنا ما أردش عليه
فضل علي الحال ده أسبوع.
ممكن علشان جوزي عمره ما قالي كلمة حلوة أنا عارفة إن ده مش عذر
بس ضعفت ورديت عليه. إتحججت قدام نفسي إني عاوزه أعرف مين ده
قالي: إنه بيحبني من زمان وكان ناوي يتقدملي بس جوزي سبقه
و إتجوزني ورغم كده مش قادر ينساني.
صديته في الأول بس بعد كده بدأت أتكلم معاه في حاجات عادية ومكالمة بعد مكالمة بدأت أتعلق
بيه واليوم اللي ما نتكلمش فيه أحس إني ناقصني حاجة.
إتصالاتي أنا وأحمد بدأت تزيد وبدأ يكون في رسايل بينا كمان.
بعد فترة صغيرة من كلامنا مكالماتنا ورسايلنا أخدت منحني تاني خالص ودخلنا في حاجات خارجة
و بصراحة أنا كنت متجاوبة معاه وحاسة إني بعيش قصة حب.
و في يوم بعد ما جوزي نام بالليل أخدت تيليفوني وإتصلت بيه.
التيليفون جاب جرس والخط فتح بس ما حدش رد
قلت: ألو أحمد أنت سامعني
رد عليا صوت سلفي قالي إزيك يا مرات أخويا !!!!!!!!!
بعد ما سمعت صوت سلفي في التيليفون بيقولي: إزيك يا مرات أخويا
قفلت المكالمة علي طول وشلت الخط من التيليفون وما بقيتش عارفة
إيه اللي بيحصل ؟
ما نمتش من التفكير لو سلفي طلع عارف اللي بيني وبين أحمد
وقال لجوزي إيه اللي ممكن يحصلي.
فضلت طول الليل مش عارفة أتلم علي أعصابي وما حستش بنفسي إلا لما جه ميعاد مرواح جوزي علي شغله
حاولت أتمالك أعصابي قدامه علشان ما يبانش عليا أي حاجة.
وبعد ما جوزي مشي علي الشغل بنص ساعة إتصلت عليه علشان أعرف لو سلفي قاله حاجة
رد عليا وكان صوته عادي مافيهوش أي تغيير.
قفلت مع جوزي وقلت لنفسي حتي لو سلفي قال لجوزي فهو ما عندوش إثبات علي حاجة
ده حتي أحمد ده أنا عمري ما خرجت معاه ولا حتي كلمته في الشارع وجوزي عارف إن سلفي عاوزه يط'لقني
