عاوزني أتجوز أخويا ؟؟ أنتم إتجننتوا ؟؟
عاوزني أتجوز أخويا ؟؟ أنتم إتجننتوا ؟؟
ف أيلول شاورت للمُمرضين و الدكاتره بعينها عشان يخرجوا بره، ف خرجوا ..
راحت قفلت الباب و قفلت الستاير، و هدت النور و هي بتقول بتنهيده : غريب .. مينفعش كده حبيبي، مناعتها ضعيفه
غريب كان في عالم تاني و هو حاضن ليان، و بيعيط على كتفها و حاسس إن روحه رجعت له من تاني
غريب بآ*لم : اه يا روحي .. يا عُمري .. يا حياتي كلها يا ليان .. اه يا نور عيني ..
غريب بص لأيلول و عينه حامره زي الد*م من العياط، ف مسحت دموعه بصوابعها الناعمه و بحنان شديد و قالت : خلاص إهدى
قام فجأه غريب و حضانها و با*س كتفها، برقت أيلول بخضه لإنه فجأها و بعدها إبتسمت و ضمته بحُب ..
ف زود هو من ضمته كإنه بيتحداها و بيوريها إن حبُه ليها أكتر بكتير ما هي تتخيل ..
هون من ضمته و قال بحُب : شُكرًا .. مش عارف أقولك إيه
بعدت أيلول بس كانت لسه بين إيده و قالت و هي بتحاوط وشه : أنا مراتك .. ده غير إني دكتوره .. و من أول ما بقيت ليا و أنا ليك ف كُل حاجه تخصك بقت تخُصني و ليان و لين بناتي .. بناتي إلي مخلفتهُمش
غريب بحُب : أنتِ أعظم حاجه في حياتي
ضحك غريب بخفه ف قالت بإبتسامه و حنان أُم : خليني أروح أطمن على بنتي بقى .. مُمكن ؟
حرك راسه بمعنى ماشي و قال بثقه : أكيد
قربت أيلول و با*ست إيد ليان و ظبطت لها المحلول و إطمنت على النبض ..
غريب بتنهيده : إحنا لازم نمشي من هِنا
أيلول بصدم#مه : و ليان !!!
!!!!!!!.....................
" قُدام شقه في عماره في المُهندسين " بقلم : #هنا_سلامه.
نزل غريب و هو شايل بنتُه من المستشفى لحد ما وصلوا بالعربيه للشقه و كُل ده و في عربية ماشيه وراهُم !!!
حطها براحه عشان الجر*وح بتاعتها و قال : هنزل أجيب الأجهزه
أيلول : ماشي يا حبيبي
قالت كده و هي بتقرب على ليان و بتطبطب عليها بحنان لحد ما غريب طلع و بدأت تركب لها الأجهزه ف قال : في لبس بتاعي في البيت هِنا .. لبس هيدي إرءميه يا أيلول ..
أيلول بقلق : هتروح على فين دلوقتي ؟
غريب بتنهيده : هروح ل لين الأول و بعدها هروح لغاليه أُخت هيدي ...
أيلول قامت و حضنته و قالت : خالي بالك من نفسك عشان خطري
باءس راسها و فتح إيدها و لبسها خاتم فيها، ف إبتسمت لإنها دبله ..
و لبس الدبله بتاعته و قال بثقه : مش هقلعها غير لما أمو*ت
أيلول بخوف : بعد الشر عنك حبيبي .. بالله عليك خد بالك من نفسك
حط الفون و المفاتيح على التسريحه و قال : هكلمك كُل شويه ... خليكِ مركزه على الفون
أيلول : حاضر
نزل غريب و إنطلق بعربيته، و العربيه إلي كانت ماشيه وراه ركنت قُدام البيت و نزل منها راجل ..
و داس على السيجاره إلي كان بيشربها بجزمتُه ..
" في بيت غاليه " بقلم : #هنا_سلامه.
كانت بتاكُل ضوافرها بملل .. و خوف .. و غيظ ..
لحد ما لقت الباب بيتفتح ف لقت أشرف، بصت لُه ببرود و هي بتولع سيجاره ف قال : بتدخني من إمتى ؟
رمت العلبه في وشه و قالت من بين سنانها : يا برود أمك ..
مسح على وشه بغضب و قرب منها و مسكها من شعرها ف ضحكت، إستغرب برودها و تلامتها دي ف ر*ماها على الأرض جامد لكنها ضحكت أكتر
أشرف بعصبيه : مالك يا بت أنتِ ؟؟؟؟ في إيه ؟؟
غاليه بجنون و هي بتشوح بإيدها إلي فيها السيجاره : إيه ؟ في إيه ؟؟؟ هو عشان القُطه بقت بتخربش مضايق و لا إيه ؟؟
