رواية المحاضره الجايه كاملة
رواية المحاضره الجايه كاملة
قعدنا مع بعض قعده لطيفه كنت محتاجاها من سنين
مامته كانت ست لطيفه وطيبه
أخته جميله وتدخل القلب من اول مره
باباها راجل طيب جدا وبشوش
حتي هو اكتشفت في جانب مختلف عن أي مره شوفته
ضحكته تجنن
كان حنين مع أخته ومامته حسيته شخص تاني غير اللي بشوفه في الشركه شخص مختلف وبعيد كل البعد عن شخصيته الجديه
في الحقيقه شخص يتحب !!
بصيت في الساعه كانت الساعه ٥
- ياخبر انا بقالي ساعتين قاعده !
كريمه بحنان:
- اه انتي هتتغدي معانا كمان
- ل لا والله ياطنط مش هقدر و
- مادام ماما قالت كلمه يبقى مفيش مفر هتتغدي يعني هتتغدي
جيلان بتوسل:
-بليز يا ايمي اقعدي اتغدي معانا بليييز
وقدام إصرارهم استسلمت ووافقت وانا قلبي بيرقص من الفرحه
- طب وتمشي ليه؟
قالها يونس بهمس جنب ودني وكأنه قرأ أفكاري !
بصيتله والدموع بتلمع في عيني:
- اهلك طيبين اوي حبيتهم
ابتسم بهدوء:
- وهما كمان حبوكي ونفسهم تكوني مرات ابنهم
اتكسفت ولفيت وشي النحيه التانيه وثواني وبصيتله تاني:
- صحيح كنت عايز توريني ايه ؟
قام وقف وبصلي بابتسامه خطفت قلبي:
- تعالي معايا
- علي فين؟!
- اوضتي
- بس...
- جيلان ھتكون معانا
- اوك
وفعلا طلعنا احنا التلاته أوضته واول ما دخلتها وقفت مكاني مصد-ومه من اللي عيوني شيفاه
قربت من اللوحه اللي كانت مرسومه ومتعلقه علي الحيطه
لمستها وانا مش مصدقه نفسي
لفيت وانا الدموع بتلمع في عيني:
- ديه انا !
ضحك وقرب مني وهو بيبص في عيوني:
- في غيرها كتير جدا
- بتهزر!
- توء اصل انا هيمان
- هيمااان!!
- هيمان فيكي وفي جمال عيونك بقولك ايه اجيب المأذون؟!
ضحكت بخجل وأنا بفرك ايدي بتوتر:
- بسرعه
بعد مرور شهر
كنت بجري انا وهو واحنا ماسكين ايد بعض وبنضحك بأعلي صوت لحد ما قدرنا نبعد عن الشرطه !
وقفت وانا باخد نفسي بصعوبه وبضحك:
- مين كان يصدق !
