هو بسخريه: خشي يا عروسه اي مكسوفه ولا اي
اميره بسخريه: ده انا مجهز كل حاجه بقا.. ماشي هدخل lلم حاجاتي
دخلت الاوضه وانا مرتاحه اني خلاص هخلص من الهم اللي كنت عايشه في ده
دخلت كلمت اسلام وحكيتله هو بقا اقرب حد ليا واي حاجه تحصلي بحكيهاله.. بعد ما حكيتله كل حاجه حسيته فرح
اسلام بفرحه: بجد يعني هتطلقي
اميره بأستغراب: اه.. مالك فرحت كده ليه
اسلام بتوتر: هااا.. لا مفيش انا فرحان عشانك بس مش اكتر
اسلام: ماشي.. خلي بالك من نفسك
اميره: حاضر
قفلت معاه ولميٹ حاجاتي وروحت عند ماما
تك تك تك
هاله فتحت الباب
هاله: اميره!!
حضنتها جامد كانت وحشاني اوي
اميره: وحشتيني اوي يا ماما
كنت بشوفها كل فتره بس بقالي شهرين مشوفتهاش
هاله بدموع: وحشتيني اكتر يا قلب امك
خدت شنطتي ودخلت الشقه
اميره: شوفتي خدي خف ازاي فاضل حاجات بسيطه ويخف خالص
هاله: ربنا يسهل وتخفي وتبقي زي الفل يا حبيبتي واحسن من الاول.. ايوه صح اي الشنطه دي
اميره: قررت انا وزين اننا هنتطلق بكره
هاله بشهقه: يلهوي ليه حثل بينكوا حاجه
امير بسخريه: اي يا ماما ما انتي عارفه ان ده جواز مصلحه عشان كلام الناس بس.. فرحه كمان شهرين هو وسمھا
اميره: سيبك منه.. انا عايزه اكل ملوخيه
ايوه انا مفجوعه عادي..
روحت تاني يوم انا وزين عند المأذون وتمت اجراءت الطلاق.. حقيقي خرجت من عند المأذون وانا مبسوطه اوي مكنتش اتخيل اني لما اطلق انا وحب طفولتي ابقا فرحانه كده
عدا اسبوع وكنت عايشه في راحه غريبه عمري ما عشتها
قومت في يوم نشيطه ومبسوطه اوي معرفش ليه خدت ساور ولبست وقولت انزل اتمشى شويه وانا بفتح باب الشقه لقيت اسلام واقف قدامي!!
اميره: اسلام!! بتعمل اي هنا واي الورد ده
