هو بسخريه: خشي يا عروسه اي مكسوفه ولا اي
ده انا حتى صحابي بعدوا عني قالولي شكلك وحش ومش هينفع نمشي معاكي الناس هيتريقوا علينا.. لما الزيت جيه على وشي حړق خدي اليمين كله وبقا كله يقولي يا مشو’هه انا بقالي سنه بعاني وحاسه بوحده رهيبه كان نفسي زين يفضل جمبي ويدعمني بس حصل العكس وبقا زيه زي الغريب الاتنين بيجرحوني
قومت خدت شاور ولبست هدومي وخرجت.. دخلت الاوضه لقيته غير هدومه ونام خدت لحاف اتغطيت بيه ونمت جمبه بهدوء عشان ميصحاش لاني عارفه ان نومه خفيف
” الصبح ”
زين: عااااااا اعوذ بالله
قومت مخضوضه بصيت عليه لقيته باصص على خدي ومبرق عرفت انه قام مضايق من شكل خدي
زين پغضب: انا غلطان واستاهل ضر’ب الجز’م من النهارده تنامي في اوضة الاطفال انا مش عايز اقوم كل يوم خضوض كده..ده اي القر’ف ده
قومت وانا بحاول lلم الباقي من كرامتي.. فتحت الدولاب وخدت بيچامه لبستها وخدت كل هدومي وكل حاجه ليا ودخلت اوضة الاطفال رصيت الحاجه وطلعت لقيته خد شاور وغير هدومه وقاعد في الصاله بيلعب في الفون
اميره: احضرلك الفطار
بصلي بقر’ف وقال
زين: شكرًا مش عايز منك حاجه هقوم اعمل لنفسي
اميره بحزن: تمام
كنت هدخل لقيت الجرس بيرن.. روحت بصيت من العين السحر’يه لقيتها ماما
اميره: دي ماما.. ارجوك يا زين متحسسهاش بحاجه هي تعبانه ومش هتستحمل اي زعل
زين بضيق: طيب
فتحت لماما.. اول ما فتحتلها اترميت في حضڼها وعيطت.. لا وانا اللي بقول لزين ميحسسهاش بحاجه ده انا مني لله
هاله بخضه: مالك يا حبيبتي بټعيط ي ليه
مسحت دموعي وابتسمت وقولتلها
اميره: مفيش يا ماما وحشتيني بس
هاله: انتي اكتر يا قلب امك.. ازيك يا زين
زين: الحمدلله.. هتفضلي واقفه على الباب اتفضلي خشي يا امي
ماما دخلت وانا عملتلها عصير وقعدنا نتكلم شويه.. عدا نص ساعه ولقيتها قامت تمشي
هاله: لا يا حبيبتي انا لازم امشي بقا انا قولت اطمن عليكي بس
اميره: ماشي يا قلبي.. ودعتها وانا مش هاين على قلبي اسيبها.. وبعدين خدت فوني ودخلت اقعد في اوضتي.. بعد ساعه تقريبًا لقيت زين داخل عليا وبيقولي
زين: انا اتفقتلك مع دكتور كويس هيعالج خدك ده الناس بتشكر فيه وبيقولوا انه شاطر
بصراحه فرحت ان زين اهتم بالموضوع حسيته رجع يهتم بيا تاني وبمشكلي.. بس احساسي طلع غلط
من فرحتي قومت عشان احضنه لقيته بعدني بأيده وقال
زين: من غير احضان.. انا عملت كده بس عشان بصراحه مش هستحمل اعيش معاكي سنه وانا شايفك بالمنظر ده
سمعتوا قلبي اللي اتكسر 100 حته.. طب حسيته بوجـ،ـعي وحزني.. طب تعرفوا اني نفسي امو’ت عشان ارتاح من كل ده
