روايه الساكن كامله
روايه الساكن كامله
فضلت اجري في الفيلا زي المجـ،نـ،ون، لحد ما وصلت لأوضة بابها موارب، كان مفتوح حتة صغيرة، فقربت وفتحته ولقيت مدام ألفت، ورامز والدكتور توفيق ميتين!!!!!!، كل واحد فيهم واقع في حته على الأرض، وعنيهم مبرقه ومفتوحة بالكامل وعلى ملامح خو.ف وزعر ورعب!!.
وقفت متسمر مش قادر اتحرك ومش عارف اعمل ايه؟!! وده بجد فعلا ولا بتخيل ولا وهم؟!!
كانت غلطتي من الاول اني آمنت لنعمه انها تدخل بيتي برغم عدم ارتياحي ليها، وغلطت اكتر لما سبت الولد معاها، وعرفت الحقيقة متأخر، ولما عرفتها حاولت اصلح الوضع، لكن كان الوقت فات، واتحولنا لمو.تى، وهي هربت ومفيش اي دليل عليها...
انا مش فاهم حاجة يا مدام ألفت، ممكن تحكيلي بوضوح؟!!..
بعد شهر وتحول وتدهور صحة زوجي سبت رامز ليها ترعاه، لمدة ٣ شهور، واصبح سلوك الولد غريب جدا جدا، لكن مكنتش بهتم،او كنت حاسة بمصي.بة اكبر في مرض الدكتور توفيق، مش بسكده فاتت سنين، وكنت بسافر معاه في رحلة مرضه وبنغيب عن البيت كتير، تخيل تفوت كل السنين دي وانا مش قادرة اتدخل برغم اني شايفه تغيير في كل حاجة، كإني مغيبة، قي حاجة منعاني اتدخل..
وجه يوم رجعت البيت من سفر فجأة ولقيتها رابطة الولد وبتعامله كإنه حيوان، انهارت وجريت
اخدت سكـ@،ـينة بدون شعور عشان اقت.لها، فجأة اتحولت!! اصبحت اضخم من حجمها الطبيعي ٢٠ مرة واتحولت لمسخ بشع، منعني من اني اقدر اتحرك اي حركة وفجأة محستش بحاجة غير وانا شايفه جثثنا انا ورامز والدكتور توفيق في نفس المكان ده!!!!...
معرفش هي كانت مين، وليه عملت كده، او هي فين دلوقتي، بس اللي متأكده منه هو انك الوحيد اللي عرفت الحقيقة، واقدر اخمن انها هتحاول توصلك ان كانت عايشة...
خلصت كلامها واختفت، والجثث اختفت كمان ولقيت نفسي في الفيلا لوحدي تماما، وكل شئ في الفيلا عليه تراب!!، والكراسي متغطية، كإن الفيلا مدخلهاش اي شخص من ١٠ سنين!!!...
مكنش قدامي غير اني امشي وارجع البيت، واستنى ظهور نعمه، او بمعنى اوضح استنى مoتي على ايدها..!!.
