رواية اسرار حماتي جميع فصول الرواية
رواية اسرار حماتي جميع فصول الرواية
![موقع أيام نيوز](/themes/xtra/assets/images/no.jpg)
لكن المنظر المرعب اللي شوفته في اوضتها مكانش منظر الكتب الغريبة ولا منظر الشمع، ولا النقوش اللي ظهرت على الحيطان فجأة مش عارف ازاي..
الحاجة المرعبة في القصة ان شنطتها اللي كانت جاية بيها مكانش فيها هدوم، كان فيها 11 جمجمة ل 11 ججث0ة..
كل جمجمة فيهم مكتوب عليها اسم صاحبها..
دسوقي، زينات، رجب، دلال، عتمان، زينب، عبد البر، فوزية، جاد، فايق، وخديجة..
انا اعرف اسامي 3 من اصحاب الجماجم دي..
رجب خالي، وعتمان جوز خالتي وخديجة.. أمي..
تفتكر دا ممكن يكون مجرد تشابه اسامي ؟
يعني صدفة اني اشوف أمي هنا في البيت بعد موتها ب 13 سنة ؟ وصدفة اني الاقي جماجم باسم أمي وخالي وجوز خالتي..
رجعت كل حاجة مكانها وخرجت وقفلت الأوضة، والراجل كان خلص تعقيم، كان فيه مشوار مهم لازم اعمله عشان اتأكد من اللي في دماغي..
عديت على شقة مدام رشا عشان اخد مراتي وحماتي من هناك قبل ما انزل..
ضربت الجرس، خرجت مدام رشا، قولتلها ابعتي الجم١عة بقى وقوليلهم خلاص يقدروا يرجعوا الشقة، قلت لمراتي اني رايح مشوار ومش هتأخر، دخلت الشقة هي وحماتي وأنا نزلت على السلم، بس لقيت مدام رشا بتنادي عليا وأنا نازل..
= أيوه يا مدام رشا، اؤمري
- انا عايزة اقولك حاجة
= خير
- الست الكبيرة اللي كانت هنا دي تبقى حماتك فعلا ؟
- بص، انا عارفة ان اللي هقوله دا غريب، ويمكن متصدقوش، انت عارف ان الشيخ مصطفى جوزي بيشتغل معالج بالقرآن وياما ربنا كتب لناس كتير الشفا على ايده من السحر والمس وحالات كتير عالجهم من غير اي مقابل لوجه الله كدا
= عارف يا مدام رشا، عارف، ايه علاقة حماتي بالحكاية دي..
- حماتك يا استاذ محمد وراها سر غريب الله اعلم هو ايه، بس مصطفى جوزي بيقول ان الست دي ميتة وان اللي كانت قاعدة معانا مش هي، ده شيطان متمثل في صورتها..
بعد ما سمعت الكلمتين اللي قالتهم مدام رشا حسيت اني مش متزن، بدأت أراجع كل تصرفات حماتي الغير مفهومة اللي كنت بشوفها في الكام يوم اللي فاتوا، دي كانت حابسة نفسها في الأوضة تماما من غير اكل ولا شرب، مراتي كانت بتقول انها اكيد جايبة اكلها معاها، بس انا لما دخلت الأوضة وفتشت في حاجاتها ملقيتش اي أكل، مفيش إنسان في الدنيا يقدر يعيش المدة دي كلها من غير أكل..
بس انا برضو مشوفتش أموات بتتكلم قبل كدا..
بدأت أتذكر الظروف اللي اتعرفت فيها على مراتي..
بعدها زورتها اكتر من مرة علشان اطمن عليها وهناك اتعرفت على مامتها كانت ست غامضة فعلا، كلامها قليل جدا، ونظرتها غريبة، فيها قوة كدا مش مفهومة، انا مكنتش برتاحلها من اول ما شوفتها، بس حبيت بنتها واتخطبنا 6 شهور وبعد كدا اتجوزنا، مكنتش اعرف اي حد من اهل مراتي غير أمها بس..