رواية اسرار حماتي جميع فصول الرواية

لكن المنظر المرعب اللي شوفته في اوضتها مكانش منظر الكتب الغريبة ولا منظر الشمع، ولا النقوش اللي ظهرت على الحيطان فجأة مش عارف ازاي..
الحاجة المرعبة في القصة ان شنطتها اللي كانت جاية بيها مكانش فيها هدوم، كان فيها 11 جمجمة ل 11 ججث0ة..
كل جمجمة فيهم مكتوب عليها اسم صاحبها..
دسوقي، زينات، رجب، دلال، عتمان، زينب، عبد البر، فوزية، جاد، فايق، وخديجة..

= أيوه يا مدام رشا، اؤمري
- انا عايزة اقولك حاجة
= خير
- الست الكبيرة اللي كانت هنا دي تبقى حماتك فعلا ؟

بعد ما سمعت الكلمتين اللي قالتهم مدام رشا حسيت اني مش متزن، بدأت أراجع كل تصرفات حماتي الغير مفهومة اللي كنت بشوفها في الكام يوم اللي فاتوا، دي كانت حابسة نفسها في الأوضة تماما من غير اكل ولا شرب، مراتي كانت بتقول انها اكيد جايبة اكلها معاها، بس انا لما دخلت الأوضة وفتشت في حاجاتها ملقيتش اي أكل، مفيش إنسان في الدنيا يقدر يعيش المدة دي كلها من غير أكل..
بس انا برضو مشوفتش أموات بتتكلم قبل كدا..
بدأت أتذكر الظروف اللي اتعرفت فيها على مراتي..