اخو جوزي بقلم هويدا زغلول
اخو جوزي بقلم هويدا زغلول
ناقص شوية و يجي يخلص عليا
ماجدة
بس بصراحه يا محمود السعر اللي انت حاطه كبير اوي يا اخويا و الارض متجيش كل ده
محمود
اللي عايز يشتري بالتمن اللي احطه يا ماجدة و ميقولش لا و بعدين يا ماجدة اللي زي خالي ده عايز الارض دي ليه
ماجدة بابتسامة
ليه يا اخويا
محمود
واحد كبير اوي ومتريش مكلمه علي ارضنا وعايز يشتريها باي سعر و طبعا بما ان الراجل عارف حسين قاله و حسين قاله ان الارض يتاعته و انه هيبيعها غالي اقوم انا بايعها لخالي بالمبلغ ده و خالي يبعها لراجل. التاني بسعر اعلي
والراجل هيرضي يشتري يا محمود
محمود
ايوة لانه عايز يضم الارض دي لباقي الارض اللي جنبها لانهم بتوعه وساعات المحاصيل بتتقسم بينا لو زرعنا جنب بعض
ماجدة
خالك ده دماغه متكلفة يا اخويا بس انت كمان لعبها صح يا محمود
محمود بابتسامة
امال هو انا اي حد ولا اية يا ماجدة بس اما نشوف هيقدر يتدفع
نبوية
مالك يا بت انتي عاملة دوشة ليه ما تعملي الاكل من غير هبد و رزع
سماح بتعب
تعبت يا حماتي تعبت رجلي مبقتش قادرة اقف عليها ارحميني شوية و بعدين ليه ماجدة مش بتنزل تساعدني اشمعنى انا يعني انا صايمه برضه زي زيها
نبويه
بصي يا سماح ما تقعديش كل شويه تقولي لي ماجده وماجده وماجده ما لكيش دعوه بيها انا عايزاك انت اللي تنظفي وتروقي وتغسلي وتعملي كل اللي انا اقول لك عليه في عندك مانع لو عندك مانع خدي بعضك وعيالك وامشي
يعني يا تشغليني خدامه ومرمطون طول اليوم يا تطرديني انا والعيال من البيت هم مش اللي انت بتطرديهم دول احفادك
نبويه
ما لكيش فيه يا اختي ايوه هطردك انت وهم ويلا بقى خلصي الاكل عشان تطلعي تنشري الغسيل وبعدين تنزلي تسيقي الارض وتنظفي الشقه عشان حسها مكمكمه ريحتها مش حلوه
سماح
حاضر يا حماتي حاجه ثانيه
لما اعوزك في حاجه ثانيه هبقى اقول لك يلا شهلي شويه
سماح
حاضر يا حماتي حاضر
نبويه
انا هطلع عند ماجده فوق شويه وهنزل اتمنى تبقي خلصتي
سماح
ماشي يا حماتي
طلعت حماتي فوق عند ماجده وانا كنت مشغوله بالاكل والمطبخ الباب خبط وراحت تفتح وشافت محمود
محمود بخبث
ازيك يا ست الستات بقى كده اعدي عليكي بالليل زي ما قلت لك الاقي ابنك اللي فاتح لي الباب ويقول لي انك عند امي
بقول لك ايه يا محمود اللي انت عايزه ده انا مش هعمله نهائي انت فاهم ما تفكرش لما تهددني اني همشي على هواك يعني حل عني انت وامك وسيبوني في حالي انا مش ناقصاكم
محمود خبث
وماله يا حبيبتي ليكي حق طبعا ترفضي بس كمان تستقبلي اللي هيحصل يعني دلوقتي النت ما فيش اسهل واسرع منه افتح الفيسبوك من اي اكونت فيك واشير لك للعالم العربي كله ايه رايك
انت يا بني ادم انت ما عندكش نخوه انت ازاي اصلا وصلت لك الصور دي الصور دي انا كنت متصورها في بيتي جت على تليفونك ازاي اتكلم
محمود باستفزاز
ازاي دي بقى بعدين هبقى اقول لك عليها مش دلوقتي المهم اسمعيني انا هاجي لك بالليل وتبقي في البيت ولو على امي هحاول اخليها تطلعك بدري
سماح بعصبيه
قلت لك مش موافقه على اللي انت عايزه هو انت ما بتفهمش
محمود بضحكه مستفزه
لا بفهم يا حياتي بس اسمعيني كويس قوي لو خرجت من هنا وانت مش موافقه واقسم لك بالله لاڤضحك واخلي سيرتك على اللي يسوى
