قصة الصدمة انا مش عارفه اتصرف

وانا بقلب بالرسايل اختي صحيت فجأه وطلعت من الواتس بسرعه بس شافتني ماسكه التليفون…..
_ انتي ماسكه تليفوني ليه….
_ مفيش كنت عاوزة ارن على نفسي…..
_ تليفونك جوة بالاوضه …..
وراحت واخده تليفونها بسرعه…….
فضلت افكر واقول طب انا هعمل ايه دلوقتي ….
اروح احكي ل ماما ولا بلاش اما اتأكد الاول ان في حاجه بجد ….
قررت اني هسكت واراقبها من بعيد اليومين اللي قعداهم…..
تاني يوم الصبح نزلت راحت الجامعه بتاعتها وانا فضلت قاعدة مستنياها ترجع…..
اول مارجعت دخلت بسرعه الحمام ودخلت انا الاوضه افتش في حاجتها وشنطتها …

فتحت شنطة اختي فضلت افتش فيها فجأه لقيت صورة فيها واحدة وواحد كبار ومعاهم ابنهم شاب بس الي صدمني لقيت صورة الراجل معمول عليها علامة إكس ياترا مصير الراجل ده كان ايه وهل اختي ليها علاقه بالموضوع !!!!!!!!

فجأة لقيتها خرجت من الحمام وشكلها مرهق جدا….

_ مالك ياهاجر…

_ مفيش تعبانه شوية من الجامعة ومنمتش كويس….

_ طيب ياحبيبتي انا اختك لو فيه اي حاجه مديقاكي ممكن تحكيهالي ….

سيبتها وخرجت برة وانا مش متطمنه خالص ياترا ياهاجر في ايه وراكي ومين الناس دول وايه علاقتك بيهم…..

كلمت جوزي وطلبت منه اعد اسبوعين عند ماما عشان تعبانه وهو مرفضش…..

هو طبعا ميعرفش اني قاعدة عشان اراقب هاجر واشوف البلاوي الي وراها …..

وجايز كمان اكون ظلماها بس انا متأكده ان فيه حاجه مش طبيعية فالموضوع ده……

فضلت صاحية طول الليل عشان اسمعها لو اتكلمت فالتليفون ….