قصى ناريمان واحمد

وهسيب البيت بقلم سولييه نصار
ممكن تقعدي هنا لو حابه. 
اتعصبت وقولت
ايه شفقان عليا مثلا.... قولت يا عيني المسكينة خسړت أبوها وبيتها فتعطف عليها وتخليها في بيتك ويبقي ده في ميزان حسناتك صح!! 
حسيته وتوتر وقال 
ليه ناوي تتبناني 
أنا بس بحاول اساعدك!
وايه المقابل إن شاء الله 
مفيش أي مقابل والله... 

ضحكت بتريقة وقولت 
أنت عايز مني ايه يا أحمد.... عشان اللي في بالك مش هيحصل 
حاول يخبي ضحكته وقال 
الأفلام والروايات بوظت عقلك!... أنا مش كده يا ناريمان وانتي عارفة في اليوم اللي تقدري تعتمدي فيه علي نفسك وتلاقي شغل وبيت تقدري تمشي وأنا أوعدك مش هضايقك اتفقنا... 
....... 
وفعلا وافقت اقعد في البيت بس قعدت ادور علي شغل ومرت الأيام وأنا بدور علي شغل مناسب ليا أما أحمد فنفذ وعده كنت نادرا ما بشوفه في البيت.... عمره ما فكر يضايقني بالعكس عرض عليا أنه يشوفلي شغل في المكان اللي أنا عايزاه بس أنا رفضت.... في يوم قدرت ألاقي شغل روحت لأحمد عشان اقوله.... لقيته بيتكلم في التليفون 
بصلي وهو مبتسم وعينيه مدمعة وقال 
قدر يثبتوا براءة بابا يا ناريمان بابا مطلعش مرتشي الحمد لله يا رب.. 
قربت منه وقعدت جمبه وأنا بقول
أنا اسفه علي اللي قولته عن باباك 
متعتذريش.... أنا ذات نفسي ظلمته وبعدت عنه وقولت أنه ماټ... كنت برضه مصدق أنه مرتشي... 
مسكت ايده فجأة وقولت
أحمد قبل كتب الكتاب واحدة جات وقالت أنها مراتك وورتني ورق... اقنعتني أنك كذبت عليا عشان كده أنا
بصتله پصدمة فقال 
هي جات واعترفت بالحقيقة عشان كده أنا مقدر موقفك. 
ابتسمت