رواية زواج بالمال كاملة
رواية زواج بالمال كاملة
انت عارف جده لو ابنك مسفرش معانا هيقلب الدنيا وابنك عنيد فلازم اسايسه
محمود.. واحنا هنتحمل دي ازاي
غاده.. معلش كله اسبوع ونرجع
محمود.. انا رايح الشغل انا بجد اتخنقت
ذهب محمود ليبقي حور وغاده فقط
حور.. عن اذنك ياطنط اجهز الشنط
غاده.. استني ياحور عاوزاكي في موضوع
جلسو سويا في غرفه الجلوس
غاده.. انا مش عاوزاكي تزعلي من ابني هو معمي علي عنيه من الشطانه ميار بس هو وآلله طيب عكس كده خالص
حور وهي تكتم الدموع بصعوبه.. انا مليش دعوه
غاده.. ملكيش دعوه ازاي ده جوزك
حور.. انتي شايفه انه مش طايقني ومغصوب عليا
غاده.. انتي مش عارفه حاجه من اللي حصل
حور بمقاطعه.. معلش ياطنط هروح اجهز الشنط
غاده بتنهيده.. ماشي ياحبيبتي اطلعي
بعد عده ساعات كان الجميع في سيارته متجهين للشرقيه حيث منزل العائلة محمود وغاده في سياره وكانت حور معهم حيث اصرت هي علي ذالك وفي السياره الاخري ميار وآسر الغاضب من رفض حور الركوب معه لتصل السيارتان بعد مده امام منزل كبير
نزلو جميعا لتقدم منهم رجل كبير في السن ولكنه بصحه جيده وخلفه شابان اخران
هلال.. حمدالله علي السلامه
محمود وهو يقبل يده.. الله يسلمك يابا
هلال..منور يالعريس
آسر بضحك.. نور الشمس والله
ضحك هلال ولكنه نظر بضيق لي آسر.. هي دي العروسه
اشار علي ميار الواقفه بجانب آسر
محمود بسرعه.. لالا حور العروسه اهي
تقدمت حور وقبلت يده
هلال.. بسم الله ماشاء الله ربنا يبارك فيكي يابنتي
حور.. شكرا
هلال.. امال مين دي
ردت حور هذه المره.. دي ميار السكرتيره بتاعت آسر
نظر الجميع نحوها بصدم#مه وفرح لاكن الاخري نظرت لها بغيظ
هلال.. نورتي يابنتي يلا ندخل يجماعه
دخل الجميع المنزل ليبدأ الترحيب الشديد من الكل
لاحظت ميار شاب يقف بعيدا وكان ينظر لحور بشرود
ميار بهمس.. عجباك
ماجد بتوتر.. قصدك مين
ميار بسخريه.. حور اللي بقالك ساعه ببتأمل فيها
ماجد.. مفيش حاجه من ده انا بس سرحت
ميار.. متخفش انا هسأعدك
ماجد.. ازاي مش فاهم
ميار.. دي بقا بتاعتي انا
ميار في سرها..وعد مني هترجعي من هنا مطلقه من آسر وكمان بفضيحه
في الشرقيه وتحديدا في منزل الجد هلال كانت حور في غرفتها تضع الملابس في الحزانه ليفتح الباب بقوه
آسر.. انتي ازاي تقولي علي ميار السكرتيره بتاعتي
حور بقوه.. هو انا كدبت مش هي فعلا كانت السكرتيره بتاعتك ولا نسيت
آسر.. كان زمان انما دلوقتي لا
حور.. اه فعلا بعد ما ضحكت عليك
آسر..انا مش عيل صغير علشان حد يضحك عليا فاهمه
حور بسخريه.. واضح
اتغاظ آسر كثيرا وكاد يرد عليها ولكن نادته ميار ليخرج لها
فور خروجه اخذت شقيق واخرجته
حور.. من النهارده هنسي حور الغلبانه خالص زهت وانا بسيب حقي جيه الوقت اللي اخد حقي فيه
في صيدليه
ماجد.. لو سمحت كنت عاوز الدواء ده
الدكتور وهو ينظر للاسم.. بس الدواء ده ممنوع اطلعه
اخرج ماجد بعض المال ليأخذها الطبيب بسرعه
الدكتور.. لحظه هجيبه
جلب الدواء ليأخذه ويرحل
ميار.. هو احنا هنتجوز امتي يا آسر
آسر بضيق.. هنتجوز ياحبيبتي بس اخلص من الزفته حور دي
ميار بدلع.. طب انت وحشتني
آسر.. تعالي نخرج
ميار.. علي فين
آسر بخبث.. اقرب اوتيل
ميار بضحك.. مدام كده يلا
كادو يخرجون ليرن هاتف ميار برقم ماجد
ميار.. هرد بس واجي
آسر.. هستناكي بره
ميار.. ماشي
فتحت المكالمه ليأتيها صوت ماجد
ماجد.. تعالي في مشكله
ميار.. مشكله ايه دلوقتي
ماجد.. تعالي بس وانتي هتفهمي
ميار بضيق.. ماشي جايه
خرجت لتجد آسر يسند ظهره علي السياره ويلعب في هاتفه
ميار.. آسر بلاش نخرج النهارده
آسر.. ليه في حاجه
ميار.. تعبت فجأه معلش بقا مره تانيه
آسر.. تمام ياحبيبتي الف سلامه تعالي ارتاحي
صعدت معه لغرفتها ليدخلها ويخرج قامت بسرعه لتتأكد من ابتعاده متوجهه لغرفة ماجد
في غرفه حور كانت ترتدي اسدال الصلاة وتؤدي صلاتها بخشوع
فتح الباب بسرعه ليجلس يتأملها وهي تصلي
آسر لنفسه.. انا ازاي بعيد عن ربنا كده ازاي مسلم ومش بصلي ازاي مسلم وبزني
قطع تفكيره عندما انتهت حور من صلاتها ليتجه اليهًا
آسر بصوت واطي.. ممكن تعلميني كل حاجه عن الصلاة
نظرت له بفرحه.. اكيد طبعا
امسكت يده دافعه اياه للحمام
حور.. اتوضي الاول
استغرب حماسها ولكنه دخل ليتوضي بالفعل
بعد مده ليست بقصيره انتهي من صلاته
آسر.. انا هنام تصبحي علي خير
حور.. وانت من اهله
كانت تتجه للسرير لتجده ينام عليه
حور.. ياعم الحاج انا هنام هنا
آسر.. ما تنامي السرير واسع
حور.. اكيد يعني مش هنام مع...
لم تكمل حديثها لتجد نفسها في احضانه
