روايه جديدة شيقة كامله بقلم وفاء محمد
روايه جديدة شيقة كامله بقلم وفاء محمد
بالظبط بس الأغرب إني شايفة كل حاجة كأني معاهم
بس قد إيه عصبي أوي أمير ده
يالهوي ولما هو عصبي وهو إنسان عادي زينا أومال وهو روح عامل إزاي
لا لا بلاش أفكر في الحجات دي
خبيت النوت عشان أحمد ميشفهاش
بكره أبقي أكمل حصل إيه
كان واقف بعيد سامع كل كلمة قالتها ضحك لما قالت عليه عصبي وإنه يخوف
حلا قد إيه أنت عصبي أوي يا أمير مع إن أسمك أمير
أمير برفعة حاجب يعني أنا مش أمير ولا إيه يا ست حلا
حلا هههه لأ طبعا أمير وقمر وطيب وكل حاجة بس عصبي أوي وكمان بتتعصب بسرعة
أمير أعمل إيه دي حاجة فيا من صغري ومش عارف أغيرها
حطيت إيدها حوالين رقبته بحب
مش مهم أنا بحبك زي ما أنت كده يا أميري العصبي
وقريب هنكون سواه يا حلاي....
الفصل الرابع
أحمد أنا جيت يا ريم
ريم حمد الله بالسلامة يا قلبي ٥ دقايق وأحضر الغدا
أحمد بسرعة لحسن أنا ھموت من الجوع
ريم ههههه عنية حاضر
علي الغدا
أحمد هاه عملتي ايه النهاردة قرأتي حاجة
ريم سكتت شوية وبعدين قالت آه رواية رومانسية كالعادة
ريم لأ لسه مخلصتهاش
أول ما أخلصها هحكيلك
أحمد تمام أتفقنا أنا داخل المكتب ياريت فنجان قهوة بقي عشان أركز
ريم حاضر هتسهر كتير
أحمد يعني مش عارف لو عايزاه تكلملي روايتك عبال ما أخلص ومالوا
ريم هههه أكيد يعني
أحمد كنت عارف
بعد ما عملتله القهوة وسابته يركز في شغله
وجابت النوت وبدات تقرأ وبدأت كل حاجة تظهر كأنها موجودة
خبطت قبل ما تدخل المكتب
أمير إتفضلي يا أنسة حلا كنت جاية عشان وظيفة السكرتيرة
حلا أيوة يا فندم ده السي في بتاعي
أمير تمام
أخد منها السي في ولاحظ إن أيديها بترتعش
بصيلها وقالها متقلقيش يا أنسة حلا أنا مش هأذيكي أنا بس مبحبش حد يمشي وهو ليه معاد معايا
أبتسم وبدأ يقرأ السي في وهو بيقرأه كان بيبص عليها
قد إيه جميلة....هادية كده وملامحها عادية لكن جميلة مش حاطة ميكب كتير
إيه اللي بقوله ده
أمير أحم لأ ملفك حلو أوي يا أنسة حلا
تقدري تشتغلي من بكره لو حابة
حلا بأبتسامة بجد يا فندم شكرا جدا
حلا شكرا لحاضرتك محتاج مني حاجة تانية
أمير لأ شكرا بكره بإذن الله الساعة ٨ تكوني في المكتب عشان عبير تفهمك كل حاجة لأن هي هتسيب الشغل آخر الشهر وهتاخدي مكانها هي معاكي لحد ما تفهمك كل حاجة بخصوص الشغل فهماني
حلا أيوة طبعا يا فندم فاهمة كل حاجة
أمير تمام تقدري تستأذني
حلا تمام عن إذنك
أمير إتفضلي
بعد ما خرجت قد إيه جميلة بطبيعتها
إيه يا أمير أنت مشفتهاش إلا مرة واحدة بس وإيه يعني ما الحب بييجي مرة واحدة
حب وكمان مرة واحدة شكلها خطفت قلبي ولا إيه....
في بيت متواضع
بتدخل فرحانة ماما ماما
الحاجة هدي أيوة يا حلا أنا في الأوضة
حلا أشتغلت يا ماما أتقلبت في الوظيفة
وبتتنطط وهي فرحانة
الحاجة هدي مبروك يا بنتي قوليلي كل حاجة بالظبط
حلا هو في الأول أتأخر وكنت خلاص جبت أخري بس لما قومت عشان أمشي
خبطت فيه مش عايزاه أقولك يا ماما خۏفت قد إيه لما أتعصب علي
