عارفة يعني ايه تكوني بتحبي واحد وفجأة تتجوزي اخوه

غزال سكتت وهي بتبص للسماء بتحاول تتغلب على توترها من قربه لكن بعد ربع ساعة تقريبًا كانت نامت ودست رأسها في صدره ولفت ايدها حواليه بدون وعي

شهاب كان مستمتع وهو بيبصلها عن قرب بالشكل دا ونايمة في حضنه وحضناه

أبتسم وهو بيزيح شعرها وراء ودانها

... اخدها في حضنه بقوة وغمض عنيه بيحاول ينام.

*********************

تاني يوم بعد العصر

في بيت بعيد عن بيت شهاب

صباح كانت قاعدة في اوضتها وبتفكر ازاي تاخد فلوس من شهاب ومن الحج محمود، سمعت صوت الباب بيتفتح ابتسمت

-أنت جيت يا رأفت؟

دخل رجل كبير في منتصف الأربعينات بصلها بخبث وابتسم

رأفت المنشاوي:

اخو حليمة والدة شهاب شخصية جشعه متسلط ونسوانجي.

رأفت بخبث:ايوة جيت يا حبيبتي... عاملة ايه يا قلبي

صباح بضيق:

مش ولابد.... بصراحة يا رأفت أنا زهقانة اوي

أنا بفكر ارجع مصر