عارفة يعني ايه تكوني بتحبي واحد وفجأة تتجوزي اخوه

شهاب بحدة وغيرة بدون ما يبصلها:

اقفلي الستارة وادخلي نامي.

غزال مهتمتش اخدت حجابها وطلعت قعدت جنبه على الأرض، شهاب لف وادالها ضهره

غزال بتردد:شهاب!

شهاب غمض عنيه وضغط على ايده بقوة

غزال سندت على الجدار وراها واتكلمت باستسلام وهي نفسها يكون نايم وميسمعهاش

:عارف أنا ليه بخاف منك.....

أنا وأنت عدينا بنفس الازمات تقريبًا بس أنت غيري...

أنت لما ابوك توفي الله يرحمه لقيت جدو في ضهرك.... وأمك معاك واخواتك وخيلانك

لقيتهم كلهم معاك

لكن انا لما أمي وابويا ماتوا محستش بالحنان

من حد في البيت دا، حتى جدي كان مشغول...

محدش جيه اخدني في حضنه وطبطب عليا..

أمك اذتني نفسيا كتير واهانتني وكسرت قلبي...

عارف حتى الأكل كانت بتسمم بدني بكل لقمة باكلها وتحسسني اني واحدة من الشارع