قصة انا تعبت بجد كاملة بقلم الكاتبة ملك السيد

سُهيل ( ابن عم ملك بيحبها من صغرهم ولكن حصلت حاجه هنعرفها في الاحداث، سُهيل ظابط في المخابرات طويل القامه بشرته قمحي وعيونه رمادي وسعره اسود كثيف، ملتزم وحافظ لكتاب الله ويصلي فروضه في المسجد).

نرمين ( بنت خالة ملك بتكرهها من صغرهم،لانها شايفه ملك احسن منها في كل حاجه، محجبه ولكنها تخرج نص شعرها من الطرحه وتلبس بناطيل وتضع مكياج كثير، من الاخر شبه عروسة المولد).

بقلمي: ملك السيد ( فتاة القلم)

في صباح يوم جديد كان يوم تجمع العيله عند بيت الجد وبالطبع سُهيل كان معه نرمين خطيبته..

ملك: تيتا هاتي المايه عشان اسقي الزرع.

الجده: حاضر يقلب تيتاا..

الجده لسُهيل: معلش يا سُهيل ناول دي لملك بنت عمك دي عشان تسقي الزرع.

سُهيل دخل لملك: خدي..

ملك بعدم انتباه: شكرًا ي تيتا.

سُهيل: انا مش تيتا

ملك بصدم#مه: اه ازيك يا سُهيل، مبروك علي الخطوبه ربنا يتمملك على خير يارب..

سُهيل: مجيتيش ليه خطوبتي.

ملك: معلش والله كنت تعبانه شويه، في الفرح أن شاء الله هاجي.

سُهيل: تعبانه مالك..

ملك كاتمه دموعها بالعافيه: لا مفيش عن ازنك بقا تيتا بتنادي وخرجت وسابته.

خرجت دخلت عند جدتها الاوضه دفنت وشها في المخده وفضلت تعيط كتير فجأة الباب اتفتح عليها. بصت بسرعه، طلعت جدتها.

الجده: وبعدين معاكي يا ملك.

ملك: ايه يا تيتا، مفيش حاجه.

الجده: لا في يا قلب تيتا، مش كفاياكي بقا زعل وعياط انا عارفه انك بتحبيه بس مينفعش تعملي في نفسك كدا يا حبيبتي.

ملك بعياط: مش قادره يا تيتا، هو عارف اني بحبه بس راح خطبهاا هيا وهو متأكد اني هتعب جامد، ليه عمل كدا فيا يا تيتا.

الجده: يا حبيبتي يمكن مكانش خير ليكي، هو لو من نصيبك مهما حصل هترجعوا لبعض وهتكونوا من نصيب بعض، متزعليش نفسك بقاا، فين حفيدتي القويه اللي مهما حصل مكانش بيأثر فيهاا، يلا قومي عشان نجهز الغداء عشان جدك هيرمينا من الشباك.