خلخال حليمه

ترتاحي ابعدي عني وسيبني في حالي ومتتكلميش عن مراتي تاني
ام مراد بكل برود اعملك عصير ليمون يهدي اعصابك
مراد حليمه مراتي وهرجعها علي زمتي وكل الي حصلها من تحت راسك ميهمنيش هتفضل مراتي وهتكون ام ولادي كمان
ام مراد ده علي چثتي
مراد لا ده علي چثتي انا اعتبري اني ابنك ماټ والنهارده عزاء وانا هسيبلك البيت وهمشي وكلمه اخيره والله لو اتكلمتي نص كلمه على مراتي تاني هعمل معاكي الي
عمرك ما تتخيله

________________________________________
وهنساء انك امي وانا اصلا ميشرفنيش انك تبقا امي
نور انت ازاي تكلم ماما كده يا مراد
مراد اسكتي انتي
حازم تسكت ازاي انت مينفعش تكلم ماما كده
مراد انا عذركم مهو انتم لما تعرفوا عملت اي هتقل من نظركم اكتر ما هي قليله انا همشي ولو احتاجتم اي حاجه رنو عليا
مراد دخل يجهز هدومه
نور اي يا ماما هتسيبيه كده
ام مراد يغور في داهيه المركب الي يودي
وفجاء تليفون حازم رن
حازم اي يا دينا هكلمك بعدين
دينا انت وحشتني وعايزه اتكلم معاك
حازم هخلص واكلمك سلام
بعد مرور شهرين
حليمه زي ما هيا حپسه نفسه في اوضتها ومبتتكلمش مع أي حد ومراد كل يوم يعدي يسأل عليه ويمشي
الباب بيخبط ام حليمه فتحت الباب
الام ازيك يا عم ايوب عامل اي
ايوب انا كويس يا ام حليمه لاموخده انا كانت طالب الايجار
الام معلش يا عم ايواب ممكن تاجل موضوع الايجار ده الشهر الجاي لحد بس ما حليمه تقوم وتشوف شغل
ايوب سامحيني يا حاجه مش بايدي والله صاحب البيت قال يا ترجع بالإيجار ياما يطلعوا من البيت سامحيني يا حاجه
الام طب احنا هنعمل اي مش بايدي حاجه والله ومش معانا وآله جنيه في بيتنا
ايوب معلش يا حاجه انا هطر انكم تطلعو من البيت
حليمه طلعت من أوضته بعيونها المنفوخه من العياط وشكله المتغير
حليمه الحاج ايوب ڠصب عنه يا ماما انت عاوز ايجار الشهرين الي فاتو صح
ايوب ايوه يا بنتي
حليمه قلعت الدبله بتاعت مراد وكانت مڼهاره من العياط
حليمه دي دبله دهب بيعه وسد ايجار الشهرين الي فاتو وكمان الشهر الجديد
ايوب بس كده مينفعش
حليمه معلش يا حاج انت ليك تاخد الايجار وبس واديك خدتو بعد اذنكم
ايوب مشي وام حليمه دخلت الاوضه وره حليمه
ام حليمه وبعد هالك يا بنت بطني
حليمه في اي يام
ام حليمه هتفضلي كده يا بنتي لزم تخرجي من الجو الي انتي فيه ده
حليمه ياريت ينفع يا امي
ام حليمه بيتنا معدش فيه اكل يا بنتي واختك عاوزه فلوس الدروس وانتي عارفه انينا محلتناش حاجه
حليمه خلاص ياما انا هتصرف
ام حليمه متزعليش مني يا بنتي ما باليد حيله
بعد يومين حليمه دخلت علي امها
حليمه خدي ياما دول قرشين يمشوكي شهرين كانت محوشهم للشعر العسل بس يله
ام حليمه مش ناويه تحكيالي الي حصل يا بنتي
حليمه مش مهم ياما انا مسافره القاهره ادور علي شغل بره انا مليش مكان هنا بعد الي حصل والكلام الي الناس بتقوله عليا
ام حليمه وانا هسيبك تسافري لوحدك لا انسي الموضوع ده خالص
حليمه ابوس ايدك ياما سيبيني امشي وهبقا اجيلكم كل فتره
ام حليمه خالي بالك من نفسك يا بنتي
حليمه اشوف وشك بخير ياما خالي بالك من خديجه وهبقا أكلمكم كل يوم اطمن عليكم سلام ياما
ام حليمه سلام يا بنتي
حليمه سابت الاسماعليه كله ونزلت القاهره
مراد كان جاي يطمن علي حليمه قبلته خديجه علي السلم
مراد حليمه عامله اي النهارده يا خديجه
خديجه حليمه سابت البلد كلها ومشيت يا مراد
مراد اي الي انتي بتقولي ده انا هطربق الدنيا ردي عليا هيا راحت فين
يتبع
مراد اي الي انتي بتقولي ده انا هطربق الدنيا ردي عليا هيا راحت فين
خديجه انت ازاي تتكلم معايا بالاسلوب ده وطي صوتك وانت بتتكلم معايا
مراد انا بقولك حليمه راحت فين
خديجه انا والله ما اعرف هي راحت فين ماما قالتلي سافرت انا قلتلك لكن راحت فين انا فعلا ما اعرفش
مراد طب اطلعي قدامي انا لازم اشوف امك واتكلم معاها
خديجه انا ورايا درس دلوقتي مش هينفع
مراد بقولك اطلعي
خديجه طلعت قدام مراد وخبطة على الباب
ام حليمه فاتحة الباب
مراد صحيح الكلام اللي خديجه قالتو يا حماتي
ام حليمه ما تقولش حماتي دي تاني انت مش خلاص طلقت بنتي عايز اي تاني
حليمه صحيح الكلام ده هي فعلا سافرت
ام حليمه وانت عايز منه ايه كل واحد راح لحاله سافرت او ما سافرتش حاجه ما تخصكش
مراد ازاي ما تخصنيش وهي مراتي ولسه على ذمتي انا صحيح طلقتها بس طلقتها بالكلام لكن على الورق هي لسه مراتي وما ينفعش تسافر من غير ما تعرفني
ام حليمه انت بتشتغل نفسك ولا بتشتغلني انت مطلق حليمه من تاني اسبوع جوازكم والورقه جاتلنا على البيت من امك وعليها امضتك عايز منها ايه تاني كسرت فرحت بنتي ربنا يسامحك
مراد لا مستحيل انا ما عملتش كده حليمه لسه مراتي
ام حليمه بالله عليك سيبنا في حالنا بقى وابعد عننا وخلي بنتي تشوف حياتها كفايه كسرت فرحتها
مراد انا بقول لك حليمه لسه مراتي وانا هرجعها
ام حليمه ده بعينك تشوف ضافر من ضافر بنتي واطلع بره انت مطلقه بقالك شهرين ونص انا اه ما اعرفش ايه اللي حصل يوم فرحكم خلاكم توصلوا للطلاق لكن كل اللي اعرفه اني انا بنتي اشرف من الشرف واكيد الغلط من عندك انت مش من عند بنتي وبنتي لو انت اخر راجل في الدنيا عمرها ما هترضي بيك تاني يلا اطلع بره
مراد طلع من بيت ام حليمه وكان متعصب جدا من كلامها ركب عربيته وطلع على البيت
اول ما دخل البيت كانت امه نايمه في الاوضه دخل عليها الاوضه
ام مراد اهلا وسهلا انت شرفت
مراد انتي فعلا بعتي ورقة طلاق حليمه على بيتهم
ام حليمه ايوه بعتها ايه عندك مانع
مراد انت ازاي تعملي كده من غير اذني
ام مراد هو انت مش طلقتها ولا انا بيتهيالي
مراد انتي عايزه مني ايه عايزاني اموت نفسي علشان ترتاحي ضيعتي مني حب حياتي وضيعت الامل الوحيد اللي كنت عايش عليه اني اردها وارجعها في ام بتعمل في ابنها كل ده
ام مراد لما الابن مايكونش عارف مصلحة نفسه لازم الام تفوقه
مراد طب ممكن اعرف انتي جبتي منين الامضه بتاعتي
ام مراد دي حاجه بسيطه قوي حطيت الورقه من ضمن الاوراق اللي المفروض تمضي عليها وانت مضيت
مراد انا عمري ما هسامحك وحليمه انا هرجعها واعتبريه وعد مني ليكي
مراد خد عربيته وكان مخڼوق ومشي
حليمه اول ما وصلت القاهره ما كانتش عارفه تروح فين اول ما جه في بالها تروح راحت عند خالتها
خالتها اول ما شافتها
الخاله حليمه حبيبتي تعالي اتفضلي نورتي البيت
حليمه ازيك يا خالتي عامله اي
الخاله انا
________
كويسه والله يا بنتي انا زعلت يا حبيبتي من اللي حصلك معلش بكره ربنا يعوضك باحلى منه
حليمه سمعتي اي بالظبط
الخاله سمعت انك اتطلقتي يوم فرحكم بس بصراحه ما اعرفش السبب اي بس مش مشكله يبقى هو مالوش خير فيكي
حليمه كل شيء قسمه ونصيب يا خالتي انا ما اعرفش انا جيت عندك ازاي بس انا ما اعرفش