رواية الحمل الأسود كاملة (جميع فصول الرواية) بقلم خديجة

اجى اطمن عليكى بس جوزى امبارح كان اجازة ومعرفتش اعدى عليكى، هخلص ترويق البيت وهجيلك اقعد معاكي شويه
بعد شوية دخلت عندى الشقة وقعدت وفضلت ساكتة وكأنها مستنيانى افتح معاها اى كلام يخص موضوع الحړقة، حبيت اريحها وقولتلها
.. شايفاكى مش على بعضك وعايزة تقوليلي حاجة
... فعلا عندك حق يااميرة، بصي يااختى العمارة كلها بتتكلم عليكي وعلى اللي حصل فى الحړقة وبيقولوا ان انتى مخاوية و..
سكتت سعاد مكملتش، مسكتها من ايديها وقولتلها
.. قوليلي كل حاجة ياسعاد، متخبيش عنى حاجة
... بصر.احة يااختى سكان العمارة اتفقوا يجيبولك حد بيفهم فى السحر والكلام ده ويخبطوا عليكى مفاجأة ويشوفوا في اى حاجة فى شقتك وفيكى ولا لأ

معرفتش ارد عليها اقولها ايه وفضلت ساكته، لحد ماقالتلى
.. انا اسفة يااختى حقك عليا، انا مضطرة امشي.
خرجت سعاد وحسيت بشوك فى بطنى، برفع البلوزة لقيت فيه شوك خارج من جلد بطنى وډم اسود عمال يسيل، حطيت ايدى على بطنى اټجرحت ونزل منها نقط ډم لكن احمر، اټخضيت جدا، 
 
نزلت وجرى ركبت عربيتى، مفكرتش حتى اشيل الډم من على جسمى وهدومى،وروحت لدكتور عادل، دخلت عليه من غير استاذان، كان عنده بنت شمال پيسقطها بس كان لسه هيبدأ، اول مادخلت عليه قولتله وانا مڼهارة وبعيط
..الحقنى يادكتور عادل، الحقنى
بص للبت وقالها
... اطلعى استنينى بره
وشاورلى علشان انام على الشيزلونج، وقالى:
.. اقلعي هدومك لما اشوف في ايه، على الله تكونى سقطتى ونخلص
قلـ،ـعت وقعدت على الشيزلونج، حط ايده على الډم اللى على بطنى وخد منه عينة وبعد كده قعد ينضفه، وهو بيقولى
... اول مرة اشوف ډم اسود بالشكل ده
بعد مامسح بطنى بالقطن، لقى مفيش اى اثر لندبات او شوك، او اي حاجة تجرحنى وتنزل الډم ده كله
حط چيل على بطنى وحط عليها جهاز السونار، قعد دقايق عمال يبص، ونظرات وشه غريبة بشكل غير طبيعى، فسألته
... طمنى يادكتور عادل، هو انا سقطت الزفت ده ولا لأ
بصلى شوية وهو ساكت وقالى
.. قومى البسي هدومك وروحي يااميرة