قصة اجهاض حلال
قصة اجهاض حلال
تاني.
سمعت كلامه وقلت له
ساعدني ارجوك يا شيخ اعمل ايه
ماردش عليا قام من مكانه وقرب ع الباب فتحو وخرج.
فضلت طول اليوم بفكر ف اللي قالوا الشيخ واللي شفته لحد ما لقيت تليفوني بيرن الساعه كانت ١٢ نص الليل مين ده اللي هيتصل بيه ف الوقت ده.
بصيت على الرقم وكان رقم مجهول مش متسجل عندي فتحت المكالمة وقلت مين معايا
جالي الرد من المتصل
انا حسان!
رديت بلهفه وقلت
ايه عرفت توصل له
رد وقال لي
ايوة عرفت اوصل له انتي تجيلي دلوقت ولوحدك!
اروح له ازاي ف الوقت المتاخر ده وكمان لوحدي بس مش قدامي غير كده. غيرت هدومي ونزلت بشويش عشان محدش يحس اني خارجه ف الوقت ده.
فضلت ماشية وراسي عماله تودي وتجيب ده انا هكلوا بسناني لما اشوف الحيوووو.. مكملتش الجملة لاني سمعت صوت جشرجه! صوت حد بيحاول يتنفس لكنه مش قادر.
وقفت العربية فورا لما شفت من مراية العربية ف الكرسي الوراني ان ف شخص قاعد!!
بصيت ورايا لقيت اللي قاعد هو! ايوة ده كان مدحت!!
مدحت مدبوح ودم كتير مغرق وشو!!
كان بيحاول يتكلم لكن الجملة مش بتخرج منه.
ف اخر لحظة صړخ ف وشي وهو بيقول لي
سمحيني!!
فقت من المشهد ده وراسي كانت ع الدركسيون يعني ده كان كابوس لاني مالقتش اي حاجه ف العربية!
دخلت الشقة قعدنا ف الصالة وقلت له
مدحت فين
رد وقال لي
اصبري بس عليا
قال لي كده ومشي وجه بعد شوية وكان معاه كباية عصير وف ايده التانية حاجه ملفوفه بقماشة صغيرة سودة.
اداني العصير شربت منه شوية وسبته وبعدها قلت له
ممكن تقول لي فين مدحت
رد وقال لي
هقولك هو فين بس خدي ده
اللي ادهولي كان كتاب هو نفسه الكتاب اللي شفته ف اخر كابوس! قلت له
ايه ده
رد وقال لي
ده العزيف! كتاب العزيف ورثته عن جدي حاولت كتير افهم اللي فيه لكن معرفتش هو حكاية الكتاب ده من بحثي انه كتاب تاريخ بس مش اي تاريخ ده بيحكي عن اللي سكنوا الارض قبل خلق ادم وقبل خلق الجن كمان! ف كائنات منعرفش عنها حاجه ورثة الارض بس بعد ما كتر الډم ف الارض والفساد بين الكائنات دي جه جيش السماء وحاربهم! كانت الحړب بينهم حرب ما شافتهاش الارض قبل كده حرب شرسه. م١ت كتير من الكائنات دي وف مجموعة صغيرة هربوا واستخبوا ف باطن الارض الكائنات قدروا يتوصله مع ابناء ادم لدرجة انهم اتجوزوا من بني ادم لهدف واحد وهو خلق جيش واتباع من بني البشر عشان يستردوا ورثهم تاني.
سمعت الكلام الغريب ده وقلت له
وانا ايه علاقتي بالموضوع
