العملية فشلت.. لعلياء السيد انا اسفه

معرفتش اعيط بصراحه وأقنعت نفسى ان عادى

بس الغريب انه اتجوز بنت خالته الى بعتتلى مسدج عزمتنى ابتسمت بوجع وقبلت الدعوة

نزلت روحت بيوتى سنتر وجبت فستان يليق بيا وفى نفس الوقت مش مبين ان خسرت وزن كتير وحطيت ميكب خفيف

و روحت انا وأنس دخلت متأخرة وجذبت نظر الكل وقربت منهم

- الف مبروك ى استاذ عمر الف مبروك ى نور

سلمت عليها وحضنتنى: اخدته منك

- اتعودت اسيبلك البواقى

قعدت شويه كنت بثبت لنفسى ان مش هاممنى كنت حلوة ونظر الكل على الترابيزة الى قاعدة عليها منهم بيقول مش دى طلقته؟..و منهم بيسأل مين انا

بعدة مدة مشيت بهدوء زى ما دخلت كنت بتنفس بعمق وفجاءة لاقتنى حابه حياتى وقررت بعد مدة افتح مشتل ورد وبمساعدة اخواتى وماما فتحته بالفعل

مريت سنتين اتصحبت على ناس كتير حياتى كلها فى المشتل او مع صحابى او فى الماجستير الى بدأته مكنش عندى وقت ازعل فيه او افكر فى اى حاجه لحد ما ف يوم

آسيا نازله

- اها ى ماما

طب متتاخريش فى عريس جايلك

- ماما انا خدت حظى من الجواز خلاص

آسيا اسمعى كلامى يبنتى عايزة اقابل رب كريم وانا مطمنه عليكى

هزيت رأسى ونزلت وجيت فعلا بدرى شويه معرفش ليه بس غيرت لبسى لدريس نبيتى وطرحه سودا حطيت برفيوم بس محطتش ميكب لما خلصت لبس كان هو وصل

كان جاى لوحده واتفق مع خواتى بعدين دخلت انا كنت مكسوفه كأنى اول مرة اتعرض لموقف زى دا قعدت

- احم ازيك

الحمد الله وانت

-الحمد الله، انا أسر محمود 34 سنه مهندس فى شركه **** كنت متجوز وكان عندى طفله اسمها مريم سنه ونص وطلعت انا ومراتى وبنتى وامى مصيف من خمس سنين 

وعملت حادثه على الطريق بيهم وبنتى وامى راحوا لرب كريم الا مراتى وانا بس كان عندها انهيار عصبى بسبب مoت مريم وبعد مدة

سابتنى هى كمان

كنت مدققه معاه نظرة الألم فى عيونه وعروقه الى بارزة، دقنه لون ملامحه الى بتتحول مع كلامه من رقة لحدة عيونه بشرته الخمرى كان شكله اصغر من سنه

- ربنا يرحمهم ويصبر قلبك، انا آسيا 29 سنه كنت متجوزة بس مش حصل نصيب فى الخلفه وجوزى مستحملش ده لان عملت عمليه وفشلت وطلقنى فى يومها وبقالى 3 سنين مطلقه خريجه علوم وحاليا بعمل ماجستير وعندى مشتل ورد فى شارع

قطعنى