انا متجوزه من سنتين ونص سلفى اتوفى وهو شاب لسه بعد جوازى

انا متجوزه من سنتين ونص سلفى اتوفى وهو شاب لسه بعد جوازى ب8شهور كنت حامل فى بنتى سلفى المتوفى ده عنده 4بنات أكبرهم 8سنين دلوقت جوزى عاوز يتجوز سلفتى علشان العيال وعلشان ماتتجوز بره البيت لأنها لسه صغيرة وحلوة شكلا وكان مصمم أنه يتجوزها انا عملت مشكلة كبيرة معاها وجيت شټمتها فى الشارع ودعت عليها كتير هى وجوزى وفضحتها فى الشارع .

وقتها كنت حامل للمرة التانيه وجوزى مرضيش يفتحلى الشقه وروحت عند اهلى وبعد شهر جه خدنى وقعدته فى قعدة رجالة وحلف قدامهم أنه مش هيتجوزها وحصل مشاكل تانى لما روحت البيت لاننا كلنا قاعدين فى بيت واحد واخويا ضړب سلفتى على دماغها فتحهالها لان كان قايل كلام وحش عنه فى رسائل لحد والكلام وصله.

 وهى مصدقت شفتها دخل واتلموا هى واختها وسلفتى التانيه وضړبته بالشبشب فانا استغليت الموقف ده وخليت جوزى خد شقه بعيد خالص عن اهلى وأهله وكمان انى حامل فى ولد دا خلاه يسمع كلامى فى كل حاجه لانه كان نفسى فى ولد وطبعا بيسمع كلامى كله ودلوقت مبيكلمش حد من اخواته خالص ولا حد يعرف عننا حاجه ولا هو يعرف عنهم حاجه خدنا شقة ايجار بعيده خالص .

وسايبه جهازى فى البيت عندهم دلوقت بقالنا حوالى 6شهور انا خاېفه جوزى يرجع تانى ويقولى عاوز اتجوزها وخاېفه بردوا من الايجار ومصاريف طفلين منقدرش عليهم تنصحونى ارجع البيت تانى ولا افضل عايشه بعيد عنهم وبعيد عن أهلى بس احنا بنروح عند اهلى كتير والحمدلله جوزى رجع يحبهم تانى