فرح وشخصياتها
فرح وشخصياتها
انت في الصفحة 1 من 14 صفحات
الأول والثاني
بتقف قدام المرايا وهي ماسكة علبة المكياج بتاعتها وبتحطه على وشها حتى تغيرت 180 درجه
فرح بعد ماشافت نفسها : فاضل تكة بس
وبتاخد الباروكة وبتركبها وبتلبس فستان اسود لحد الركبة
فرح بخبث : ايوة كده لازم اخد سيلفي ايه الجمال ده
فجأة يقاطعها صوت رنين تليفونها
فرح وهي بتتكلم بدلع : الوووو يا حبيبي عامل ايه
مازن وهو بيصطنع الحزن : تعبان
مازن : زعلان منك يا شيرين
شيرين طب ما هي اسمها فرح ما تستغربوش دي فرح بنت بتغير اسمها و شكلها بالمكياج كل شويه ليه ده هنعرفوا بعدين
فرح بدلع : ليه كده يا حبيبي مش انا حبيبتك شيري
مازن : عشان مش راضيه تخليني اشوفك وانا نفسي اشوفك وانا بعتلك صورتي لما طلبتي مني وقاعد اليوم كله بكلمك
فرح بخبث : بصراحة يا ميزو الفترة دي مش عايزة اتكلم معاك فيديو عشان تعبانه الفترة دي
فرح : عشان امي تعبانه ولازم تعمل عمليه بفلوس كتير اوي ومش معانا حق العلاج
مازن بتأثر : طب انا دكتور ممكن اعمل لها العمليه مجان
فرح : لا انا مش عايزة اتعبك معايا و
مازن بمقاطعة وبخبث : هعملها العمليه مهي حماتي برضو وده واجبي ولا ايه
فرح بتحاول تتهرب : بس
مازن : ما بسش انا هعمل لها العملية ها دلوقتى ممكن اشوف السنيوريتا
فرح في تفكيرها : انا اصلاً كنت بجهز نفسي للحظة دي
مازن : يلا هتصل فيديو
فرح : ماشي
مازن بإعجاب : ايه الجمال ده يولادد
فرح وهي بتصطنع الخجل : بتجامل صح؟
مازن بانبهار : ابداً واقولك كمان خديلي ميعاد من ابوكي
فرح بتصنع الحزن : انا ابويا متوفي
مازن باحراج : أنا آسف يا شيري مكنتش اعرف
فرح وهي بتنزل دموع بتمثيل : مش مشكلة يا مازن طب هبقى اكلمك بكرة وبتقفل بسرعة
مازن : استني يا شيري مكنتش اقصد ايه ده قفلت غبي انا غبي
فرح بابتسامة خبيثة وهي ماسكة صورته : قربنا على الهدف
وبتحط علامة على صورته
