ضحكت علي جوزي

والله فكرة تحافظ على بيوت كتير!!

واحدة كاتبة على صفحتها:

شفت جوزي بيراسل واحدة ع الماسنجر، قمت حظرتها من حسابه وعملت حساب باسمها وبقيت بأراسله كل يوم واتونس بيه واتكلم معاه كل يوم بالساعات!

بس اكتشفت ياالهوووي إنه طلع مش متجوز وبيفتش على توأم روحه ياعيني!

قلت له: ولسه مالقيتهاش؟

قال لي: لسه بس انتي بقيتي كل دنيتي ومعايا في الحلم وفي الواقع!

قلت له: وانا كمان نفس المشاعر والله بحبك أوووي، راجلي يانااااس احبه زي ما انا عايزة!

مع مرور الوقت طلبت منه نتجوز بس اعتذر وقاللي: مش حاقدر دلوقت، في اللحظه دي روحت مزعقة فيه قلت له: أنا عارفة انك متجوز وعندك بنتين..

قال لي: عرفتي ازاي؟

قلت له: أنا ساحرة وبعرف كل حاجه عنك حتى أهلك ولو ماحولتليش مبلغ مليون جنيه حاعمل سـحړ ليك ولمراتك واخليها تنشل فورًا وبعدها انت تنشل كمان، راح قافل الخط علي طول!

بعد لما رجع من الشغل لقاني نايمة ع الكنبة وبشتكيله: الحقني ياحبيبي مش قادره أحرك رجلي ولا أقف ولا أصلب طولي أنا شكلي انشليت!

بقي يصوّت ويقول: حسبي الله ونعم الوكيل ويقرأ قرآن ومسح الفيس والماسنجر وغير أرقامه وباع التليفون وجاب واحد صغير مكالمات بس وبقى يمشي على الصراط المستقيم!

• منقول