روايه الشقه كامله

اول ما سكنت فى شقتى الى استأجرتها جديد شميت ريحه معفنه، الشقه كانت مهجوره من فتره طويله ودا إلى خلانى افكر ان شوية نضافه وديتول وكام رشة معطر هتخليها تمام

فعلا مسحت الشقه خليتها تبرق وكنت بدور على اى حاجه مېته ومتعفنه زى فأر او قطه تكون سبب الريحه
بعد ما عقمت الشقه ورشيت المعطر اعتقدت ان الريحه مشيت ودخلت انام

وانا نايم الريحه المعفنه بقيت أقوى لدرجة انها صحتنى من النوم
ريحة عفونه قويه وكئيبه كانت ماليه الشقه كلها

حاولت اخرج الفكره من دماغى، قلت انت لسه معزل جديد ودا اكيد توهمات نفسيه وفضلت شهر كامل بحاول اتكيف مع الوضع
لكن بصراحه الريحه كانت لا تطاق

قعدت ادور الريحه جايه من فين لحد ما لقيت بلاعة صرف فى المطبخ الريحه طالعه منها

كل ما احط معطر جوه البلاعه الريحه تبقى أقوى، الوسۏاس ركبنى خاصه بعد ما كنت نايم وسمعت صوت طالع من البلاعه
صوت طفله صغيره بتبكى

الليله دى مقدرتش انام من الخۏف والرڠب  ، اول ما الصبح طلع جبت حارس العماره وخليته بنفسه يشم الريحه
الراجل قال ان مش شامم اى حاجه، سألته مين آخر شخص كان ساكن الشقه
الحارس قال انه وصل هنا من كام سنه الشقه كانت فاضيه لما وصل ومحدش كان ساكن فيها

بعد ما الحارس مشى قعدت افكر، شقه حلوه وفى مكان ممتاز ليه تفضل فاضيه المده دى كلها؟

قررت أن اسيب الشقه تانى يوم الصبح وان دى ھتكون اخر ليله ليا فى الشقه

لميــ،ت هدومى وحطتها فى الشنطه وفضلت سهران لحد الساعه ٢ الفجر قبل ما ادخل غرفتى انام

الساعه ٣ الفجر سمعت صوت بکاء جاى من الصاله، قمت مفزوع وانا عمال اتشاهد، خرجت من الغرفه اشوف فيه ايه
وشوفت خيال طفله صغيره ماشى ناحيت المطبخ قبل ما يختفى جوه البلاعه، الخيال كان واضح جدا، وجه تعيس عنيه متغرقه دموع
فضلت متيبس فى مكانى مش قادر اتحرك، دى مش ممكن تكون مصادفه