رواية لست جميلة كاملة جميع الفصول

-هي دي مرات ابنك ....دي وح*شة اووي يا منال ...
قالتها واحدة من المعازيم وهي صاحبة حماتي المقربة في كتب الكتاب وهي مش واخدة بالها اني سمعاها...اتنهدت حماتي واستنيت أنها تدافع عني بس قالت بحزن:

عمره ما حسسني اني قليلة بالعكس كان دايما شايفني الاجمل ...كنت بشوف نفسي جميلة في عينيه بس رغم أن مفيش حد من اصحابي ولا قرايبي حسسني اني حلوة بالعكس كانوا دائما بيشفقوا عليا وبيقولوا مين هيرضي بيا ...أنا مش جميلة زي البنات وجسمي مش مثالي ...فاقدة الثقة بنفسي ووشي باهت دايما...طول عمري بحس نفسي مش حلوة ..والناس اللي حواليا حسسوني بكده اكتر ... 

مفيش الا بابا وماما بس اللي حسسوني بكده ومحمود كمان ...بس الكلام النهاردة رجعني للواقع تاني ...واكتشفت اني لسه مش حلوة وان هيجي يوم ومحمود يفوق ويسيبني ...أو ممكن يتجوز عليا ...

صرخت بف*زع لما حسيت بحد بيحضني ...غمضت عيني ومحمود بيحط رأسه علي كتفي وقال بصوته الهادي:
-اهدي يا حبيبي ده انا ...قاعدة ليه لوحدك هنا ...
غمضت عيوني ودموعي بتنزل ...محمود خلاني ابصله واتصدم لما شافني ببكي ....
مسك وشي وقال بخوف:
-ميرفت مالك يا حبيبتي ...قوليلي مالك ...
مقدرتش استحمل اكتر من كده وفضلت ابكي جامد .
حضني محمود من غير اي كلام وفضل يطبطب عليا
فضلت ابكي لوقت طويل ...محسيتش بنفسي وانا ببكي وقلبي محر*وق من جوا ...كلام حماتي وصحبتها لسه في ودني ...سمعت كتير كلام محر*ج اني مش حلوة لكن اول مرة الكلام يأذ*يني بالطريقة دي ...لأول مرة الكلام يخليني مثقش بحب محمود ليا
...حسيت أن فعلا هيجي وقت ويفوق ...
بعدني محمود عنه وهو بيمسح دموعي وبيقول:
-قوليلي بقا مين اللي زعلك ...
بعدت عنه وقولت بته*ور وبصوت مخنوق :
-انا عايزة اتطلق!
-نعم يا حيلتها!!!!!!