قصة شرايط العهد قصه ممتعه جدا
قصة شرايط العهد قصه ممتعه جدا
...عشان تعرف اني مابكدبش عليك
...اقتلها واغسل عارك
_بقولك درس مين؟؟
=ايدي يا ابراهيم،، هتكسر ايدي
_ردي عليا
=درس كيميا
....شوف تليفونها
...شوف الرسايل
...شوف قلة الادب والمسخرة
_فين تليفونك
=يا ماما،، الحقيني يا ماما،،
وقتها طلعت امي جري
**مالك يا ابرار ؟؟
**في ايه يا ابراهيم ماسك ايد اختك كده ليه
وجات شالت ايد ابرار من ايدي
...دلعها ده هو اللي هيبوظهم وهيجيبلك العار
_دلعك ليهم دا هو اللي هيبوظهم
فضربتني بالقلم على وشي
....دي بتكسر هيبتك قدام اختك
...انت اصلا نكرة ومعتبرينك مجنون
....ردلها القلم قلمين
....او على الاقل اضرب اختك
فضربت بايدي الحيطة وطلعت على شقتي وانا نار بتغلي جوايا وطول ما انا قاعد عمال اسمع صوته بيتردد حواليا
...انت ماعدتش هتعرف تعيش
...انت خلاص اتحكم عليك بالعزلة او المoت
....حتى شبح البنت غاب
كنت كل ما احاول اهرب من التفكير في كلامه أفكر فيه اكتر لغاية ما سمعت صوت خبط عالباب فروحت فتحت
ولقيتهم سايبينلي صينية اكل قدام باب شقتي
....مش قلتلك منبوذ
.....لكن راحتك عندي
....حبل وشعليقة وجسم مدلدل
....فكر كدة،، مافيش اريح ولا احلى
ساعتها قومت منفوض من مكاني وفضلت أزعق وانا بلف حوالين نفسي
_انت فين؟؟
_انت مين؟؟
_انت مش هتموتني؟؟
لغاية ما وقعت ع الأرض وفضلت أبكي من تعب راسي
كنت حاسس ان راسي سخنه وبتغلي
وكإن فيها دوامات فوق دوامات من الخزعبلات
وقضيت ليلتي كلها على الحالة دي ولما عينيا غفلت وكنت بين النوم والصحيان وفاكر نفسي هرتاح بالنوم
حلمت بالبنت المغدورة لكن ماكانتش بتتكلم
حلمت بيها بتفتح عينيها تحت المية
وانا معدي من جنب الترعة اللي اترمت فيها بالليل
وبعدها بترفع ايدها وتشاورلي
وتقولي تعالى
فاقوم مفزوع من نومي
ولما انام تاني احلم بحبل متعلق في السقف
وبيتهز شمال ويمين
والصوت بيتردد ورايا
....الراااااحة
وطول الليل مابين وساوس واحلام لغاية ما نور النهار شقشقش
فصحيت روحت المستشفى بسرعة يمكن اهرب من جنان وحدتي
لما وصلت هناك عرفت انهم اخدوا عينة الدي ان ايه في اليوم بتاع امبارح وعينه حشوية
لكن ماستدلوش لسه على ججث0ة البنت
ولا عرفوا هي مين وكان المفترض ان النيابة هتعمم البلاغ بمواصفاتها عشان يشوفوا أي بلاغات بتغيب حد بنفس المواصفات
وعلى الرغم من كل دا الا اني ماكنتش ندمان على إني مسألتهاش عن اسمها او عنوانها
وكالعادة كنت بقول ماليش دعوة
