أكتر حاجه تخوف أي واحدة لما تعرف ان جوزها

فضلت مستنية وبعدها جه في بالي ان ريهام كانت عارفه علاقتهم ولو حصل حاجه هي هتشك فيا ساعتها جاتلي فكره بس بعد ما اتخلص من حاتم.. وفعلا الباب كان بيحاول يفتح يعني معاه المفتاح بس انا كنت قافله الترباس ساعتها فتحت الترباس وحاتم دخل قومت ضرباه على دماغه وقع على الارض بس ما ماتش قفلت الباب بعدها

بصلي ودماغه غرقانه دم وهو بيقولي هتقتليني يارنا ؟! هتقتليني عشان عايز اطلق ؟ قولتله انت مش واخد بالك احنا فين ؟! على اساس انت بتقولي كده واحنا في بيتنا بنتفرج عالتلفزيون انت في بيت صحبتي الساعه 10 بليل ومعاك المفتاح وبتخرج معاها وانا مصوراكوا انتوا الاتنين لو في حاجه اوحش من القتل كنت عملتها

فضل يقولي اهدي يا رنا ما توديش نفسك في داهيه عمال يتكلم وهو بيسحف على الارض ورايح ناحية المطبخ وبعدها قالي نور فين ؟ بص في المطبخ لقاها غرقانه في دمها بصلي ساعتها وعرف انه خلاص ميت حاول يقوم يمسكني بس انا اديته الضربه التانيه على دماغه وقع ميت ؟

ساعتها مسكت موبايل نور وبعت لريهام ان حاتم جايلي البيت دلوقتي وعايز يقتلني عشان قولتله مش هخون صحبتي ؟ ريهام بعدها فضلت تتصل على نور كتير قومت قافله الموبايل وجمعت البطاطين والستاير والسجاد مع العفش وسحبت الجثتين معاهم وقومت مغرقاها زيت وجبت كبريت ورميته وسيبته يولع وطلعت ومسكت قماشه مسكت بيها الاكرة والترباس وبصيت بصه اخيره عليهم ودموعي نزلت غصب عني بعد ما خسرت جوزي واعز صحباتي في يوم واحد فتحت الباب وطلعت وقفلت ورايا ورجعت عالبيب وانا نسياهم من حياتي

تمت