قصة الخطيئه كامله

كنت بحب جوزي لدرجة الجنون بغير عليه لو اتكلم مع أي واحدة غيري حتى لو كلام عابر وكنت بخاف على مشاعره لدرجة إني فهمته ان انا اللي مبخلفش مع اني عملت كل الفحوصات والتحاليل واتأكدت اني اقدر اخلف..
أختي نهلة دكتورة أمراض نسا وتوليد درست في أمريكا في جامعة شيكاغو وحياتها في امريكا خلت شخصيتها عملية جدا وعديمة العواطف تقريبا والحاجة التانية أنها بقت متحررة زيادة عن اللزوم وعندها أفكار غريبة ضد تقاليد مجتمعنا وضد مبادئ ديننا..
نهلة كانت طول الوقت بتلح عليا علشان اطلب الطلاق من مصطفى كانت بتقولي اني ماليش ذنب احكم على نفسي اني اعيش طول حياتي من غير اولاد واني هعرف قيمة الكلام دا لما اكبر في السن وفرصتي في الخلفة تضيع..

كنت برفض كل النصايح دي بشكل قاطع وكنت بقولها انا بحب مصطفى وعمري ما هسيبه..
بدأت تحاول تقنعني بحاجة تانية اني اصارحه بالحقيقة وافهمه أن العيب عنده هو يمكن يقدر يتعالج ويبقى عندنا فرصة نخلف خصوصا اننا مقتدرين ماديا جدا مصطفى صاحب شركة استيراد وتصدير كبيرة ووارث فلوس كتير من أهله يعني يقدر يسافر ويتعالج برا مصر بس انا برضو مكانش سهل عليا اجرح إحساسه واقوله أنه مبيخلفش ولو فيه احتمال ١ في المليون أن العلاج ميجبش نتيجة ساعتها انا متأكدة أن مصطفى هيطلقني لأن هو كمان بيحبني ومش اناني ولو عرف أن هو اللي واقف في طريقي اني ابقى أم مش ممكن يكمل معايا..
الموضوع كان معقد جدا متقفل ومالوش حلول غير اني ارضى بالأمر الواقع وأسلم لفكرة اني خلاص عمري ما هكون أم بس دا في حد ذاته كان صعب عليا اوي..
وفي يوم اسود نهلة جاتلي بفكرة غريبة من أفكارها اللي تودي في داهية وقالتلي هو دا الحل الوحيد علشان تكوني ام وفي نفس الوقت متخسريش مصطفى وتفرحيه..
وكانت الفكرة الملعۏنة اللي جابتها نهلة أنها تجيبلي واحد مجهول تماما ينام معايه وأبقى حامل منه وبعدين هو يمشي ومش هنشوفه تاني.
اقل رد فعل كان ممكن اعمله معاها قصاد كلامها المتخلف دا اني اضړبها بالألم على وشها يمكن تفوق ودا اللي عملته فعلا لكن هي قابلت التصرف دا بهدوء شديد جدا وبدأت تقنعني بالفكرة واحدة واحدة..
انتي مصعبة الموضوع على نفسك ليه 
انتي مچنونة مچنونة ايه انا لسه هسأل انتي فعلا مچنونة ازاي فكرتي في حاجة زي كدا اصلا انتي فاكراني ايه..
فاكراكي واحدة بتحب جوزها ومخلصة ليه لدرجة انها فضلت تعيش طول حياتها محرومة من احساس الأمومة عشان متخسروش
ولما انتي عارفة كدا ازاي تتصوري اني ممكن اخون جوزي 
بلاش افكار رجعية متخلفة دي مش اسمها خېانة انتي مش هتعملي love story مع راجل غير جوزك ولا هتعملي علاقة مستمرة مع حد انتي هتحلي مشكلة كبيرة بالطريقة الوحيدة الممكنة زي اللي بتتطلق من جوزها ٣ مرات وبتضطر تتجوز راجل تاني عشان تقدر ترجعله وبعدين الضرورات تبيح المحظورات..
اوعي تفتحي الموضوع دا معايا تاني انتي فاهمة 
انتي حرة بس خليكي عارفة كويس أن مفيش حل تاني غير كدا لو نفسك فعلا تكوني أم..
قفلت الموضوع مع نهلة بس هي مبطلتش زن فيه كانت عاملة عليا حصار تام ومبسطالي الموضوع على الآخر مع الوقت ابتديت الين وافكر في الحكاية بيني وبين نفسي بس قدام نهلة كنت لسه متمسكة بموقفي..
لحد ما أخيرا وافقتها على اللي هي بتقوله..
انا موافقة بس انتي متأكدة أن بعد كل دا هبقى حامل..
احنا هنختار واحد تحاليل الخصوبة بتاعته كويسة ودي معلومة سهل اجيبها وانتي معندكيش اي حاجه تمنع الحمل كل المطلوب اني احددلك أيام التبويض واظبط لقاء بينك وبين الراجل دا وتحصل بينكم علاقة حميمية بعدها بنسبة كبيرة هتبقي حامل..
طب وهو هنعمل معاه ايه..
احنا هننقي واحد من شريحة معدمة هنفهمه أن جوزك مسافر وانتي عندك حرمان وهندفعله مقابل كويس عن الحكاية دي هينفذ المطلوب منه ويمشي ولا هو هيشوفك تاني ولا انتي هتشوفيه..
طب والڤضيحة..
فين الڤضيحة انا هجيب واحد من مكان بعيد من الصعيد الجواني مثلا والمقابلة هتكون في شقة هأجرهالك في اسكندرية بعيد عن بيتك في القاهرة خاالص متقلقيش الحكاية هتعدي ولما تخلفي انتي هتبقي مبسوطة وجوزك كمان هيبقى سعيد وهتنسي كل حاجة كأنها محصلتش صدقيني احنا بنعمل فيه خدمة كبيرة أوي..
واقتنعت بكلام نهلة وحددنا اليوم وروحت الشقة اللي المفروض يحصل فيها كدا لبست لبس عريان واستنيتها تيجي مع الراجل..
كنت بحتقر نفسي جدا كل ما افكر في اللي انا بعمله وبعدين قررت اني مش هكمل في القرف دا لبست هدومي وخرجت من الشقة بس قابلت نهلة طالعة ومعاها الراجل..
كنت خلاص قررت اوقف المهزلة اللي بتحصل دي ولبست هدومي وكنت نازلة من الشقة بس نهلة قابلتني على السلم وكانت جايبة معاها اللى


________________________________________

المفروض أنه هيعمل معايه علاقة عشان ابقى حامل قد ايه الفكرة سخيفة ومهينة
انتي رايحة فين يا منال رايحة فين يا مچنونة 
ماشية يا نهلة رايحة اعيش تحت رجلين جوزي اللي بيحبني ونفسه يجيبلي نجمة من السما مش مهم الأولاد مش عايزة أولاد هو ابني وجوزي بس لا هخونه ولا ههين نفسي تحت أي مسمى 
ما بلاش الكلام العبيط دا بقى الدنيا اتطورت دلوقتي والعالم كله بيحسبها بالعقل احنا مش في العشرينات يا حبيبتي احنا دلوقتي في سنة ٧٢ وانتي مضطرة يالا يا منال يالا يا حبيبتي ادخلي استني في اوضة النوم الراجل واقف تحت مستنيني انزل اندهله ادخلي البسي قميص نوم حلو كدا وحطي شوية برفان وشوية مكياچ في وشك بلاش هو يحس انك بتعملي دا ڠصب عنك 
يا سلام هو انا كمان هخاف على شعوره ما يحس وللا يتحرق هو انتي ليه بتتكلمي معايه كإني متأجرة
يا حبيبتي هو اللي متأجر انتي سته وست أهله دا واحد صايع سواق تاكسي بيجري على خمس عيال وانا مفهماه زي ما احنا اتفقنا أن جوزك مسافر وانتي محتاجة علاقة عابرة كدا عشان الحرمان اللي انتي عايشة فيه وهو اخد مبلغ مش بطال قصاد الخدمة دي هينفذ المطلوب منه ويغور في ستين داهية لا انتي هتشوفيه تاني ولا هو هيشوفك والموضوع كله ھيموت مش من مصلحتنا بقى ندخل الشك في دماغه ونخليه يركز معانا في اللي احنا بنعمله انتي برضو بنت ناس واسمك واسم عيلتك وعيلة جوزك مينفعش يتلطوا في حكاية زي دي 
خلصيني يا نهلة انا عايزة افوق من الکابوس دا بأي شكل ارجوكي خلصيني 
ماشي يا حبيبتى انا هنزل اجيب اسمه ايه دا عماد باين اللي واقف تحت وانتي ادخلي اوضة النوم كدا دلعي نفسك وخليكي متعاونة عشان المهمة تخلص بسرعة انتي متجوزة بقالك عشر سنين ومش انا اللي هقولك أن الحكاية دي بالذات مبتحصلش من غير رضا.. يالا يا قمر يالا يا حبيبتي البسي اسود ها بيبقى تحفة عليكي.. بقولك ايه يا منال فيه ازازة ويسكي جوا انا جايبهالك انا عارفة انك مبتشربيش بس حاولي تاخديلك كاس كدا عشان تفكي وتبقي براحتك ماشي 
ونزلت نهلة وانا دخلت اوضة النوم غيرت هدومي وعملت كل اللي هي قالت عليه وقفت دماغي تماما وخدت كاسين وحسيت فعلا اني بدأت انتعش واحس اني خفيفة اوي الخنقة اللي كنت حاسة بيها ابتدت تختفي هي ليلة سودا وهتعدي وهنساها انا عارفة اني هنساها..
شوية ودخلت عليا نهلة..
ايه القمر دا يا بخته ابن المحظوظة مكانش ينفع حتى يحلم بليلة زي دي والله انا لو مكانه ابيع اللي ورايا واللي قدامي قصاد ليلة زي دي مش انا اللي اخد فلوس 
يا نهلة قولتلك ١٠٠ مرة بلاش كلامك دا بيحسسني أن انا رخيصة بجد 
بهزر معاكي يا بنتي مالك ما تفكي بقى يالا الواد واقف برا ليلتكو سعيدة انتو بقى 
ايه دا انتي رايحة فين 
هلف ساعة كدا بالعربية وهرجعلك تاني 
لا متسبينيش لوحدي معاه
ايه شغل العيال دا مينفعش طبعا لازم انا اكون برا الشقة كلها اجمدي بقى يا منال وخلصينا من الفيلم دا يالا انا نازلة ساعة وراجعالك تاني 
ونزلت نهلة دقيقتين بعد ما نزلت سمعت باب الأوضة بيتفتح كنت برتعش من الخۏف ودقات قلبي بتزيد..
دخل الأوضة كان بيغني انا كل ما اقول التوبة مكنتش قادرة ابص في وشه كنت دافنه وشي في المخدة من الكسوف بدأ يغازلني..
دا ايه الهنا اللي انا فيه دا انا مش شايف وشك صحيح بس باين من جسمك اللي زي الشمع دا انك قمر شكلك بنت ناس كمان اصل قميص النوم دا وريحة البرفان الغالي اللي طالعة منك دول ميقدرش على تمنهم غير ولاد الناس لعلمك انا كمان ابن ناس انا خريج كلية آداب وكنت معيد في الجامعة بس ظروفي صعبة شوية هبقى احكيلك حكايتي بعدين لو مهتمة تسمعيها يعني اصل النكد يعني غير مستحب في ليلة زي دي لعلمك انا متجوز ومخلص لام العيال اوي ولولا العوزة مكنتش عملت كدا بس يالا بقولك ايه ما هو كدا مينفعش انا عايز اشوف وش الجميل برضو لازم نتعرف ونتكلم واناغشك وتناغشيني محسوبك فؤاد..
فؤاد.. كل اللي كنت بفكر فيه طلع صح انا مش ممكن انسى صوته حتى لو قعدت عشر سنين ما اسمعوش بصيت في وشه واټصدمت وهو اټصدم كوباية الويسكي وقعت من أيده على الأرض 
انت يا فؤاد 
منال !!!
بعد كل السنين دي يا فؤاد الوشوش تتقابل تاني
لسه الدنيا مصممة تسخر مني ومنك يا منال انتي بتغطي نفسك ليه
مش قادرة مش عايزاك تشوفني كدا
زمان انتي


________________________________________

شوفتيني في وضع أسوأ من دا الست لما بتحب راجل يا منال بتشوفه الراجل الوحيد في الدنيا بتشوفه أمانها وسندها بيتهيألها انه يقدر يعمل أي حاجة علشانها يقدر يشيل الهرم الكبير بإيد وأبو الهول بالإيد التانية لكن لما الراجل دا بيتكسر قدامها العالم كله بيتكسر معاه
عملت ايه بعد ما سيبتني 
قصدك بعد ما الخدامين بتوعكم رموني في الشارع كانوا بيفهمونا في الستينات ان الزمان اتغير وان الروس اتساوت الدنيا هي الدنيا يا منال باشاوات الملكية هما باشاوات الناصرية هما باشاوات دلوقتي مفيش فرق بين فاروق وعبد الناصر ولا فيه فرق بين عبد الناصر والسادات كنت فاكر ان ابوكي باشا قديم من بتوع الطرابيش ومادام قلع الطربوش يبقى خلاص عرفت أن الباشا بيفضل باشا والغلبان بيعيش وېموت غلبان ابوكي رماني برا بيته لما اټجننت في عقلي
وروحت اتقدملك وعشان يضمن اني ما الفش عليكي تاني رماني في المعټقل پتهمة اني شيوعي شوفت أسود أيام حياتي جوا السچن الحړبي كان متوصي عليا توصية جامدة أوي اول ما دخلت السچن قالولي انسى اسمك خالص واختار لنفسك اسم حريمي نناديك بيه في الأول خدت الموضوع على كرامتي ورفضت بس مع اول طريحة
بالكرباج ركعت تعرفي سميت نفسي ايه سميت نفسي منال عشان افضل اسمع اسمك طول الوقت حتى وانا بتهان كان فيه عسكري في السچن الحړبي اسمه حجازي كان عسكري جاهل وحاقد على كل المتعلمين كان حاسس بعقدة نقص ناحية أي حد فاهم اكتر منه العسكري دا كانت هوايته المفضلة انه يذلني كان لما يتزنق في حمام مايه انشاله في نص الليل يصحيني عشان يبول على وشي تخيلي الذل والمرمطة اللي انا شوفتهم يا منال
انا آسفة انا آسفة أوي يا فؤاد كل دا حصلك بسببي
كنت بقابل كل دا برضا كنت مؤمن أن كل صاحب قضية لازم يقدم تمن عارفة يا منال انا اتضربت كتير اوي في السچن الحړبي اتضربت على وشي وعلى قفايا بالعصايا وبالكرباج بس محسيتش بالۏجع غير لما خرجت وعرفت انك اتجوزتي ودي لحظة الألم المشتركة في حياة كل صاحب رسالة لما يعرف أن تعبه كله كان من غير مقابل..
بابا غصبني على الجوازة مكنتش اقدر اقف في وشه كان هيطردني من البيت زي ما عمل مع نهلة وانا مش قوية زي نهلة عشان اقدر اتحمل عواقب قرار زي دا
نهلة مين هي اللي كانت هنا دي تبقى اختك غريب اوي الدور اللي بتلعبه معاكي دا بس وهو ايه في حياتنا يعني مش غريب حبيتي بعدي يا منال
تبقي حبيتي يا معوض الخسران يا رب اشوف وشك بخير يا منال دا لو كان مكتوبلنا نتقابل تاني
رايح فين يا فؤاد 
ماشي انا مش قادر ابص في وشك تاني بعد ما كنت فؤاد اللي بتحبيه وبتحترميه وشايفاه أعظم راجل في الدنيا تشوفيني دلوقتى جاي اخد عرقي في ليلة ۏسخة زي التور الطالوقة
اللي انت بتعمله مش أوحش من اللي انا بعمله الدنيا لوت دراعك زي ما لوت دراعي ومشيتنا احنا الاتنين في طريق عمرنا ما حبيناه بس انا دلوقتي عايزاك يا فؤاد
عشر سنين من حياتي اتكسروا زي لوح الإزاز اول ما شوفت فؤاد تاني كنت فاهمة اني نسيت واني بحب جوزي كنت فاهمة أن الماضي كله م١ت بس الحقيقة ان الماضي مبيموتش الماضي بيتشال في مكان بعيد زي هدوم الشتا وبيطلع ڠصب عننا اول ما برودة الحياة تلسعنا..
كنت عطشانه فؤاد لسه دقات قلبه متلحنة على اسمي دخلت جواه ودخل جوايا ملقيتش حد غيري جواه وملقاش حد غيره جوايا..
في الليلة دي انا خدت حقي من الحياة مديت ايديا وقفت كل ساعات العالم وقفت الأرض نفسها عن الدوران وسړقت سعادتي من ايد الدنيا كنت طايرة كانت كل حاجة ليلتها بتقول كلام كتير كل التفاصيل كانت بتتكلم بتقوله بحبك وعمري ما حبيت إنسان غيرك..
وفضلت معاه لحد الصبح والصبح الصخرة اللي بتتكسر فوقها كل الأحلام..
كان حلم جميل وصحيت منه على نفس الواقع..
ولحد هنا وانتهى دور نهلة في حياتي كنت فاهمة وانا مع فؤاد اني هاخد تعويض عن كل اللي شوفته في العشر سنين اللي فاتوا في ليلة واحدة..
بس دا مكانش حقيقي للأسف..
حملت مصطفى كان فرحان جدا حبه ليا وحنانه عليا زادوا الضعف كان محتار يفرحني ازاي ويعمل ايه علشاني ودا كان محسسني بالذنب..
كنت مشتتة ضايعة مقسومة ما بين اتنين اصعب حاجة على أي ست أنها تقسم نفسها على راجلين..
كتير كنت بقرر ما اشوفش فؤاد تاني بس مكنتش بقدر كان بيوحشني وكنت بروحله في نفس الشقة اللي اتقابلنا فيها اول مرة بعد عشر سنين..
لحد ما حصلت المصېبة..
جالي ظرف مقفول على البيت وعليه توقيع فؤاد ستر ربنا أن مصطفى مكانش في البيت في الوقت دا فتحت


________________________________________

الظرف لقيت فيه صوري مع فؤاد صور في أوضاع حميمية..
للأسف فؤاد بيبتزني..
بعد ما فتحت الظرف وشوفت اللي فيه حاولت على قد ما اقدر اني ما اصدقش حاولت اشوف فؤاد في صورة أحسن من كدا قلت لنفسي ليه متكونش نهلة هي اللي بتعمل كل دا اه ليه لأه نهلة طول عمرها بتغير مني انا عمري ما صدقت اصلا انها بتحبني من يوم ما بابا طردها من البيت
وهي بتحقد علينا كلنا مش انا بس انا وسلوى وعاصم ومنتصر راجعة دلوقتي عشان ټنتقم مني لكن فؤاد فؤاد مستحيل يعمل كدا فؤاد دا بيحبني دا عمره ما نسيني دلوقتي لما أقابله هفهم كل حاجة هو هيقولي أنه مالوش دخل بأي حاجة دلوقتي بس لما اقابل فؤاد..
وروحت الشقة حسب المعاد استنيته جه بس مكانش فؤاد معرفش كان مين بس كان أي حد غير فؤاد..
اتعشم تكون الصور عجبتك يا موني
انت ما عملتش كدا يا فؤاد صح 
كان نفسي اقولك اه والله يا منال كان نفسي بس مش هينفع انتي عارفة اني مبحبش الكدب
ليه يا فؤاااد لييييه ليه يا أخي
ليه ايه بس يا منال بقى ادخل السچن وامي ټموت بحسرتها عليا ومن معيد في الجامعة لسواق تاكسي واخرتها اتأجر بالساعة عشان اعاشر الستات واعرف اصرف على عيالي فلوس ۏسخة وتقوليلي ليه اصل انا مش چيفارا يعني وحتى لو كنت چيفارا يعني هو چيفارا كانت آخرته إيه لا لا لا غلط غلط يا منال انتي اخترتي حياتك
وعيشتيها وخدتي حقك من زمان وراجعة دلوقتي تفتكري أن ليكي بقية حق لسه مخدتيهوش انتي عايزة تاخدي كل الحاجة الحب والجواز والاستقرار والفلوس والحياة المرتاحة وانا مخدتش اي حاجة
طلباتك يا فؤاد
أيواااا هو دا الكلام طلباتك يا فؤاد الجملة دي جاتلي متأخرة سنين بس معلش المهم اني سمعتها وانا لسه عايش كان عندي احساس أن اللي زيي مبيتقالوش نفسك في ايه غير قبل ما يتعدم بخمس دقايق عالعموم انا برضو مش طماع يا منال انا عايز مبلغ معقول أأمن بيه مستقبل ولادي انا عندي خمس عيال والسادس جاي في الطريق اصل مراتي شكلها كدا والله اعلم حامل شايف عليها اعراض
يعني اورطة عيال بعيد عنك ومصاريف مبتخلصش مش العيال دول برضو يا منال كان هيبقى مركزهم أحسن من كدا لو كانوا ولاد أستاذ في كلية الآداب وللا لما يطلعوا ولاد سواق تاكسي انا راضي ذمتك انتي بقى واللي تحكمي بيه..
عااايز كام يا فؤاد انا سألتك بلاش مساومات لانها كفيلة ترخص أي حد في نظري بلاش انت بالذات ترخص
ههههههههههه بلاش انا ارخص يا شيخة قولي كلام غير دا دي كل حاجة في البلد بتغلى الا انا واللي زيي طلعي دفتر شيكاتك يا موني.. الله هو دا بقى دفتر الشيكات اللي
بيقولوا عليه والله طول عمري اسمع عنه في افلام السيما اول مرة اشوفه لا وانتي شايلاه معاكي على طول ما شاء الله اهو برضو الأمر ميسلمش تحبي تشتري بني آدم تبيعي بني آدم تشتري حلم تبيعي حلم وميكونش معاكي فلوس كاش تكتبي شيك على طول خدي بقى القلم دا
اكتبي بيه الشيك عشان عايز احتفظ بيه بعد ما تخلصي اصل دا اغلى قلم في حياتي بعد الألم اللي خدته منك على وشي اكتبي يا منال.. اكتبي..
اكتب كام
اكتبي واحد ونتكلم مع بعض في الأصفار نحط كام صفر يا موني..
لآخر مرة بقولك انا مش هفاصل معاك في سعر كرامتي الشيك معاك اهو ممضي على بياض اكتب اللي انت عايزه بس بعدها لازم تختفي من حياتي خالص لإني مش طايقة اشوفك..
وانا زي ما قولتلك مش طماع انا عايز خمس تصفار بس قدام الواحد دا عشان الحسد بس والله..
لا انت هتاخد خمس اصفار قدام الاتنين هديك ٢٠٠٠٠٠ جنيه دول كل ثروتي فعلا مش عايزة فلوس في ستين داهية الفلوس اللي بتعمل كدا في الناس اتفضل يا افندي ما اشوفش وشك تاني ولو صدفة اتفضل.. 
خرجت من عنده مش شايفة قدامي كنت مڼهارة من العياط مكانش ينفع اروح البيت وانا في الحالة دي ملقيتش مكان اروحه غير شقة نهلة كانت واخدة شقة في الهرم عايشة فيها لوحدها روحتلها وحكيتلها كل حاجة اترميت في حضنها كنت محتاجة الحضن دا اوي اول مرة احس ان نهلة حنينة بالشكل دا عملتلي عصير ليمون وقالتلي لازم نهدا ونفكر المشكلة ما اتحلتش باللي انتي عملتيه المشكلة بدأت مش بعيد يستحلا اللعبة وينطلك كل يومين عشان يبتزك انتي كدا استقرارك النفسي والاجتماعي بقوا في خطړ لازم نتصرف يا منال..
هعمل ايه يا نهلة
الشيك اول حاجة لازم نعملها أننا نوقف صرف الشيك حلو أن النهارده الجمعة والبنك في إجازة دا هيدينا شوية وقت الخطوة


________________________________________

الجاية أن فؤاد دا يختفي
يختفي ازاي يعني يرجع المعټقل تاني
ياريت بس الزمن اتغير خلاص السادات طالعلي بتقليعة جديدة وقال ايه بيهد السجون السجون دي مهمة عشان تلم الأشكال اللي وجودهم برا خطړ وبعدين حتى لو سجناه سكوته مش مضمون اي كلمة هيقولها لاي حد كفيلة تهد حياتك كلها
طب هنعمل ايه يا نهلة 
لازم فؤاد ېموت.. والنهارده
انتي بتقولي ايه يا نهلة هي وصلت للقتل
قدامك حل تاني قوليه حياتك كلها بتتهد قدام عينيكي اهو لو كنتي قولتيلي من اول يوم انك تعرفي فؤاد دا من قبل كدا مكنتش سمحت باللي حصل دا كله حضرتك بقى
اللي حبكت تجددي غراميات زمان بعد ما بقى ليكي بيتك وسمعتك وادي النتيجة اللي آمنتيه على نفسك وعلى سمعتك بيلعب بيكي دلوقتي وبيبتزك طلع كلب سعران والكلاب لما بتتسعر مالهاش غير علاج واحد انتي عارفاه كويس
واللي في بطني اقتل ابوه ازاي
انتي غبية هو انتي مصممة تفضحي نفسك الموضوع دا يتنسي خالص اللي في بطنك دا ابن مصطفى السباعي مش ابن حد تاني انتي فاهمة وفؤاد دا لازم يختفي النهارده مش بكرا كل لحظة بتمر عليه وهو بيتنفس خطړ عليكي وعلى حياتك كلها
طب ازاي يا نهلة ما انا مش قتالة قتلا برضو
مفيش حد بيتولد قاټل فيه ظروف بتجبرنا نعمل كدا ومبتسيبش قدامنا اختيارات وعلى رأي المثل يا روح ما بعدك روح
طب هنعمل ايه
حلو..هقولك بس الاول انتي ليكي حاجة عندي خدي الالم دا اللي كنتي اديتهولي اول ما اقترحت عليكي فكرة انك تنامي مع واحد غير جوزك عشان تخلفي وفي الاخر روحتي رميتي نفسك في حضڼ حبيبك القديم مفيناش شياطيين وملايكة فينا ناس لقت الفرصة وناس لا والالم دا عشان الوقت اللي ضيعتيه وانا بقنعك ان فؤاد لازم ېموت
وفي النهاية قولتيلي هنعمل ايه انتي مقتنعة من اول لحظة ويمكن تكوني فكرتي في كدا من قبل ما اعرض عليكي اصلا وجدالك معايه كله مش اكتر من ترضية لضميرك ترضية ضيعت من وقتنا نص ساعة احنا في أمس الحاجة ليها دلوقتي نقدر نبتدي..
لو فكرنا في الحل التقليدي وفكينا فرامل العربية دا هيأخرنا لحد بعد بكرا لما ينزل يصرف الشيك لانه مستحيل ينزل يشتغل على التاكسي تاني بعد ما بقى معاه المبلغ دا والتأخير دا مش في صالحنا كمان فيه احتمال انه يكون جاب اي سيرة في البيت قدام مراته والقضية تفضل مفتوحة وسرك يفضل عايش بعد مت فؤاد..
والحل
هنأجر حد يدخل البيت بالليل انبوبة البوتاجاز تتنسي مفتوحة عود كبريت يترمي الموضوع كله خلص وخلص بنضافة
بس احنا كدا مش ھنموت فؤاد لوحده احنا ھنموت مراته وولاده
مفيش احنا فيه انتي انا مبقتلش ثانيا بقى لو قدامك حل تاني اعمليه لوحدك من غير ما ترجعيلي
طب هبعت مين يعمل كدا
هجيبلك حد يقدر يقوم بالمهمة دي بس انا كل دوري اني اعرفكم ببعض وبعد كدا منك ليه انا ماليش دعوة
حاضر
بعد ساعتين جابتلي واحد اسمه صبحي صبحي عشم مچرم مشهور ما اعرفش ايه علاقتها بيه اتفقت معاه على كل التفاصيل ودفعتله عربون وقبل الفجر كان تم التنفيذ وجالي قبض بقية فلوسه ومشي وبيت فؤاد ۏلع بكل اللي فيه في اليوم التاني بعت حد يتأكد من الخبر وعرفت ان كل اللي في البيت ماتوا محدش نجي منها..
واتقفلت صفحة فؤاد للأبد او انا كنت فاهمة كدا..
عشت حياتي بشكل طبيعي جدا كنت بخرج وبروح النادي وبعمل شوبينج مصطفى كان مسافر فرنسا وانا كنت عايشة في البيت لوحدي ما انكرش اني من وقت للتاني كنت بفتكر اللي عملته في فؤاد بس كنت اكتسبت مهارة كويسة جدا مهارة تبرير الافعال القڈرة كنت بعرف الاقي المسكن المناسب لكل نوع من انواع ۏجع الضمير..
لحد ما في يوم بعد الحاډثة باربع تيام فؤجئت اني جايلي استدعاء من النيابة..
ولقيت وكيل النيابة بيوجهلي اتهام مباشر پقتل فؤاد..
وانا هقتله ليه انا ايه علاقتي بيه اصلا
انا اللي المفروض اسألك ايه علاقتك بيه
ماليش علاقة بيه
امال كان بيهددك بإيه
مين قال انه كان بيهددني
وهو فيه سبب تاني يخليكي تكتبيله شيك ب 200000 جنيه الشيك دا لقيناه على تابلوه التاكسي مكتوب قبل الحاډثة بيوم واحد
الشيك دا دا تبرع عمل خيري
الله الله يا منال هانم ربنا يكتر من أمثالك تبرع ب 200000 ولشخص واحد على كدا بقى بتعملي ايه مع بقية الفقرا اللي ماليين البلد دا لو كل الأغنيا اللي في البلد بالسخاء دا مكانش بقى فيها فقرا
systm code ad autoads
انا مش هتكلم غير قدام المحامي بتاعي لو سمحت
مدام منال انتي شخصية عامة من عيلة كبيرة وجوزك كمان رجل أعمال كبير يعني مش وش پهدلة لو فيه


________________________________________

نصيحة اقدر اقدمهالك هتبقى انك تقولي الحقيقة وتعترفي بكل حاجة الشيك اللي عليه امضتك دا هيخلي موقفك في
القضية في قمة السوءالشيك دا اصلا هو اللي حطك في خانة الاتهام مش منطقي سيدة مجتمع زيك تربطها أي صلة بسواق تاكسي ومش منطقي اكتر انك تكتبيله شيك بمبلغ زي دا قبل ما ېموت بيوم هو وكل اسرته وقائع الحاډثة بتقول انها كانت مدبرة وتحريات المباحث بتقول ان القتيل كان بتربطه بيكي علاقة قديمة
كان زميلي في الكلية
مش بس كدا عندنا معلومات بتقول ان كان فيه بينكم قصة حب قديمة لقينا عنده جوابات بخط ايدك كانت مبعوتاله ايام الجامعة لحسن الحظ ان الحريقة مطالتهاش كان شايلهم في الساندره مفيش تفسير منطقي يربط كل الخيوط دي ببعضها غير انه حاول يبتزك بالجوابات دي مثلا استجبتي لتهديده وكتبتيله شيك بالمبلغ دا وبعد كدا قررتي تتخلصي منه للأبد بالاستعلام عن حسابك البنكي اتضح لينا ان المبلغ دا هو كل رصيدك في البنك ايه اللي ممكن يخليكي تدفعي كل المبلغ دا لفؤاد الا اذا كان بيهددك بحاجة كبيرة صدقيني يا مدام منال مسألة وقت بس علشان كل حاجة تتكشف الاحسن ليكي تعترفي بكل حاجة جايز اقدر اساعدك الجرايد كتبت عن الحاډثة وبعد ثبوت تورطك فيها هتبقى قضية رأي عام
ارجوك انا مش هتكلم غير في حضور المحامي بتاعي
مين المحامي بتاعك
عاصم البنداري اخويا الكبير
تمام تقدري تتصلي بيه
وكلمت عاصم نص ساعة وجالي النيابة استئذن من وكيل النيابةوقعد معايه على انفراد
انتي يا منال انا مش مصدق نفسي انتي ايه اللي يورطك مع واحد زي دا
مش وقته يا عاصم فيه جواب ټهديد كان باعتهولي قبل ما ېموت الجواب دا انا نسيته في البيت على المكتب لو راحوا البيت وفتشوا ولقيوا الجواب دا انا هلبس القضية رسمي
ششششش وطي صوتك كان بيهددك بإيه يا منال
قولتلك مش وقته يا عاصم ابعت حد عندي البيت ياخد الجواب ارجوك مفيش وقت
حاضر بس انتي لازم تحكيلي كل حاجة يا منال مفيش حد يقدر يخرجك من المصېبة دي غيري ومش من مصلحتك تخبي عليا اي حاجة خالص لو فيه اي تفصيلة انتي شايفاها مش مهمة بالنسبالي انا تفرق كتير اوي اتكلمي واحكيلي كل حاجه
هحكيلك يا عاصم بس اوعدني اللي هقوله يفضل سر بيني وبينك
مش محتاجة تطلبي مني طلب زي دا يا منال انا اخوكي الكبير واظن انتي عارفة طول عمرك ان مفيش حد بېخاف عليكي قدي
وحكيت لعاصم بس محكيتش كل حاجة خۏفت بقى اتكسفت معرفش المهم انه معرفش ان اللي في بطني مش ابن مصطفى كل اللي حكيته اني رجعت اقابل فؤاد تاني من ورا جوزي ومع ان اللي حكيته مش نص الحقيقة الا ان عاصم اټصدم فيا

انا مش مصدق انك عملتي كدا انتي مين انتي منال اختي اختي ايه دا انتي بنتي دا انا مربيكي على ايدي تعملي كل دا انتي عارفة ابوكي لو شم خبر باللي انتي عملتيه دا هيحصله ايه ھيموت فيها يا منال مش كفاية صډمته في نهال اختك اللي قعدته على كرسي متحرك من 15 سنة المرادي مش هيستحمل
ارجوك يا عاصم خرجني من المصېبة دي الاول وبعدين قطمني زي ما انت عايز انشاله حتى تجلدني
ماشي يا منال على العموم متقلقيش انا وصلت لثغرة وانتي بتحكي كدا هنقدر نخرجك بيها من القضية خالص
ايه هي يا عاصم الحقني
الاول هتمضيلي على العقد دا
عقد ايه دا
دا عقد بيع العزبة بتاعة الفيوم اللي بابا كان كتبها باسمك زمان لما قرر يوزع ثروته علينا بالحيا وانتي عارفة وانا عارف ان العزبة دي مش حقي ولا حقك يا منال دي بتاعة نهلة اختك وبابا حرمها من كل حاجة وانا مش هاخد حاجة لنفسي انا هاخد منك العزبة وارجعها لنهلة..
موافقة بس خرجني من الورطة دي انت قولتلي فيه ثغرة ايه هي
اقولك الشيك اللي انتي كتبتيه لفؤاد انتي غلطتي وكتبتي فيه المبلغ بالارقام بس مش بالحروف احنا هنقول ان فؤاد كان جايلك بصفته صديق قديم يطلب منك اعانة وانتي كتبتيله شيك ب 200 جنيه وطلبتي منه ميجيش بيتك تاني وهنجيب كام شاهد على الكلام دا اللي حصل بعد كدا ان فؤاد طمع ولعب في الشيك وغير المبلغ المكتوب.. دي هتقلب القضية كلها...
عاصم يقابل نهلة بعد خروجه من النيابة على الطريق الصحراوي
انا نفذت اتفاقي ورجعتلك عزبتك اهو نفذي بقى اتفاقك انتي كمان
لكن قوليلي يا نهلة ازاي قدرتي تعملي كل دا
انت كبيرنا الذي علمنا السحر يا أستاذ عاصم انت ناسي وبعدين ما انت اللي خططت لكل حاجة فكرة اني اقنع منال انها تحمل من راجل غير جوزها واختيارك لفؤاد تحديدا


________________________________________

عشان نحطه في حياة منال تاني وفكرة ابتزازها بالصور كل دا كان تخطيطك وانا يا دوب بنفذ
دا تواضع منك يا نهلة انا صحيح خططت لكن تنفيذ كل دا مكانش سهل ازاي قدرتي تقنعي منال بالفكرة المچنونة دي وازاي قدرتي بعد كدا تقنعي فؤاد انك تستخدميه بالطريقة دي فؤاد اللي سنين المعټقل والپهدلة منسيتهوش حبه لمنال ازاي قدرتي في قعدة واحدة تقنعيه يعمل كل دا وازاي قدرتي تقنعي منال تتحول لقاټلة وتقتل مين ټقتل فؤاد
انا ما خلقتش حاجة من العدم مخلقتش الذنب جوا حد ما اخترعتش الخطيئة البذور كانت موجودة جواهم انا يادوب رويتها بذور الخېانة كانت موجودة جوا منال اللي طول الوقت بتخدع نفسها بكدبة حبها لمصطفى هي في الحقيقة عمرها ما حبت مصطفى هي كانت بتحب فلوسه ومركزه المالي والاجتماعي لما جاتلها الفرصة اللي تقدر
تخرج فيها كبتها النفسي كان لازم الفرصة دي تكون مغلفة بالاضطرار علشان تفضل حاسة انها ضحېة افضل طريقة تقنع بيها حد يكون ظالم انك تقنعه طول الوقت انه مظلوم وانه مش اكتر من رد فعل للي حواليه ودا اللي عملته مع فؤاد لعبت على وتر التمن اللي دفعه لوحده من غير مقابل هيئته نفسيا لاي رد فعل هيحافظ بيه على اللي فاضل من حياته وحياة ولاده فقبل يلعب معانا نفس اللعبة كررتها مع منال فحولتها لقاټلة الشړ جواكم يا عاصم بس انتو محتاجين ابليس دايما تشيلوه ذنوبكم وتعلقوا على كتفه فوطكم الۏسخة..
انتي شيطانة يا نهلة
وانت مش ملاك يا عاصم تقدر تقولي ليه وافقت تعمل كل دا في منال اللي عمرها ما أذتك وكانت بتعتبرك طول الوقت ابوها مش اخوها
عشان ارجعلك حقك
حقي اتوزع عليكو كلكم انت ومنال ومنتصر ليه قررت اني اخد حقي من منال لوحدها لما انت حقاني كدا ليه ما اتنازلتليش عن نصيبي في ثروتك
انتي صح يا نهلة وفاهمة كل حاجة ودا عيب خطېر وعلشان كدا انا مش هتناقش معاكي في حاجه خلينا في شغلنا هتعملي ايه مع منتصر
انت مش اللي يهمك انك تقعد على كرسي البرلمان بدل منتصر انت شايف انك أحق منه انت الابن الكبير المستقيم عامود الخيمة وحجر الزاوية انت وريث مملكة عبد اللطيف البنداري انتخابات مجلس النواب قربت وانت رجعتلي عزبة الفيوم وجه دوري عشان انفذ اتفاقي معاك واخدلك كرسي المجلس من منتصر مش هو دا المطلوب..
لاااا انتي يا غلطانة يا بتنسي مش بس كرسي العرش في مملكة عبد اللطيف البنداري لا كمان كرسي العرش في مملكة مصطفى السباعي دا كان اتفاقنا
طب ودي هعملها ازاي
انتي ناسية اننا معانا صور ڤاضحة لمنال وريني هتلعبي على الوتر دا ازاي
الاول نخلص من منتصر وبعدين منال كدا كدا بقت في قبضتي
وهتخلصيني من منتصر ازاي هتقتليه
انت عارف اني مبقتلش انا ليا طريقة واحدة في اللعب ومبغيرهاش باخد ايدك واحطها على المناطق الضلمة في نفسيتك وانت بتكمل لوحدك
منتصر مش سهل
وانا نهلة وللا متعرفنيش
قوليلي يا نهلة انتي ممكن في يوم تلعبي معايه نفس اللعبة
لو مصلحتي مبقتش معاك اكيد يا عاصم
انا كدا اطمنت تقدري تبتدي شغلك بس فيه حاجة مهمة لازم تعرفيها قبل ما تعملي حاجة مع منتصر تقدري تعتبري اللي هقوله دا معايير الأمان والسلامة بس دا سر تمنه حياتك كلها..
سر ايه يا عاصم اللي تمنه حياتي اوعى تكون عايز تعترفلي ان فيه علاقة بينك وبين ثريا مراة اخوك
انتي عرفتي الكلام دا منين
هو انت مصدق ان دا سر فعلا انت لو عارف فعلا انه سر مكنتش قلته دلوقتي قدامي
انا مصډوم
لا انت مش مصډوم يا عاصم ولا حاجة انت عارف كويس اني شامة ريحة اللي بينك وبين ثريا ومش من دلوقتي من اول ما رجعت من أمريكا نظراتكو مكانتش نظرات واحد لمراة اخوه طريقة كلامكم وهزاركم
كنا مفضوحين
بالعكس كنتو متحفظين اكتر من اللازم كلامكم رسمي نظراتكم حريصة دا في حد ذاته ڤضيحة يا عاصم يا عاصم يا حبيبي لازم تكون فاهم ان الشقة اللي عليها 14 قفل هي اكتر مكان ملفت للحرامية لما بتبالغ في محاولة اخفاء شيء انت في الحقيقة بتظهره من غير ما تقصد دا انت راجل محامي كبير والمفروض الكلام دا في صميم تخصصك عيب انا اللي افهمهولك حاول تتعامل مع ثريا بشكل طبيعي على الأقل قدام الناس حاول تنسى ان فيه حاجة خاصة بينك وبينها..
انتي بقيتي كدا امتى
انت كنت بتعملي اختبار عايز تتأكد انا عارفة حاجة وللا لأ بس اطمن اظن منتصر لسه ميعرفش حاجه دايما الزوج اخر من يعلم
طب حيث انك عارفة كل حاجه يا نهلة احب اعرف المعلومة دي هتفيدنا في حكاية البرلمان
لا


________________________________________

يا متر انا مبلعبش على ملف الفضايح دا دا شغل رخيص تعملوه انتو يا بتوع السياسة وبعدين دي ڤضيحة ليك انت مش لمنتصر انسى الحكاية دي خالص يا عاصم وركز معايه في اللي هقوله
قولي يا بروفيسورة قولي واتحفيني
لازم تغير جلدك يا عاصم
ازاي
الدين يا عاصم الدين أفيون الشعوب زي ما قال كارل ماركس انا عمري ما كنت ماركسية بس مؤمنة بالمقولة دي اوي اسهل طريقة تسيطر بيها على عقول الناس انك تقنعهم بإنك مندوب ربنا في الأرض ساعتها كل حرف بتقوله لازم يتصدق الناس هتثق فيك وهي مغمضة وانت لازم تغير صورتك القديمة خلاص الشعارات الاشتراكية بتاعة الستينات دي فات زمنها دلوقتي السادات بيخرج الاسلاميين من جحورهم علشان يضرب بيهم الشيوعيين والناصريين اللي ملوا البلد لازم تستفيد من الموجة دي قبل ما تنتهي
يعني عايزاني اعمل ايه اربي دقني
لا عايزة اسمك يلمع مع جم١عة اسلامية نشطة زي الاخوان المسلمين مثلا محدش غيرهم دلوقتى على الساحة قادر يحشد جمهور على الارض اتوقع ان النظام هيصالح الاخوان الفترة الجاية بكام كرسي في المجلس في مقابل انهم يلعبوا دور القط اللي بيلم الفيران من الشقة دي لعبة قديمة الحكومة بتلعبها معاهم من ايام الملك دي فرصتك علشان تكون معاهم هما دلوقتي محتاجينك محتاجين اسمك واسم عيلتك افتح مكتبك ليهم شباب الاخوان فيهم معتقلين كتير على ذمة قضايا سياسية وعاجلا او اجلا الحكومة هتتصالح معاهم وهيخرجوا قدم انت السبت علشان تلاقي الحد..
انتي كمان بقيتي بتفهمي في السياسة كويس اوي بس فيه حاجة انتي ناسياها منتصر مش معتمد على الناس مش متغطي بالناخبين معتصم بيدخل المجلس بمباركة ابوكي عبد اللطيف البنداري لازم الغطا دا يتكشف قبل اي حاجة..
اللي انا طلبته منك يا عاصم الجزء اللي يخصك بس اما حكاية اننا نطرد منتصر من جنة ابوك فدي لعبتي انا وانا عارفة هلعبها ازاي بس الاول محتاجين نتكلم في الأتعاب..
طب ما انتي خدتي عزبة الفيوم
عزبة ايه يا راجل دا انا هجيبلك كرسي البرلمان يعني هجيبلك الحصانة والحصانة دي هترفع عمولتك في صفقات الأثار اللي بتشتغل فيها لل 3 اضعاف بدل ما انت مجرد وسيط بتوصل البايع بالمشتري وتاخد عمولة هتنقل قطع اثرية برا مصر وهتاخد نسبة انت هتبقى vip يا عاصم وانت عارف اكتر مني هتقدر تستفيد ازاي من عضوية المجلس وللا تكونش عايز تقنعني انك داخل المجلس عشان تخدم اهل الدايرة
انا مبقتش استغرب انتي بقيتي شيطانة
ما قولتلك يا عاصم مفيناش شياطين وملايكة اعمل اللي قولتلك عليه وسيبني اتصرف مع منتصر
طب ومنال
سيب منال دلوقتي كفاية اللي خدناه منها منال دلوقتي اتضغطت وكتر الضغط يولد الانفجار لو لعبنا معاها نفس لعبة الابتزاز هتهد المعبد فوق دماغ الكل سيبها تخرج من السچن وتنسى التجربة دي خالص وتقدر تبدأ من الصفر وساعتها انا هعرف ازاي ارجعلك الشركة اللي مصطفى ضحك على بابا في هوجة التأميم اللي عملها عبد الناصر وخدها منه بس ساعتها انا شريكتك بالنص..
اتفقنا يا نهلة انا لازم امشي دلوقتي عندي شغل كتير في المكتب
اوكيه يا متر مع السلامة.. عاصم
نعم
تعمل ايه لو عرفت ان كل الحوار اللي دار بيني وبينك دلوقتي متسجل وهيوصل لبابا ولمنتصر
عاصم
نعم
تعمل ايه لو قولتلك ان الحوار اللي دار بيني وبينك دا كله متسجل وهيوصل لمنتصر 
ولا حاجة خبر ينزل في جرايد بكرا الصبح بالمانشيت العريض اختفاء الدكتورة نهلة البنداري كريمة رجل الأعمال عبد اللطيف البنداري في ظروف غامضة
طب الحمد لله طمنتني هيكتبوا اختفاء مش مصرع
لا لا ساعتها المت بالنسبالك هيبقى أمنية غالية اوي
يا ساتر يا عاصم دا أنت قلبك اسود اوي يا أخي ليه كدا دا احنا حتى اخوات
ها ها ها كان فيه حكاية سمعتها زمان بيقولك اتنين كانوا تايهين في الصحرا ومعاهم حمار الحمار م١ت منهم في الطريق ډفنوه بعد فترة فيه ناس لقيوهم سألوهم عن القپر دا بتاع مين قالوا دا بتاع سيدنا الناس بنوا قبة فوق القپر واتحول ضريح والناس بقت تيجي تتبارك بيه وتحط اللي فيه النصيب جوا الصندوق وآخر الليل الاتنين الأخوات دول يفتحوا الصندوق وياخدوا اللي فيه في يوم واحد فيهم طمع ومرضاش يقسم مع أخوه وقاله لا دي فلوس سيدنا الولي تعرفي أخوه قاله ايه 
ايه 
قاله يا راجل عيب دا احنا دافنينه سوا سلام ياااا بنت ابويا..
في النيابة 
نهلة شوفتي اللي حصلي يا نهلة أنا اتبهدلت أنا يجرالي كل دا أنا منال البنداري اترمي في السچن..
اجمدي يا منال مش عايزاكي ضعيفة قوليلي بيعاملوكي هنا ازاي
بصراحة وكيل النيابة راجل ذوق جدا عارف أن أنا بنت ناس ومش


________________________________________

وش پهدلة بيخليني أبات في أوضة بعيد عن الحجز بس أنا خاېفة اوي يا نهلة خاېفة يعدموني ومصطفى مصطفى لما يرجع من السفر ويعرف المصېبة دي هيعمل ايه 
مصطفى مش هيعمل أي حاجة متبقيش عبيطة مصطفى انتي هتجبيله بيبي عمره ما يقدر يفرط فيكي المهم قوليلي عاصم عمل معاكي ايه
عاصم.. ربنا يباركله هو اللي واقف جنبي في المصېبة اللي أنا فيها دي منتصر اخوكي مسألش عني لحد دلوقتي ولا كإنه ليه أخت لكن عاصم عاصم دا ابويا مش اخويا
انتي هتقوليلي أنا مرة ضربتك قلمين على وشك يا منال فاكراهم أنا ساعتها كنت فاهمة ان الالمين دول هيفوقوكي لكن يظهر ان مفيش فايدة فيكي يا منال عمرك ما هتفوقي
ليه بتقولي كدا يا نهلة على عاصم دا حتى عاصم مخدش مني حاجة لنفسه عاصم جابلي عقد بيع عزبة الفيوم والعقد كان باسمك مش عيب كدا يا نهلة تستغلي الضيقة اللي أنا فيها وتاخدي مني العزبة طب كنتي قولتيلي انك عايزاها وأنا كنت اديتهالك..
وانتي فاكرة ان أنا جايالك عشان اجيبلك عيش وحلاوة وللا ايه اتفضلي يا اختي
ايه دا
دا عقد العزبة اللي عاصم مضاكي عليه خدي قطعيه بايدك وارميه في الژبالة
يعني ايه الكلام دا مش فاهمة 
أنا عمري ما بصيت للفلوس ولا كان ليها عندي تمن وانتي عارفة دا كويس واظن أنا لو كنت بهتم بالفلوس مكنتش وقفت زمان في وش ابوكي وكان زمان نصيبي كله في جيبي دلوقتي..
امال ليه طلبتي من عاصم العزبة
طلبت من عاصم حقي تحويشة سنين الغربة اديتهاله يشغلهالي معاه في البورصة كنت محتاجة فلوس أفتح بيها مستشفى ولادة كبير عاصم خد الفلوس ورجعلي بعد فترة يقولي الأسهم اتضربت واضطريت ابيع بربع التمن يعني من الآخر مالكيش فلوس أنا في الأول سكت لكن لما عرفت بعد كدا أن الاسهم كسبانة قلبت الترابيزة فوق دماغه قالي اديني مهلة شهر وفلوسك هترجعلك بأرباحها 
لحد ما لقيته داخل عليا بعقد العزبة بتاعة الفيوم وعرفت انه عمل معاكي الحركة الدنيئة دي جيبتلك العقد عشان عارفة انك اكيد هتفهمي غلط أنا عمري ما كنت بتاعة فلوس يا منال
عاصم يعمل كدا أنا مش مصدقة
ليه هو عاصم كان بيحبك اكتر من فؤاد 
على رأيك يظهر ان الدنيا مبقاش فيها أمان
مين قال الدنيا مليانة خير وناس مخلصين أنا مثلا أختك الوحيدة وعمري ما اتمنيتلك حاجة وحشة ولا فرق معايه انك زمان كنتي فرحانة أن بابا طردني عشان نصيبي من التركة هيتوزع عليكو وهينوبك من الحب جانب..
أنا طب والله العظيم..
من غير حلفاااان من غير حلفان يا منال احنا مش جايين نتحاسب دلوقتي اللي فات م١ت وانتي برضو ساعتها كنتي لسه صغيرة وطايشة أنا دلوقتي جايالك عشان حاجة تانية خالص لازم تسمعي اللي هقولهولك دا وتركزي فيه كويس اوي..
في فيلا منتصر البنداري بالزمالك 
إزيك يا ثريا عاملة ايه
إزيك يا نهلة واحشانا
يا شيخة كنتي سألتي عليا
مشاغل بقى انتي عارفة البيت والأولاد
هما فين العفاريت دول صحيح مش ييجوا يسلموا على عمتو
آه ثواني يا رؤوف يا إنچي تعالوا سلموا على تانت نهلة..
إزيك يا چيچي كبرتي وبقيتي قمر طالعة لمامي بالظبط يا حبيبتي طول عمرها معقدانا بجمالها
ازاي بقى واحنا هنروح جنبك فين
إزيك يا أوووفة واحشني يا ولد لا الصراحة يا ثريا رؤوف مش واخد منك حاجة خالص..
آه فعلا كله باباه..
باباه مين منتصر لا لا مالكيش حق دا كله عمه عاصم خير خير دلق القهوة خير
يا فتحية فتحياااااااة
نعمين يا ستي..
تعالي نضفي القهوة دي بسرعة يا فتحية اعمليلك همة شوية
حاضر يا ستي
رؤوف انچي مش خلاص سلمتوا على عمتو يالا على اوضكم كملوا مذاكرة
ايه يا ثريا مالك عصبية ليه كدا
أنا مش عصبية ولا حاجة قوليلي يا نهلة انتي كنتي جاية تشوفي الولاد اصلا 
ما انكرش انهم وحشوني بس الحقيقة أنا كنت جاية لمنتصر كنت عايزاه في موضوع بس مش عارفة اتأخر ليه أوي كدا أهو جه اهو
وأنا أقول الدنيا منورة ليه إزيك يا دكتورة
إزيك يا سيادة النائب ايه التأخير دا كله
كنت عامل طلب إحاطة للوزير بتاعك النهارده طلعت عينه على المهازل اللي بنشوفها في المستشفيات الحكومي
خف شوية على الوزرا يا عم منتصر هو مفيش نواب غيرك في المجلس
وهما الناس اختاروني ليه
يعني انت عايز تفهمني انك فارق معاك الناس أوي يا منتصر مش على ماما الكلام دا
جرى ايه يا نهلة انتي جاية تشككي في نزاهتي وللا ايه
يا عم بلاش الكلام الكبير دا أنت مش في مؤتمر جماهيري وبعدين احضرينا يا ثريا هو مين


________________________________________

الأولى بالإحسان أهل الدايرة وللا اخته اللي مرمية في السچن منال زعلانة منك اوي يا منتصر..
ولا اختي ولا أعرفها أنا راجل بتاع سياسة ومش هبوظ سمعتي عشان الست هانم وفضايحها
ما هو عشان انت راجل سياسة يا باشمهندس لازم تحسبها بالورقة والقلم لو أختك دي خدت حكم مشدد وللا مخفف في قضية قتل أنت وضعك هيبقى ايه في المجلس الانتخابات على الأبواب يا منتصر وفيه ناس بتستغل مشكلة منال أختك أسوأ استغلال
ناس ناس مين
مش حد غريب أخوك عاصم واقف في ضهر منال وشايل قضيتها مجانا
مجانا عاصم بيعمل حاجة مجانا
ما هو دا اللي أنا جايالك علشانه عاصم نازل قصادك في انتخابات البرلمان
انتي بتقولي ايه عاصم ومن امتى وعاصم بيهتم بالسياسة اصلا
اللي ليه في الديرتي بيزنس ليه في أي حاجة وخصوصا السياسة واظن أنت عارف أن عاصم أخوك مبيشتغلش مستورد سبح
طب ما يدخل الانتخابات ولا يهمني
غلط لازم يهمك عاصم نازل بتقله وكلام في سرك عرف يحط ابوك في جيبه اشتراه بموقفه مع منال وبقى في نظره هو الابن الكبير اللي بيحافظ على اسم العيلة مش قولتلك الموقف اللي عملته مع منال مكانش موفق دلوقتي عاصم بقى مسنود بابوك واسمه من ناحية وبمنال وفلوسها من الناحية التانية
ولا يهمني أنا نائب الدايرة دي بقالي 15 سنة والناس متعرفش حد غيري
جرى ايه يا عم منتصر ما بلاش فتحة الصدر دي أنت راجل سياسي حتى وبعدين ناس مين اللي بتراهن عليهم دول الناس دي يا حبيبي بتبيع ضميرها بعلبة سمنه ركز معايا يا منتصر عشان تنتصر..
قولي يا نهلة
أنت تنزل الانتخابات قدام عاصم عادي جدا بس تخسرله
نعم اخسرله ازاي يعني هي برتيتة قمار 
جرى ايه يا منتصر هو أنا اللي هقولك ازاي خف ايدك في الصرف شوية يا سيدي أو متصرفش خالص ووفر فلوسك المهم انك تسيب عاصم يكسبك
يا سلام وأنا ابقى استفدت ايه كدا ما هو دا اللي عاصم عايزه
لا هتستفيد كتير ومحدش يقعد على كرسيك في المجلس غيرك ومتسألنيش ازاي نفذ اللي بقولك عليه من سكات اتفقنا 
خلينا وراكي للآخر لما نشوف
هتشوف استئذن أنا بقى عشان عندي عيادة دلوقتي ابقى بوسلي الولاد عشان ملحقتش ابوسهم قال ايه يا سيدي ثريا اتقمصت مني عشان بقولها أن رؤوف ابنكو شبه عمه عاصم طب بذمتك أنت يا منتصر مش شبه عاصم يالا تصبحوا على خير
بقولك ايه يا نهلة انتي ليه واخده صفي أنا ضد عاصم مع أن عاصم موقفه اقوى وانتي طول عمرك يعني بتحبي تشجعي الكسبان
كنت هزعل منك أوي لو مكنتش سألت السؤال دا
مش هتقوليلي طبعا عشان أنا طيب وانتي بتحبيني اكتر من عاصم
اكيد لا بس أنت هترجعلي نصيبي من تركة بابا اللي أنت خدته زمان بس مش دلوقتي بعد ما تدخل المجلس
طب مالعبتيهاش مع عاصم ليه
ما أنت لسه قايل عاصم كسبان بيا أو من غيري يعني مش محتاجني لكن أنت محتاجني سلام اااه ثريا عايزة اقولك حاجة من ساعة ما دخلت لون شعرك مش لايق خالص ابقي عدي عليا بكرا الساعة خمسة اغيرلك لونه عندي صبغة جاية من باريس تحفة بس اوعي تتأخري عليا لاحسن ازعل منك وأنا زعلي وحش اوي باي باي
تهمس في أذن ثريا 
طبعا يا حبيبتي مش محتاجة افكرك لو عاصم عرف حرف من اللي اتقال هنا دلوقتي أنا هنفخك.. باي..
يا اهلا يا اهلا بمراة اخويا الغالي أهلا بحرم سيادة النائب المحترم
اؤمريني يا نهلة
دكتورة نهلة طالما هأمرك مبقاش نهلة بس عارفة يا ثريا طول عمري بحب الدور دا أوي بحب ادي أوامر واللي حواليا ينفذوا دا مش تسلط مني ولا حاجة بس دا لإني أذكى منكم كلكم وأحسن منكم كلكم مش هقولك انتو من طينة وأنا من طينة تانية هو acctuly انتو من طينة وأنا مش من طينة اصلا يالا خلينا في المهم عشان وقتي زحمة جدا تشربي ايه ياااا مراة اخويا 
مش عايزة
لا دي مش ضيافة دا بروتوكول طالما ډخلتي مملكتي يبقى لازم تشربي من كاسي يا ثريا عندي واين سحر تعتيق قديم أوي أقدم تعتيق عرفته البشرية تقريبا أصلي زي ما تقولي كدا عندي هواية تجميع الخمور المتعتقة جبت حاجات متعتقة بقالها 50 سنة و سنة وتخيلي 120 سنة لكن الصنف دا بقى اقدمهم كلهم اللي يدخل مملكتي لازم ياخد منه كاس خدي كاسك يا ثريا
ايه دا طعمه غريب أوي اسمه ايه الصنف دا ياااا يا دكتورة
هاهاها لا خلاص ما دام شربتي من كاسي مفيش مانع تقوليلي يا نهلة بس عشان تعرفي اني مش مغرورة زي ما الناس بيقولوا عني الصنف


________________________________________

دا بقى يا ستي وما ستك إلا أنا اسمه غريب شويتين اسمه الخطيئة الأولى
اسمه غريب فعلا
دا حقيقي بس تفتكري يا ثريا ايه هي الخطيئة الأولى 
والله اللي أنا أعرفه واللي كلنا اتربينا عليه ان الخطيئة الأولى هي الكبر لما إبليس رفض يسجد لآدم
حمير وأنا هستغرب ليه ما انتي لسه قايلة بلسانك اهو ان الكلام دا انتو اتربيتوا عليه يعني اتحشا جوا عقولكم مفكرتوش حتى تناقشوه بينكم وبين نفسكم
امال انتي بقى شايفة ايه هي الخطيئة الأولى لو مكانتش خطيئة إبليس
هو إبليس رفض يسجد ليه 
علشان كان شايف انه افضل من آدم
وليه ميكونش فعلا افضل من آدم موجود في الدنيا قبله وبيعبد ربنا قبله ومخلوق من خامة أرقى منه
اكيد ربنا علمه أوسع وأشمل من علم إبليس
اااااه تبقى الخطيئة الأولى هي كبر ربنا مش كبر إبليس
والأفكار الإلحادية دي بقى هي السبب في طردك من البيت زمان أنا محضرتش التاريخ دا بس اتحكالي
اتحكالك وانتو دايما كدا عبيد الرواية الرسمية أنا عمري ما كنت ملحدة زي ما كلكم فاهمين أنا مؤمنة بالله اكتر منكم كلكم أعرفه كويس اوي كل ما في الأمر اني فاهمة اكتر منكم متمردة مش عايزة انضم للقطيع اللي انتو متساقين جواه أنا الوحيدة اللي قدرت أقف في وش عبد اللطيف البنداري في عز قوته عارضته جوا دولته وقلت لا في وشه بعلو الصوت ودفعت تمن دا غالي أوي لعڼة لسه بتطاردني لحد النهارده عبد اللطيف البنداري غبي مفهمش اني الوحيدة في ولاده اللي بحبه بجد بحبه مش خاېفة
منه ولا طمعانة فيه عمره ما هيصدق بعد ما طردني من بيته اني كنت بروح كل يوم أقف قدام بوابة القصر واشوفه من بعيد وهو بيقرا الجرنان في الجنينة الخطيئة الأولى عملها عبد اللطيف البنداري لما قسم ثروته على ولاده وسلم مفاتيح الحكم لأصغرهم واضعفهم 
منتصر مش صغير ومش ضعيف
بتدافعي عنه أوي ليه كدا بتحبيه 
طبعا مش جوزي أبو ولادي
غلط كلكم حمير بتتكلموا عن الحب وانتو متعرفوش عنه حاجة آدم قال انه بيحب ربنا بس في الحقيقة هو طمعان في الجنة وخاېف من الڼار وولاد البنداري قالوا انهم بيحبوا ابوهم وهما في الحقيقة طمعانين في جنته وخايفين من ناره ومنال قالت إنها بتحب مصطفى وهي بتحب ثروته وسلطته وفؤاد كان بيقول انه بيحب منال وهو نفسه يرتقي طبقيا نفسه يركب المكيف وانتي دلوقتي بتقولي انك
بتحبي منتصر علشان جوزك وأبو ولادك حب مرتبط بسبب يزول بزوال السبب لكن انتي لو كنتي فاهمة يعني ايه حب كنتي عرفتي انه لعڼة لعڼة مفيش منها هروب اول حد اتعلن بيها في الوجود كله هو إبليس إبليس اللي حب من غير طمع ولا خوف والدليل على كلامي دا انك بتنامي في حضڼ جوزك بالليل وتنامي في حضڼ أخوه بالنهار
ايه التخريف اللي انتي بت....
أنا مبخرفش انتي داخلة بيتي دلوقتي على رجليكي عشان تقدميلي فروض الولاء والطاعة لأنك اعترفتي بينك وبين نفسك اني أقوى منك كفاية كبر وغرور كداب بقى واذا كنتي شايفة اني بخرف زي ما بتقولي تقدري تخرجي من هنا دلوقتي ومترجعيش تاني.. متخرجي قاعدة ليه شوفتي بقى محدش بيهرب من الحقيقة قوليلي يا ثريا انتي بتقابلي عاصم فين..
في شقة هو واخدهالي في العجوزة..
شقة العجوزة ممممممم عظيم أوي معاكي مفاتيحها طبعا
أيوه
هايل شايفة حتة الصلصال دي عايزاكي تطبعي عليها مفتاح شقة العجوزة
انتي ناوية على ايه بالظبط يا نهلة 
مش شغلك انتي تنفذي بس شايفة بقى حتة الصلصال الفاضية دي تشيليها في شنطتك وتجيلي يوم الخميس في نفس الميعاد دا وهي معاكي وعليها نقشة مفتاح المكتب بتاع عاصم واكيد مش محتاجة اشرحلك هتعملي دا ازاي يالا اطلعي برا عشان مستنية حد أهم منك..
حاضر
استني خدي الصبغة اللي كنتي جاية علشانها جايز منتصر ميسألكيش عنها بس اكيد مش هيطمن لو مشافهاش برااا..
تخرج ثريا بعد قليل تدخل امرأة خمسينية جميلة ترتدي فراء اسود فخم وقبعة ذات شباك شفافة تتدلى فوق وجهها بمجرد أن تدخل تنحني أمام نهلة وتمسك بيدها وتقبلها باحترام شديد 
اقعدي يا مديحة خدي كاسك
الخطيئة الأولى برضو 
لا دا بيتشرب منه مرة واحدة بس الواين دا اسمه لعڼة الحب اشربي يا مديحة وقوليلي فكرتي في اللي قولتلك عليه
فكرت بس.. صعب صعب أوي
وأنا مقدرة صعوبته يا مديحة وعشان كدا انتي الوحيدة اللي اديتك اوبشن التفكير بس برضو للصبر حدود
أنا عارفة بس انا عمري ما اتخيلت اعمل كدا
طب ما انتي بتسرقي جوزك يا مديحة الصفقات اللي بتعمليها من ورا ضهره دي ايه والشركات اللي كتبها باسمك عشان الضرايب وانتي مقلبة


________________________________________

ارباحها اول باول ومحولاها على حسابك في البنك
الحكاية مش كدا بالظبط بس انتي عارفة اني مبقيتش صغيرة
قومي اقفي
حاضر
خففي من هدومك
حاضر
لا لا مش البالطو كله
أمرك
لفي.. عظيم تقدري تقعدي لا لا متلبسيش هدومك دلوقتي انتي حلوة يا مديحة محافظة على جمالك ورشاقتك هتعجبيه أوي أنا عارفة اخويا كويس..
انتي عارفة منتصر أصغر مني بكام سنة عشرين سنة دا أبني
دي حاجة في صفك كل راجل بيحتاج لست اكبر منه في التجربة والحكمة دا بيحسسه بالأمان اكتر كل راجل تقريبا بيدور على عشيقة وأم في نفس الوقت وانتي هتدخليله من شباك أنا فتحته جواه بإيدي
شباك ايه 
حقده على عاصم اوطى حتة في النفس البشرية مش هيلاقي طريقة يثبت بيها لنفسه تفوقه على أخوه اكتر من إنه يشاركه في مراته..
مديحة مراتي ازاي يعني انتي بدأتي تخرفي يا نهلة وللا بتقولي اي كلام تنقذي بيه رقبتك
نهلة عمرها ما كانت بتقول أي كلام فوق لنفسك يا متر مراتك مرافقة أخوك وهي اللي كانت بتسجلك وهي اللي وقعتك الصور دي اتصورت في أوضة نوم منتصر شوف مين اللي قاعده على رجله دي يمكن تكون بتشبه عليها ولا حاجة مراتك رفعت عليك قضية حجر يا أستاذ هي وولادك وقالوا انك سفيه وبتبدد ثروتك في كلام فارغ وصفقات
مشپوهة واستعانوا بناس كتير من اللي انت وزعت عليهم فلوس في الانتخابات وانت محامي وفاهم كويس اوي القضايا اللي انت متهم فيها دي هتخلي موقفك عامل ازاي في قضية الحجر انت انتهيت يا أستاذ عاصم واللي خلصوا عليك هما أقرب ناس ليك ولادك وأخواتك ومراتك بس متخافش الحل عندي وعندي أنا بس
ودي هتحليها ازاي يا نهلة 
دا شغلي مش شغلك أنت وهتعرف كل حاجة في الزيارة الجاية سلام يا متر..
في شقة نهلة 
أنا مش فاهم ايه الصور الغريبة اللي على الحيطان عندك دي ليه كلها سواد ودم
أصلي غاوية فن تشكيلي
وهو الفن التشكيلي مفيهوش غير المناظر الدموية دي
وانت ليه محسسني انك كمنجاتي دا أنت سفاح يا مجدي انت كنت أشهر ظابط في الستينات م١ت على ايده مساجين من كتر الټعذيب
إشاعات والله يا نهلة انتي عارفة الصحافة في بلدنا بتحب التهويل
إشاعات برضو طب واللي عملته في فؤاد الشيمي أظن دا بقى واقع أنا شخصيا شوفته واتعاملت معاه
الله جرى ايه يا نهلة انتي قلبك هيحن وللا ايه مش انتي اللي كلمتيني يومها وقولتيلي فؤاد يطلعله أمر اعتقال وقعدنا في نفس الشقة دي اللي مغيرهاش الزمن وطلبتي مني..
أمرتك.. أمرتك يا مجدي أنا سيبتك تقولي يا نهلة بمزاجي بس انت دلوقتي في مملكتي وأنا مبطلبش من حد حاجة أنا بدي أوامر
تمام يا افندم وساعتها أمرتيني اعرض فؤاد للتعذيب الممنهج بحيث انه يخرج من السچن نفسيته بايظة تماما ومجهز لأي دور هيتحط فيه بالمناسبة يا ترى فؤاد قام بالدور اللي كنتي راسماه بعد كل دا وللا تعبنا معاه ضاع هدر 
أنا تعبي مبيروحش هدر ابدا ودا لأني عارفة كويس أنا بعمل ايه كل خطوة محسوبة ومدروسة والنتيجة اللي بوصلها حتى لو بعد عشرين سنة بتكون هي بالظبط اللي قصدت اوصلها مصطلح الصدفة مش موجود في قاموسي الحظ حصان عمري ما راهنت عليه أنا بعتمد على ذكائي وبس لا بخونه ولا بيخوني
طالما طلبتيني تبقى عايزة مني حاجة اؤمريني يا ستي
ستك وهأمرك بس مش عايزة منك حاجة انت اللي عايز مني
عايز منك ايه
برافو يا مجدي دايما بحب الناس اللي مؤمنة بيا ومتأكدة ان محدش غيري يعرف هما عايزين ايه حتى هما نفسهم ميعرفوش.. انت عايز ترجع الخدمة تاني يا مجدي بعد ما السادات فصلك
وانتي هتعرفي تعملي دا 
هاهاهاهاها الألم دا يا مجدي عشان متسألش السؤال دا تاني أظن دي أول مرة تتضرب فيها بالألم على وشك
أنا خدامك وأسف على السؤال اللي سألته
أنا هرجعك الخدمة تاني وهرجعك في نفس الجهاز اللي بتحب تشتغل فيه مصلحة السجون أنا عارفة ان دا مكان بتلاقي نفسك فيه وبتقدر تخرج كبتك وساديتك اول ما تقعد على مكتبك الجديد استنى مني تليفون عشان اديك أوردر مهم.. يالا انصراف دلوقتي..
في السچن 
أخبارك ايه يا صبحي
بخير يا ست نهلة
مبروك البدلة الحمرا
أنا رهن اشارتك يا ست نهلة نفذت كل اوامرك روحت سلمت نفسي واعترفت باللي عملته في سواق التاكسي اللي اسمه فؤاد دا وفديت أختك واديني اهو ھموت بعد أيام
محدش بېموت معايه يا صبحي انت هتعيش هتعيش على طول ومكافأة الطاعة عندي كبيرة اوي دا برغم ان الطاعة عندي مش عمياء أنا بشرحلك المهمة كاملة من الاول وبسمحلك بكل الأسئلة


________________________________________

اللي ممكن تدور في خيالك وبديك الحرية تختار تكمل وللا لا أنا مش زي غيري
انتي ست الكل وانا عمري ما هخالف العهد اللي خدته قدامك
وانا مبخلفش وعودي سلام يا صبحي والى اللقاء في الجنة..
في سجن أبي زعبل 
انت ايه اللي جابك هنا يا واطي
الحق عليا جايبلك معايه عيش وحلاوة وجاي اطمن عليك قولي يا عاصم لو مش مرتاح في السچن دا أنا ممكن اكلملك حد ينقلك المزرعة وللا القلعة انت عارف أخوك عضو مجلس شعب وايده طايلة
انت جاي تتشفى بس أنا بقى هحرق قلبك يا سيادة النائب لما تروح ابقى سلملي على ثريا وبوسهالي عشان وحشتني أوي
قول اي كلام عايز تقوله انت دلوقتي زي التور المدبوح عمال تفرفر وتخبط يمين وشمال حلاوة روح يا عاصم ليه بتلاعبني وانت عارف انك مش قدي أنا لحمي مسمۏم
بس لحم ثريا طري بقولك ايه مش انت عارف برضو ان مراتك عندها وحمة شبه الفراولاية كدا اوعى تكون متجوزها بقالك كل السنين دي ومشوفتش الوحمة دي وللا انت هتشوفها ازاي صحيح ما أنت مشغول في قضايا الوطن اصل انا عارف ان الناس اللي بتنجح في السياسة دايما بيفشلوا في حياتهم الخاصة وبعدين هو انت لو كنت شوفت الوحمة كانت ثريا احتاجتني في حاجة 
انت بتقول ايه يا كلب 
متاخدش الأمور بحساسية يا مونتي احنا اخوات يا جدع هو انا غريب وبعدين المليان يصب عالفاضي عارف ايه اللي يزعل فعلا ان الهانم كانت مرافقة ابن خالتها الواد الهيبز دا اللي كانت بتحبه قبل ما تتجوزك هي حتى مرة في ساعة صفا كدا وهي بتقشرلي الموز قالتلي ان الواد دا غلط معاها قبل الجواز وانت الشهادة لله طلعت شهم وسترتها وبدأت معاها صفحة جديدة خالص بس هي بقى الوطيان في ډمها قرطستك وكانت بتقابله أثناء ما كنت حضرتك مشغول بهموم الناخبين اتقبض عليها وهي معاه في شقة في الجيزة وكانت هتلبس قضية آداب كلمتني على تليفون المكتب وقالتلي الحقني من الڤضيحة وقدرت اخرجها من غير حتى ما يتعملها محضر وخدت اتعابي في القضية دي مشاعر إنسانية بس يا حرام تلاقيها دلوقتي حست بالفراغ تاني..
بعد الزيارة دي منتصر خرج من عند عاصم دمه فاير قتل مراته ودخل السچن الكلام اللي سمعه من عاصم مع تأثير المخډرات اللي كان بيتعاطاها خلوه فقد صوابه وعاصم هرب من السچن نهلة هي اللي سهلتله عملية الخروج عاصم هو كمان قتل مراته وجالي البيت وفضحني بالصور اللي كان ماسكها عليا قدام مصطفى جوزي صوري أنا وفؤاد مصطفى ساعتها طلقني بالتلاتة..
عاصم كان عامل زي التور الهايج بيضرب في الكل مكانش واعي للي بيعمله لدرجة أنه حاول ېقتل نهلة بس المحاولة فشلت..
لما مصطفى طلقني كنت ساعتها خلفت شادي ابني بس مصطفى خده مني وطردني حتى بيت بابا اتقفل في وشي ملقيتش اي مكان اروحه غير بيت نهلة..
نهلة فهمتني اني عمري ما هشوف ابني تاني لأن مصطفى يقدر يرفع قضية ضم ويكسبها بالصور اللي معاه لأني في نظر القضاء ست ساقطة ومش أهل لحضانة طفل..
أنا خسړت كل حاجة قلبي كان بيتقطع من الحسړة بس نهلة قالتلي اطمني اللي يشرب من الواين بتاعي عمره ما يخسر ابدا..
الحل الوحيد ان مصطفى السباعي ېموت وساعتها تبقي كسبتي ابنك وكسبتي كل ثروة مصطفى بصفتك الوصي على ابنك..
كنت وصلت لمرحلة بقيت فيها مسلوبة الإرادة قدام نهلة وافقت على اللي قالته كله ونفذته واتخلصت من مصطفى واستوليت على عرش امبراطوريته بس من الساعة دي اتحولت لوحش مستعد يفترس اي حد هيفكر يقرب من ثروتي أو ابني..
شادي كبر ودخل الجامعة ومشاكله كبرت..
كان عنيد ومبيسمعش كلام حد مكانش حد يقدر يفرض عليه شيء هو مش حابه..
وكل دا كان يهون لو وقفت الحكاية عند اختياراته في الدراسة أو في الناس اللي بيصاحبهم..
لكن لما يروح يحب بنت شحاتة زميلته في الجامعة يبقى دا اللي ميتسكتش عليه ابدا..
كان لازم أتدخل واعرف كل حاجة عن البنت دي..
يتيمة..
ساكنة في المقطم..
امها خياطة ومعندهاش ولاد غيرها..
أخواتها كلهم وابوها ماتوا في حريقة قامت في شقتهم من 20 سنة كانت امها في الوقت دا حامل فيها وكانت بايته عند أهلها يوم الحاډثة ودا اللي نجاها من المت هي واللي في بطنها..
اسمها دينا فؤاد الشيمي...
كل حاجة بتتهد فوق دماغي يا نهلة أنا كنت فاهمة ان الماضي بېموت الماضي كله بيطاردني دلوقتي زي الأشباح كل اللي انا عملته زمان راجعلي دلوقتي
ايه اللي حصل يا منال 
شادي ابني اللي طلعت بيه من الدنيا بيضيع مني ساب بنات مصر كلهم وراح يحب بنت فؤاد الشيمي أخته
ايه انتي اټجننتي يا منال وللا بتخرفي فؤاد م١ت هو وكل ولاده على يدك
مش كلهم فؤاد


________________________________________

كان قايلي قبل ما ېموت يوم ما اديته الشيك ان مراته حامل كانت حامل في بنت من حسن حظها أنها ماكانتش بايتة في الشقة يوم ما حرقناها البنت دي كبرت وحبت شادي أنا كنت فاكرة ان المصېبة في انه بيحب واحدة مش من مستواه اتاري المصېبة اكبر من كدا بكتير خلصيني من الکاړثة دي يا نهلة
وابنك عرف بنت فؤاد منين 
زميلته في الجامعة
وهي سابت ولاد الجامعة كلهم وراحت حبت شادي بالذات
النصيب
مفيش حاجة اسمها النصيب والقدر والكلام الفارغ دا كلها اختياراتنا احنا البنت دي مزقوقة على ابنك
عشان فلوسه 
مش بس البنت دي عارفة ان شادي ابنك وقاصداكي انتي بالتحديد عايزة تضربك في مقټل متنسيش انك كنتي متهمة في قتل ابوها زمان اكيد امها رضعتها كرهك لحد ما جه اليوم اللي عرفت ټحرق قلبك فيه على ابنك زي ما يتمتيها قبل ما تتولد
يبقى تختفي
مش بالسهولة دي زمان انتي خرجتي من قضية قتل ابوها عشان قدرت اخلي صبحي يشيلها عنك دلوقتي لو الموضوع حصل فيه اي غلطة والنيابة اتهمتك پقتل البنت مش هتخرجي منها وحتى لو العملية تمت بنضافة ھتحرقي قلب ابنك وهتخسريه للابد
طب والعمل هسيب الواد يتجوز أخته
وليه لا
انتي بتقولي ايه انتي اټجننتي
مفيش حل غير دا
اسيب الأخ ېعاشر أخته
يتجوزها.. قلت يتجوزها مش يعاشرها
ودي همنعها ازاي دي
قبل الفرح ېتصدم فيها يعرف أنها بټخونه يزعل كام شهر بس في الآخر محدش بېموت من ۏجع القلب ساعتها تبقى بتاعتنا نعمل فيها اللي احنا عايزينه
وهيتصدم فيها ازاي 
دي سيبيها عليا وخليني احاول مع شادي محاولة أخيرة يمكن يقتنع بكلامي..
في الكافيتيريا 
اسمعوا يا ولاد أنا عارفة أنكو بتحبوا بعض وأنا اكتر واحدة ممكن تحس بيكو وتقدر نبل مشاعركم بس منال مش هتسيبكم في حالكم منال مش ناويالك على خير خالص يا دينا
هتعملي ايه يعني
تقدر تعمل كتير تقدر تمحي وجودك اصلا 
بقولك ايه يا نهلة
نهلة ايه يا شادي انت كبرت للدرجادي وأنا مش واخدة بالي مفيش حتى خالتو نهلة
لا مفيش واسمعي اللي هقولك عليه أنا طول عمري بكرهك عارفة بكرهك ليه لأني فاهمك كويس اوي مش هتعرفي تضحكي عليا زي ما ضحكتي على غيري أنا عارف ان انتي السبب في كل الخړاب اللي حل على عيلة البنداري من سنين ولو فاهمة انك هتقدري تعيدي المأساة دي في جيلنا تبقي غلطانة
عيب كدا يا شادي ميصحش تتكلم مع خالتك كدا أنا آسفة جدا يا تانت
اسكتي انتي يا دينا انتي مش فاهمة حاجة نهلة دي مش انسانة نهلة دي شيطانة
شكرا يا ابن اختي على العموم أنا كنت جاية احذركم جرب تاخد كلامي دا جد كل ثانية بتفوت عليكم وانتو قدام عيون منال فيها خطړ على حياة الغلبانة دي انت في الأول أو في الآخر ابنها عمرها ما تئذيك اهربوا يا شادي اهربوا واتجوزوا..
في بيت منتصر 
رؤوف يمكن تكون العلاقة بيني وبينك أنت وانچي مش في احسن حالاتها بسبب الخلافات القديمة بس أنا عارف انكم نضاف عشان كدا انا جيت هنا دلوقتي أنا ودينا نلجألكم
واحنا اخواتكم يا شادي وعمري ما دخلت نفسي ولا دخلتك في الخلافات اللي بين أهالينا حتى ولاد خالك عاصم أنا علاقتي بيهم كويسة جدا..
حيث كدا أنا هحكيلك كل حاجة..
شادي حكى كل حاجة لرؤوف ابن خاله لما رؤوف عرف ان شادي بيحب دينا وعرف دينا دي تبقى مين كشف السر اللي عيشت طول عمري اخبيه رؤوف كان عارف حكايتي مع فؤاد الشيمي من ولاد عاصم وولاد عاصم عرفوا الحكاية من ابوهم قبل ما يتسجن وشادي عرف ان دينا تبقى أخته وان أنا اللي قټلت ابوهم واخواتهم ومن لحظتها شادي ابني أتحول لأكبر عدو ليا 
راح النيابة وقدم كل المستندات اللي خدها من ولاد عاصم والنيابة أمرت بفتح التحقيق في قضية فؤاد الشيمي تاني بعد 20 سنة وهربت عند نهلة في الوقت نفسه عاصم ومنتصر هربوا من السچن بعد ما كان محكوم على كل واحد فيهم في قضايا تخليه يكمل بقية حياته في السچن ونهلة جمعتنا كلنا عندها في شقتها..
رؤوف كان شايف اننا بعد اللي عملناه في ماما دا حياتنا كلنا مبقتش في أمان أنا ودينا وولاد خالي عاصم كلنا في خطړ أنا مكنتش مصدق الكلام دا وكنت شايفه بيبالغ
انت بتقول ايه يا رؤوف يعني أمي ممكن تقتلني زي ما قټلت ابويا زمان
ليه لأ أمك زيها زي أهلي وزي خالك عاصم ومراته واقعين تحت السيطرة الكاملة لنهلة ممكن يعملوا اي حاجة في الدنيا ونهلة دي هي أس الخړاب أنا شايف ان الحل الوحيد


________________________________________

اننا نروح لجدك نتحامى فيه هو الوحيد اللي يقدر يخلصنا من كل دا
جدي أنا طول عمري بسمع عنه بس عمري ما قابلته
أنا وولاد خالك عاصم على اتصال دايما بيه وهو بيحبنا جدا جدك عظيم اوي يا شادي وطيب كل الكلام اللي اهالينا كانوا بيحكوهلنا عنه كدب عشان يبعدونا عن طريقه..
ودخلت قصر البنداري لأول مرة في حياتي قصر كبير جدا زي اللي بنسمع عنه في حواديت ألف ليلة وليلة مليان خدم وحراس كنت متخيل جدي دا راجل عجوز ومكحكح لكن لما شوفته لقيته حاجة تانية خالص له هيبة كإن الزمن مأثرش فيه أو كإنه هو الزمن ذاته لابس بدلة شيك جدا وفي ايده عصاية عاج وعلى رأسه طربوش شبه الباشاوات بتوع زمان أو هو واحد منهم بالفعل في كامل صحته وتركيزه رحب بينا أول ما شافنا..
يا اهلا بالطيبين اهلا بالزرعة النضيفة اللي خرجت من أرض مش نضيفة دا دليل في حد ذاته على ان كل انسان بيختار مصيره بحرية كاملة أنا عارف ان الرحلة كانت متعبة اطلعوا فوق دلوقتي ارتاحوا وبعدين هبعتلكم..
اهلا بيكم في مملكتي لازم تعرفوا ان دا المكان الوحيد الآمن ليكم في العالم كله وانا بس اللي هقدر احميكم واحافظ على حياتكم لازم تنسوا كل اللي حصل بينكم زمان وتتوحدوا تحت ملكي..
كلكم شربتم من الكاس كاس الخطيئة الأولى وكلكم دلوقتي تحت سيطرتي الكاملة بس عشان دا يتحقق فيه طقوس لازم تعملوها طقوس إعلان الولاء ليا لنهلة وبس..
كلكم دلوقتي بالأمر هتسجدوا قدامي وبعدها ارواحكم هتكون ملكي..
وسجدنا بالفعل قدام نهلة محدش فينا كان عنده اختيار بس فجأة حصلت حاجة غريبة حسينا المكان كله بيترج كإنها لعڼة ربنا صبها علينا من السما الخۏف ملا قلوبنا وفي لمح البصر المكان اتملا حراس كتفونا وغموا عيوننا وخدونا على مكان مجهول..
الرحلة انتهت وكلكم رجعتوا هنا تاني لنفس المكان اللي كل شيء بدأ فيه عاجبكم اللي وصلتوا نفسكم ليه فاكرين الصوت دا وللا خلاص نسيتوه
بابا 
أنا مش ابو حد يا منال ودا السر اللي خبيته عنكم طول العمر لحكمة كنت عارفها وقاصدها كنت عايزكم تعرفوني بقلوبكم من غير طمع ولا خوف أنا مخلفتش ومبخلفش وجيبت كل واحد وواحدة فيكم من مكان شكل عاصم مثلا أنا جيبته من قدام باب جامع في الشرقية وبعدها بسنين جبت نهلة من ملجأ كان عمرها ايام وبعدها جبت منال من كوم ژبالة وبعدها جيبت منتصر من دار أيتام..
كنت كل مرة بجيب فيها واحد منكم بفهم الباقيين ان أمهم بتولد مولود جديد..
لما قسمت عليكم الفلوس مكانتش دي ثروتي كانت فتافيت متجيش اي حاجة في اللي أملكه وكنت عارف ان كل حاجة هترجعلي في النهاية زي ما انا كنت عارف انكم هتقطعوا بعض على الفتافيت دي أنا كنت هنا في قصري وعارف كل اللي بيحصل برا كنت شايفكم ثانية بثانية
ولما انت شايفنا وعارف ان كل دا هيحصل ممنعتناش ليه
مكانش ينفع لانكم من البداية مخيرين وكل واحد فيكم هيتحاسب على اختياره ياما حذرتكم من نهلة ما سمعتوش كلامي من يوم ما خالفت اوامري هنا قدامكم واعلنت
انضمامها لجمعية سرية لعبادة الشيطان يومها أنا طردتها من البيت وحذرتكم منها محدش سمع كلامي مشيتوا وراها لحد ما وصلتكم انكم تسجدولها كنت كل يوم بستنى اي حد فيكم ييجي يخبط على بابي ويقولي انه ندمان وعايز ينضف لكن انتو اخترتوا تمشوا في طريق الشيطان للاخر 
مش ذنبنا اننا اتخدعنا في أختنا..
دي مش أختكم افهموا بقى اختكم ماټت من يوم ما خرجت من القصر اڼتحرت وانتو كلكم مشيتوا في جنازتها..
ودا اعتراف نصي مكتوب بخط ايديها بتقول فيه أنها باعت روحها للشيطان
وفجأة المكان كله اتملا شاشات عرض ضخمة جدا كانت بتعرض كل لحظة في حياتنا كل جرايمنا وكل اخطاءنا كل حاجة شوفنا نفسنا في جنازة نهلة واحنا شايلين النعش وبنعيط الغريبة اننا دلوقتي فاكرين كل حاجة لكن قبل كدا كنا ناسيين ازاي ضحكت علينا..
صح نهلة ماټت أنا فاكر دا كويس بس امال دي تبقى مين
بصولها وانتو تعرفوا
بصينا على نهلة لقينا شكلها اتغير تماما بقت مسخ قبيح جدا عمرنا ما شوفنا زيه قبل كدا..
نهلة ضحكت علينا
مفيش نهلة نهلة باعت نفسها للشيطان اللي ضحك عليكم هو الشيطان نفسه كل واحد فيكم كان جواه الخير والشړ بس اختار الشړ ودلوقتي جه الوقت اللي لازم تدفعوا فيه تمن اختياركم..
طب سامحنا واحنا مش هنعمل كدا تاني ادينا فرصة تانية..
للأسف فات الوقت انتو دلوقتي في مرحلة تنفيذ المصير اللي اخترتوه بنفسكم أولادكم هيفضلوا هنا في الأمان والسلام والراحة لأنهم طيبين اختاروا الخير وهربوا من الشړ أما انتو هتواجهوا مصيركم المظلم لوحدكم لأن دا كان اختياركم
من الأول ومحدش اجبركم على حاجة..
تمت