عارفة يعني ايه تكوني بتحبي واحد وفجأة تتجوزي اخوه

و فكرة اني مش هقرب منك دي تشيلها من دماغك لا دا انا هقرب وأقرب وهتبقى أم عيالي ودا بمزاجك مش غصب عنك لا سمح الله..

..و اقولك الانقح هيبقى برغبتك وبشوقك يا غزال وكل حتة فيكي هتبقى ملهوف عليا

غزال:دا بالغصب على كدا؟

شهاب كان هيرد لكن سمع صوت الزغايط جاي من برا لحظات والباب خبط

شهاب بحدة:قومي غيري والكلام اللي قلته امبارح يتنفذ

غزال:بس دا اكيد جدي ووالدتك

شهاب بضيق:حتى هند نفسها مالهاش تشوفك كدا... قوم ومطلعيش عفاريت عليكي

غزال قامت بهدوء اخدت هدوم ليها َ.. سابته ودخلت الحمام

شهاب اخد التيشيرت لابسه وفتح الباب لجده وأمه اللي كانت واقفه عنيها بتطق شرار

الجد بابتسامة:صباحية مباركة يا حبيبي.

شهاب بابتسامة:الله يبارك فيك يا جدي..

الجد بحب:اومال فين حبيبتي الصغيرة عايز اباركلها

شهاب:بتغير....

حليمة بضيق:ايه الاخبار يا حبيبي؟

شهاب بحدة وضيق:اطمني يا اما...

حليمة:ياله بينا يا حج محمود خلينا نسيب العرسان لوحدهم...

الحج محمود بجدية:

-هستناكم على الغداء تحت... عايزك في موضوع مهم يا شهاب.

شهاب:حاضر يا جدي