قصة اجهاض حلال

أنا في مصېبة انا حامل ومش عارفه اتصرف ازاي!!
اتجوزت عرفي وهو وعدني ان ده هيكون وضع مؤقت وهنتجوز رسمي.
وثقت في بس دلوقتي هو اختفى!
لما اكتشفت إني حامل رحت له الشقة اللي دايما بنتقابل فيها مالقتوش هناك حتى اتصلت بيه لكن تليفونه مقفول الكلية مابقاش يروحها!.
يارب أنا عارفه اني غلط اقف جنبي يارب!!
اهلي لو عرفه موضوع حملي ھيقتلوني!!..
فضلت اعيط في اوضتي إسراء اختي دخلت عليا وكنت بعيط مسحت دموعي بسرعة عشان متحسش بإي حاجه قربت عليا وقالت لي
فيكي ايه انتي تصرفاتك غريبة بقالك كام يوم!
سكت ومابقتش عارفه اقول ايه احكيلها مستحيل احكيلها حاجه!

بت مالك سرحانه في ايه انطقي مالك!
ماليش ممكن تسبيني بقى
اسراء مسكت دراعي پعنف وقالت لي
ما هو انا مش هسيبك غير لما تقولي في ايه وإلا انا هجيبلك ماما وهي تتصرف معاكي
اتنفضت من مكاني بعد ما سمعت كلمت ماما وقلت لاسراء
بلاش ماما ارجوكي بلاش!
قامت من مكنها وفضلت تبص لي بعدها قالت
لا كدا ف مصېبة فعلا انطقي ليلتك سودة النهاردة
اترميت في حضنها وفضلت اعيط اوي وانا بقولها
انجديني يا اسراء ارجوكي انا في کاړثة انا حامل!!
سمعت الجملة دي وزقتني پعنف على السرير قربت عليا وسحبتني من ايدي وقالت لي
حامل! ازاي لا انتي اكيد بتهزري صح قولي انك بتهزري!
انا متجوزه من فترة عرفي وهو وعدني ان ده وضع مؤقت بس بس لما اكتشفت اني حامل مابقاش ليه اثر اختفى!
محستش باسراء غير لما ايديها نزلت على خدي! فضلت ټضرب فيه بهستريا! فضلت تقول وهي بتضربني
انطقي مين الحيوان ده عرفتي ازاي! وكنتم بتتقبلوا فين! فين الورقة العرفي!
منطقتش بحرف زعقتلي بصوت عالي عشان اتكلم قلتلها وانا مڼهاره من العياط
مش معايا الورقة العرفي!
لقتها بتلطم على خدودها وهي بتقول
يادي المصېبة امك ھتموت فيها منك لله لو عرفت!!
سكت مش عرفه اقول ايه كمان اسراء سكتت فضلنا لمدة عشر دقائق مش بننطق بحرف لحد ما اسراء كسرت الصمت ده وقالت
امك لو عرفت ھتموت فيها منك لله!
رديت عليها وقلت وانا بترجاها
بلاش ارجوكي تقولي لماما حاجه انا هفضل وراه لحد ما اجيبه
ردت بحسرة
 ده اللي هو ازاي هو خلاص خد اللي هو عايزه ورماكي!
لأ انا عارفه اللي شهد ع جوازي العرفي النهاردة هروح له
ردت وقالت
يلا دلوقتي عارفه بيته
قلت لها
ايوة عرفة بيته طبعا
نزلنا انا وهي ورحنا على بيت حسان اللي شهد ع جوزنا هو يقرب له خبطت ع الباب خرجلنا مش عارفه حسيت بابتسامه منه لما شافني ف وشو! جايز اكون متهيألي ف ما اهتمتش اللي يهمني اني اشوف حل ف المصېبة دي!
قال لنا اتفضوا دخلنا ومستنتش اقعد قلت له ع طول
انا في مصېبة دلوقتي